"އެން އިވްނިން ވިތް ޕޮއިޒް"ގެ ނަމުގައި ޚާއްސަ ހަރަކާތެއް ޕޮއިޒް އިން ފަށައިފިއެވެ.

ޕޮއިސްގެ އައުޓްލެޓްތަކުން ލިބޭ ސެންޓުގެ ތަފާތު އެކި ބްރޭންޑްގެ ޕްރޮޑަކްޓްތައް އެއްތަނަކުން ފެނިގެންދާ މި ހަރަކާތް ކުރިއަށް ދަނީ ޖުލައި 26ން ފެށިގެން ދެ ދުވަހުގެ ނިޔަލަށެވެ.

މިއީ ޕޮއިޒް އިން ކުރިއަށް ގެންދާ މިފަދަ ދެ ވަނަ ހަރަކާތް ކަމަށެވެ. އެކަމާއި ގުޅޭ ގޮތުން ޕޮއިޒްގެ މެނޭޖިން ޑިރެކްޓަ އިލްޔާސް މުހައްމަދު ވިދާޅުވީ މިފަދަ ހަރަކާތެއްގެ ބޭނުމަކީ ކަސްޓަމަރުންނާއި އޮންނަ ގުޅުން ބަދަހިކުރުން ކަމަށެވެ. އަދި ޕްރޮޑަކްޓްތައް އެއްތަނަކުން ދައްކާލުމަކީ ވެސް މި ހަރަކާތުގެ ބޭނުމެއް ކަމަށް އޭނާ ވިދާޅުވިއެވެ. އަދި މިފަހަރުގެ މި ހަރަކާތް މިނިވަންދުވަހާއި ދިމާވުމަކީ އިވެންޓަށް ލިބުނު އިތުރު ފުރިހަމަކަމެއް ކަމަށް އޭނާ ވިދާޅުވިއެވެ.

ޕޮއިޒްގެ މި ހަރަކާތުގެ ތެރެއިން ސެންޓު ބައްލަވައިގަންނަ ކޮންމެ ބޭފުޅަކަށް ވެސް ކޫޕަނެއް ލިބޭނެއެވެ. އަދި ޕްރޮމޯޝަންގެ ގުރުއަތުލުން ކުރިއަށް ދާނީ ހޮނިހިރު ދުވަހުގެ ރޭގެ ވަގުތެއްގައެވެ. މި ޕްރޮމޯޝަން އިން އެއް ވަނަ އަށް ހޮވޭ ފަރާތަކަށް ސެމްސަންގ ގެލެކްސީ އެސް ބްރޭންޑްގެ ފޯނެއް ދިނުމަށް ވަނީ ހަމަޖެހިފައެވެ. މި ހަރަކާތުގެ ތެރެއިން ޕޮއިޒް އިން ވިއްކާ އެކި ބްރޭންޑްތަކުގެ، ފުޅާ ރޭންޖެއްގެ ޕްރޮޑަކްޓްތައް ޓެސްޓްކޮށް ބައްލަވައިގަތުމުގެ ފުރުސަތު ވަނީ ހުޅުވާލާފައެވެ.

ފަސޭހަ، ކުޑަކުދިންނަށް ކަމުދާ ގިނަ ގޭމްތަކަކާއި އެކު ކުރިއަށްދާ މި ހަރަކާތްތައް ރޭގަނޑުވެސް ކުރިއަށް ދާނެއެވެ. އެގޮތުން ހަވީރު މި ހަރަކާތްތައް ކުރިއަށްދަނީ 4ން 6 އަށެވެ. އަދި ރޭގަނޑު 20:30ން 10:30ށް މި ހަރަކާތް ކުރިއަށް ދާނެއެވެ. ކުރީ އަހަރު ޕޮއިޒްގެ އެން އިވްނިން ވިތް ޕޮއިޒް ހަރަކާތް ކުރިއަށް ގެންދިޔައީ ހުޅުމާލޭގައެވެ. އެ ހަރަކާތަށް ވެސް ވަރަށް ހޫނު ތަރުޚީބެއް ވަނީ ލިބިފައެވެ.