އެންޓި ޑިފެކްޝަން ބިލު ތަސްދީޤު ނުކުރައްވައި ދިގުދެންމެވުމަކީ ޑިމޮކްރަސީއަށް ފާޅުގައި މިހާރުގެ ރައީސް ޑރ މުޙައްމަދު މުއިއްޒު އަޅުއްވާ ހުރަހެއްކަމަށް ކުރީގެ ރައީސް އިބްރާހީމް މުޙައްމަދު ސާލިހު ވިދާޅުވެއްޖެއެވެ.
މަޖިލިސް އިންތިހާބުގެ ކެމްޕޭނަށް ގއ. މާމެންދޫއަށް ވަޑައިގެން ދެއްކެވި ވާހަކަފުުޅުގައި ރައީސް ސާލިހު ވިދާޅުވީ، މިފަދަ މުހިންމު ވަގުތެއްގައި އެފަދަ މުހިންމު ގާނޫނެއް ގެޒެޓުނުކުރައްވައި ގާނޫނަކަށް ނުހަައްދަވައި ރައީސް ހުންނެވުމަކީ ޑިމޮކްރަސީއަށް ފާޅުގައި ހުރަސް އެޅުއްވުން ކަމަށެވެ.
ރައީސް މުއިއްޒު އެ ބިލު އަނބުރާ ފޮނުއްވާލެއްވިޔަސް މަޖިލީހުން އެ ބިލު ފާސް ކުރުމަށް އެމްޑީޕީން މަސައްކަތް ކުރާނެކަމަށް ރައީސް ސާލިހު ވިދާޅުވިއެވެ.
މިފަދަ މުހިންމު ވަގުތެއްގައި އެފަދަ މުހިންމު ގާނޫނެއް ގެޒެޓުނުކޮށް، ގާނޫނަކަށް ނުހަދާ ހިފަހައްޓައިގެން އިންވުމަކީ އަޅުގަނޑު ދަންނަވާނީ ޑިމޮކްރަސީއަށް ފާޅުގަ އެމަނިކުފާނު އަޅުއްވާ ހުރަހެކޭކުރީގެ ރައީސް އިބްރާހީމް މުހައްމަދު ސާލިހު
ރައްޔިތުންގެ މަޖިލީހުން ފާސްކޮށްފައިވާ އެންޓި ޑިފެކްޝަން ބިލް ރައީސުލްޖުމްހޫރިއްޔާ ޑރ މުއިއްޒު ތަސްދީޤު ނުކުރައްވާތީ އެމްޑީޕީގެ މެމްބަރުން ގެންދަވަނީ އެކަމުގެ ނުރުހުން ފާޅު ކުރައްވަމުންނެވެ.
