ގެއްލިގެން ހޯދަމުންދިޔަ 15 އަހަރުގެ ފިރިހެން ކުއްޖާ ފެނިފައިވާ ކަމަށާއި އެ ކުއްޖާގެ ހާލު ރަނގަޅު ކަަމަށް ފުލުހުން ބުނެފިއެވެ.
ފުލުހުން ބުނީ ގެއްލިގެން ހޯދާފައި ވަނީ ކުޑަހުވަދޫ / ދާރުއްސަލާމް، އާދަމް ޒިޔާން މުޙައްމަދު 15 އަހަރު (މިހާރު ދިރިއުޅޭ އެޑްރެސް: ހުޅުމާލެ ފްލެޓް ނަންބަރު 128-4-01) ކަމަށެވެ.
Advertisement
އޭނާ އާއިލާއަށް ޚަބަރެއްނުވެ ގެއްލިފައިވާ ކަމަށް ރިޕޯޓުކުރީ މި މަހުގެ 2 ވަނަ ދުވަހުއެވެ. އަދި އޭނާ އެންމެ ފަހުން ފެނިފައި ވަނީ މި މަހުގެ އެއް ވަނަ ދުވަހުގެ 23:00 ހާއިރު، އެ ކުއްޖާ ދިރިއުޅޭ ގެއިން ކަމަށް އާއިލާއާއި ހަވާލާދީ ފުލުހުން ވަނީ ބުނެފައެވެ.
ފުލުހުން ފަހުން ބުނީ އޭނާ އަމިއްލައަށް ގެއަށް ގޮސްފައިވާ ކަމަަށް އާއިލާއިން ބުނެފައިވާ ކަމަށެވެ.
