ޕަބްލިކް ޕާސެޕްޝަން ސާރވޭގެ ނަމުގައި ޚާއްސަ ދިރާސާއެއް ފަށާފައިވާ ކަަމަށް ފުލުހުން ބުނެފިއެވެ.

ފުލުހުން ބުނީ މި ދިރާސާ ފަށާފައި ވަނީ ފުލުހުންގެ ޚިދުމަތުގެ ފެންވަރު އިތުރަށް ރަނގަޅުކޮށް، މުޖުތަމައުގެ ސަލާމަތާއި ރައްކާތެރިކަން ކަށަވަރުކުރުމަށް ކުރަންޖެހޭ ކަންކަމަކީ ކޮބައިތޯ ދެނެގަތުމަށްޓަކައި ކަމަށެވެ.  

އޮންލައިންކޮށް ކުރިއަށް ގެންދާ މި ދިރާސާއަކީ ދިވެހި ފުލުހުންގެ ޚިދުމަތުގެ ފެންވަރު އިތުރަށް ރަނގަޅުކުރުމުގެ މަގްސަދުގައި ކުރިއަށް ގެންދާ ދިރާސާއެވެ. ފުލުހުން ބުނީ މުޖުތަމައުގެ ސަލާމަތާއި ރައްކާތެރިކަން ކަށަވަރުކުރުމަށް ކުރަންޖެހޭ ކަންކަމަކީ ކޮބައިތޯ ދެނެގަތުމަށާއި ދިވެހި ފުލުހުންގެ ޚިދުމަތުގެ ކުރިއަށް އޮތް ފަސް އަހަރަށް އަމާޒުކޮށްގެން ތައްޔާރުކުރެވޭ ސްޓްރެޓެޖިކް ޕްލޭން ތައްޔާރުކުރުމަށް ބޭނުންވާ މައުލޫމާތު ހޯދުމުގެ ގޮޮތުން ފުލުހުންގެ ސްޓްރެޓެޖީ ޕްލޭނިންގ އެންޑް ޑިވެލޮޕްމަންޓުން މި ދިރާސާ އިން އެއްކުރާ މައުލޫމާތު ބެނުން ކުރާނެ ކަމަށެވެ.

މި ދިރާސާ ކުރިއަށް ގެންދަނީ މައިގަނޑު 6 ބަޔަކަށް ބަހާލައިގެންނެވެ. އަދި ޖުމްލަ 37 ސުވާލު މި ދިރާސާގައި ހިމެނެއެވެ. މި ދިރާސާގެ ސުވާލުތައް ފަރުމާކޮށްފައިވަނީ ވަޒަންކުރެވޭ ގޮތަށް ޕޮއިންޓުދޭ ގޮތަށެވެ. މި ދިރާސާގައި ބައިވެރިވާ ފަރާތްތަކުގެ ހުށަހެޅުންތައް ބޭނުންކުރުމަށް ހަމަޖެހިފައިވަނީ ފުލުހުންގެ ޚިދުމަތުގެ ފެންވަރު އިތުރަށް ހަރުދަނާކޮށް މަސައްކަތްތައް ބައްޓަންކުރުމަށެވެ.