ގއ.ވިލިގިލީގައި މަހަށް ނުކުމެ އުޅުނު ބިދޭސީއަކު ނިޔާވެއްޖެއެވެ.
ފުލުހުން ބުނީ ގއ.ވިލިގިލިން މަހަށް ނުކުމެ އުޅުނު ދޯންޏެއްގައި ހުރި މީހަކު ހާލު ދެރަވެގެން ދާންދޫ ހެލްތް ސެންޓަރަށް ގެންދިޔަކަން އެ އިދާރާ އަށް ރިޕޯޓްކޮށްފައި ވަނީ ހޯމަ ދުވަހުގެ ރޭގެ 12:25 ހާއިރުކަމަށެވެ.
އަދި ހެލްތް ސެންޓަރަށް އެ މީހާ ގެންދިޔަ އިރު ވެސް ނިޔާވެފައިވާ ކަމަށް ހެލްތް ސެންޓަރާއި ހަވާލާދީ ފުލުހުން މައުލޫމާތު ދީފައިވެއެވެ.
Advertisement
ފުލުހުން މައުލޫމާތު ދީފައިވާ ގޮތުގައި ނިޔާވެފައި ވަނީ އުމުރުން 35 އަހަރުގެ ބަންގްލަދޭޝަށް ނިސްބަތްވާ ފިރިހެނެކެވެ.
ފުލުހުން ބުނީ މިކަމާއި ގުޅިގެން ބަލަން ޖެހޭ ކަންކަން ބަަލަމުންދާ ކަމަށެވެ.
