ދިވެހިރާއްޖޭގެ ޤާނޫނުތަކާއި ގަވާއިދުތަކާއި ޤާނޫނުތަކަށް ގެނެވިފައިވާ އިޞްލާޙުތައް ފަސޭހައިން ބަލާލެވޭ ގޮތަށް ފަރުމާކޮށްފައިވާ އެމްވީލޯގެ އައު ވެބްސައިޓް އެޓަރނީ ޖެނެރަލް އޮފީހުން އިފްތިތާހުކޮށްފިއެވެ.
އެމްވީލޯގެ އައު ވެބްސައިޓް އިފްތިތާޙުކޮށްފައިވަނީ އެކަމަށްޓަކައި އެޓަރނީ ޖެނެރަލް އޮފީހުގައި ބޭއްވި ޚާއްޞަ ރަސްމިއްޔާތެއްގައެވެ. އެގޮތުން މި ރަސްމިއްޔާތުގައި ޔޫއެންޑީޕީގެ މޯލްޑިވްސްގެ ޑެޕިއުޓީ ރެސިޑެންޓް ރެޕްރެސެންޓޭޓިވް މިސް ޕެކް ޗުއާން ގަން، ޔޫއެންޑީޕީ މޯލްޑިވްސް، ޖަވާބު ޕްރައިވެޓް ލިމިޓެޑް ތަމްސީލުކުރައްވާ ފަރާތްތަކާއި އެޓަރނީ ޖެނެރަލްގެ އޮފީހުގެ ވެރިންނާއި މި ޕްރޮޖެކްޓްގައި މަސައްކަތްކުރެއްވި ޓީމް ބައިވެރިއެވެ. މި ރަސްމިއްޔާތުގައި އެޓަރނީ ޖެނެރަލް އަލްއުސްތާޛު އިބްރާހިމް ރިފްޢަތުގެ ވާހަކަފުޅުގައި ދިވެހިރާއްޖޭގެ ޝަރުޢީ އަދި ޤާނޫނީ ދާއިރާ ހަރުދަނާކުރުމަށް ޔޫއެންޑީޕީން ދެއްވާ އެހީތެރިކަމަށް ޝުކުރުއަދާކުރެއްވިއެވެ. އަދި އެމްވީލޯގެ ގެ އައު ވެބްސައިޓާއި އެމްވީލޯ ގެ މޯބައިލް އެޕްލިކޭޝަން ޑިވެލޮޕްކުރުމުގައ،ި ޔޫއެންޑީޕީ އާއ،ި ޖަވާބު ޕްރައިވެޓް ލިމިޓެޑާއޮ އެޓަރނީ ޖެނެރަލްގެ އޮފީހުގައި މި މަސައްކަތްކުރެއްވި ޓީމުގެ މަސައްކަތަށް ޝުކުރުއަދާކުރެއްވިއެވެ.
ޔޫއެންޑީޕީ ގެ އެހީތެރިކަމާއެކު ޖަވާބު ޕްރައިވެޓް ލިމިޓެޑުން ފަރުމާކޮށް ޑިވެލޮޕްކޮށްފައިވާ މި ވެބްސައިޓްގެ މަޤުޞަދަކީ ދިވެހިރާއްޖޭގެ ހުރިހާ ޤާނޫނުތަކާއި ގަވާއިދުތަކާއި އިޞްލާޙުތައް އެއްތަނަކުން ފަސޭހަ ކަމާއެކީ ބަލައިލެވޭނެ އިންތިޒާމް ހަމަޖެއްސުމާއ،ި ދިވެހިރާއްޖޭގެ ޤާނޫނުތަކާއި ގަވާއިދުތަކާ ގުޅޭގޮތުން ރައްޔިތުންގެ ހޭލުންތެރިކަން އިތުރުކުރުވުމާއ،ި ޤާނޫނީ ދާއިރާގައި މަސައްކަތްކުރާ ފަރާތްތަކުގެ މަސައްކަތް އިތުރަށް ހަލުވިކުރުމަށް މަގުފަހިކޮށްދިނުމެވެ. އެގޮތުން އިފްތިތާޙުކުރި އެމްވީލޯގެ އައު ވެބްސައިޓް މެދުވެރިކޮށް ، ކީވަރޑް ބޭނުންކޮށްގެން ޤާނޫނުތަކާއި ގަވާއިދުތައް ހޯދުމާއ،ި ޤާނޫނުތަކަށް ގެނެވިފައިވާ އިޞްލާޙުތައް ޓްރެކްކުރުމާއ،ި އޮފްލައިންކޮށް ކިޔާލުމަށްޓަކައި ޤާނޫނުތަ ކާއި ގަވާއިދުތައް ސޭވްކުރެވުމާއ،ި ޤާނޫނުތަކުގެ މާއްދާތައް ބުކްމާކްކުރުން ފަދަ ފަސޭހަތައް ލިބިގެންދާނެއެވެ.
އަދި މި ވެބްސައިޓަކ،ީ ޚާއްޞަ އެހީއަށް ބޭނުންވާ ފަރާތްތަކަށް އަމާޒުކޮށްގެން ދިވެހިބަހުން ޓެކްސްޓް -ޓު-ސްޕީޗް ފަންކްޝަން ހިމަނާފައިވާ ވެބްސައިޓެކެވެ.
މި ވެބްސައިޓަށް ހުރިހާ މޮބައިލް ޑިވައިސްތަކުން ވަދެވޭއިރު، އެމްވީލޯ ގެ ޚާއްޞަ މޮބައިލް އެޕްލިކޭޝަނެއް ކުރިއަށް އޮތް ހަފްތާއެއްހާ ދުވަހުގެ ތެރޭގައި އައ.ިއ.ޯއެސް އަދި އެންޑްރޮއިޑް ޑިވައިސްތަކަށް ލިބެން ހުންނާނެއެވެ.
އެމ.ްވ.ީލޯ ގެ އައު ވެބްސައިޓް އިފްތިތާޙުކުރުމަކީ ދިވެހިރާއްޖޭގެ ޤާނޫނީ އޮނިގަނޑުގައި ހިމެނޭ މަޢުލޫމާތުތަކަށް ޢާންމުންނާއ،ި ޤާނޫނީ ދާއިރާގައި މަސައްކަތްކުރައްވާ ފަރާތްތަކުން ފަސޭހަ ކަމާއެކު ވާޞިލްވުމަށް އެޅުނު މުހިއްމު ފިޔަވަޅެކެވެ.
