ކަސްޓަމްސް ފީ ދެއްކުމަށްކަމަށް ބުނެ ސްކޭމް މެސެޖްތަކެއް ދައުރުވާން ފަށައިފިއެވެ.
ކަސްޓަމްސް ފީ ދެއްކުމަށްކަމަށް ބުނެ އެކި ނަންބަރުތަކުން ސްކޭމް މެސެޖްތައް ފޮނުވުން ގިނަވެފައިވާކަމަށް ފުލުހުން ބުނެފިއެވެ.
ފުލުހުން ބުނީ ކަސްޓަމްސް ފީއަށް ފައިސާ ދެއްކުމަށް ކަމަށް ބުނެ ލިންކެއް ހިމެނޭ މެސެޖެއް ދައުރުވަމުންދާތީ އެކަމަށް ސަމާލުވުމަށް އެދޭ ކަމަށެވެ.
ސްކޭމް ކޯލުތަކަށް އާއްމުން ހޭލުންތެރިކުރުވުމުގެ ގޮތުން ކަމާބެހޭ ފަރާތްތަކުން ތަފާތު ހަރަކާތްތައް ވެސް ކުރިއަށް ގެންދެއެވެ. އަދި އެހެން ލިބޭ ކޯލުތަކަށް ޖަވާބު ނުދިނުމަށާއި، ފޮނުވާ ލިންކްތަކަށް ނުފިތުމަށް އިލްތިމާސްކޮށްފައިވެއެވެ. ބީއެމްއެލުން ބުނީ އެސްއެމްއެސް މެދުވެރިކޮށް ވެސް މަކަރާއި ހީލަތުން ކަސްޓަމަރުންނަށް އޮޅުވާލައިގެން ކަސްޓަމަރުންގެ އިންޓަރނެޓް ބޭންކިންގ މައުލޫމާތު ހޯދުމަށް މަސައްކަތްކުރަމުންދާ ކަމަށެވެ.
