ރިޔާސީ އިންތިޚާބުގެ ވޯޓުލުމުގެ ޙައްޤު ލިބިފައިވާ 58 އިންސައްތައަށްވުރެ ގިނަ މީހުން ވޯޓުލައިފިއެވެ.

އިލެކްޝަންސް ކޮމިޝަނުން ގެންދަނީ ވޯޓުލާ މީހުންގެ ނިސްބަތް ކޮންމެ ގަޑިއިރަކުން އާންމު ކުރަމުންނެވެ. އެގޮތުން ހޮނިހިރު ދުވަހުގެ މެންދުރު 14:00 އާ ހަމައަށް 58 އިންސައްތަ ރައްޔިތުން ވަނީ ވޯޓުލާފައެވެ.

އޭގެ ތެރޭގައި ހިމެނެނީ 82،798 ފިރިހެނުންނާއި، 82،183 އަންހެނުންނެވެ. ޖުމުލަ 164،981 މީހުން ވަނީ އެހާތަނަށް ވޯޓުލާފައެވެ.

ވުމާއެކު، މިހާރު ވޯޓުލުމުގެ ޙައްޤު ލިބިފައިވާ މީހުންގެ ތެރެއިން ވޯޓު ނުލާ މީހުންގެ ނިސްބަތަކީ 41 އިންސައްތައެވެ.