ދިއްގަރު ދާއިރާގެ މެމްބަރު ފާރިސް މައުމޫނު ހައްޔަރު ކުރުމަ ގުޅިގެން އެބޭފުޅާގެ ދައްތަ ހެލްތު މިނިސްޓްރީގެ ސްޓޭޓް މިނިސްޓަރަކަށް ހުންނެވި ދުންޔާ މައުމޫނު ކުރެއްވި ޓްވީޓަކުން ގިނަ ބަޔަކު ރަތަށް އަރައިފި އެވެ.
ސަރުކާރަށް ފާޑު ވިދާޅުވުމަށް ފަހު ފޮރިން މިނިސްޓަރުކަމުން އިސްތިއުފާ ދެއްވިތާ މާގިނަ ދުވަހެއް ނުވެ އަލުން އެއަށް ވުރެ ދަށް ވަޒީފާއެއްގައި ސަރުކާރާ ގުޅިވަޑައިގެންނެވި ދުންޔާ ކުރެއްވި ޓްވީޓުގައި ބޭބޭފުޅު ފާރިސް އާއި އޭނާގެ އަނބިކަނބަލުންނާއި ދަރިކަރުންނަށް ކެތްތެރިކަން ދެއްވުމަށް އެދިވަޑައިގެންފައި ވެއެވެ.
އެ ޓްވީޓާ އެކު ދުންޔާ ވަނީ އަނެއް ތިން ބޭފުޅުންނާ އެކު ނަންގަވާފައިވާ ފޮޓޯއެއް ވެސް ވަނީ އެޓޭޗްކުރައްވާފައެވެ.
Wishing my brother @afarismaumoon, his wife & son strength, Insha Allah pic.twitter.com/oG4EQ3765w
— Dunya Maumoon (@dunyamaumoon) July 18, 2017
މިޓްވީޓާ ގުޅިގެން ސިޔާސީ ފަރާތްތަކުންނާއި ރައްޔިތުންގެ މަޖިލީހުގެ މެމްބަރުންނާއި ގިނަ ބަޔަކު ދަނީ އެކަމަނާއަށް ފާޑު ކިޔަމުންނެއެވެ.
އެގޮތުން އެކަމަނާގެ ބޭބޭފުޅު ފާރިސް ދެކެ ލޯބިފުޅުވާ ނަމަ ވަގުތުން އިސްތިއުފާ ދެއްވާނެ ކަމަށް ޤަބޫލު ކުރާ ކަމަށާއި މަޤާމު ދިފާއު ނުކުރައްވައި އާއިލާ ދިފާއު ކުރެއްވުމަށް ގޮވާލާފައި ވެއެވެ.
If Dunya loves her bro, she would have resigned immediately!
— Yasyn (@yaxynn) July 18, 2017
އަދި އާއިލާއަށް ވުރެ މަޤާމާއި ފާއިސާ ބޭނުންވާ ކަމަށް ބައެއް މީހުން ބުނެފައިވާއިރު ދުންޔާ މިގޮތަށް ޓުވީޓު ކުރައްވަން ލަދުވެތިވާންޖެހޭ ކަމަށް ވެސް ބައެއް މީހުން ދުންޔާއަށް ރައްދު ދެމުން ބުނެފައިވެއެވެ. އަދި "ފިތިފައި" ހުންނެވީ ކޮން ކަމަކަށް ގުޅިގެންތޯ ބައެއް ފަރާތްތަކުން ވަނީ ސުވާލުކޮށްފައެވެ.
މިފަދަ އަނިޔާވެރި ސަރުކާރެއް ދިފާއު ކުރައްވަން ނުހުންނަވައި ކެރިވަޑައިގެން ފާޅުގައި ނިކުންނެވުމަށް އެތައް ބަޔަކު ވަނީ ގޮވާލާފައެވެ. ގިނަ މީހުން ވަނީ މި ޓުވީޓަކީ ބޮޑު ޖޯކެއްގެ ގޮތުގައި ސިފަކޮށްފައެވެ. އަދި ދުންޔާއަށް މަލާމަތް ރައްދުވާ ގޮތަށް ގިނަ ބަޔަކު ފާޑު ކިޔާފައި ވެއެވެ. މިއީ ކާކަށް ދައްކަވަން ކުރެއްވި ޓީވޭޓެއްތޯ ވެސް ސުވާލުކޮށްފައި ވެއވެެ.
Aailaa ah vuren Magaamaai faisaa beynun veema Amillaa Bappa ves gurubaan kuran thayyaru. Haadha ladhu kuda anhenekey thiyaee.
— adam shareef (@mnbcmd) July 18, 2017
ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ މައްސަލަ މަޖިލީހަށް ހުށަހަޅާފައި ވަނިކޮށް، ކޯޓު އަމުރެއްގެ ދަށުން ދިއްގަރު ދާއިރާގެ މެމްބަރު އަހްމަދު ފާރިސް ދިރިއުޅުއްވާ ގެއަށް ފުލުހުން ވަދެ، އެ ގެ ބަލައި ފާސްކުރުމަށް ފަހު ފާރިސް ހައްޔަރުކޮށްފައިވަނީ އަންގާރަ ދުވަހުގެ މެންދުރުގެ ވަގުތެއްގައެވެ.
ރައްޔިތުންގެ މަޖިލީހުގެ މެމްބަރުންނަށް ރިޝްވަތު ހުށަހެޅި ކަމުގެ ތުހްމަތުގަ އެވެ. ފުލުހުން ކުރިން ބުނެފައިވަނީ މެމްބަރުންނަށް ފާރިސް ރިޝްވަތު ހުށަހެޅިކަމުގެ އެކަށީގެންވާ ހެކި ހުރި ކަމަށެވެ.
