ރ. އުނގޫފާރުން މާލެއަށް ދަތުރުކުރި ލޯންޗެއްގެ ބެޓެރިއެއް ގޮވައި، ހަ މީހުންނަށް އަނިޔާވެއްޖެއެވެ.
އެމްއެންޑީއެފުން ބުނީ، އުނގޫފާރުން މާލެއަށް 39 މީހުންނާއެކު ދަތުރުކުރި "ކްރިސްޓަލް ސްޕީޑް" ކިޔާ ފެރީ ލޯންޗުގައި ބެޓެރިއެއް ގޮވުމުގެ ސަބަބުން 6 މީހަކަށް އަނިޔާވެފައިވާ ކަމަށެވެ.
އެމްއެންޑީއެފުން ބުނީ މިހާދިސާ ހިނގާފައިވަނީ އެރިޔަދޫ ރިސޯޓު ކައިރިން ކަމަށެވެ. އަދި އަނިޔާ ލިބުނު މީހުންނަށް އެރިޔަދޫ ރިސޯޓުގެ ކްލިނިކުން ފަރުވާ ދެމުންދާ ކަމަށާއި، ލޯންޗު އޮތީ އެރިސޯޓުގައި މަޑުކޮށްގެން ކަމަށެވެ.
Advertisement
ނަމަވެސް އެމީހުނަށް ލިބިފައިވާ އަނިޔާތަކުގެ ތަފްސީލެއް އަދި ނުލިބެއެވެ.
އެމްއެންޑީއެފްގެ ކޯސްޓުގާޑުން އެހީތެރިކަން ފޯރުކޮށްދެމުންދާއިރު، މިހާދިސާގެ ރިޕޯޓު ލިބިފައިވަނީ ބުދަ ދުވަހުގެ ހަވީރު 4:00 ގައެވެ.
