ކ. މާލެ
|
2 ޖުލައި 2023 | އާދީއްތަ 15:58
މާލެ ސިޓީ
މާލެ ސިޓީ
ގެޓީ އިމޭޖަސް
މަރުވެފައި އޮތް މީހަކު ފެނުން
ހެންވޭރުގެ ގެއެއްގައި މަރުވި މީހާ: މަރުވީ ކަރަންޓް ކޭބަލެއް ވަގަށް ނަގަން އުޅެނިކޮށް
އޭނާ ބިންމައްޗަށް ވެއްޓިފައި އޮތްތަނުން، ވައްކަންކުރަން ބޭނުންކުރާ އާލާތްތައް ފެނިފައިވޭ
މަރުވެފައިވަނީ އުމުރުން 43 އަހަރުގެ ދިވެހި ފިރިހެނެއް

ހެންވޭރުގެ ގެއެއްގައި މަރުވެފައި އޮތް މީހާއަކީ ކަރަންޓު ކޭބަލެއް ވަގަށް ނެގުމަށް އެގެއަށް ވަދެ އުޅުނު މީހެއް ކަމަށް ފުލުހުން ބުނެފިއެވެ.

ފުލުހުން ބުނީ ޖޫން މަހުގެ 30 ވަނަ ދުވަހު ހެންވޭރު ގެއެއްގެ ތެރޭގައި ޚަބަރު ހުސްވެފައި އޮއްވާ ފެނުނު މީހާއަކީ އެގެއިން ކަރަންޓު ކޭބަލެއް ވަގަށް ނެގުމަށް އެގެއަށް ވަދެ އުޅުނު މީހެއް ކަމަށާއި، އޭނާ މަރުވެފައިވަނީ ކަރަންޓު ކޭބަލް ބުރިކުރަން އުޅުމުގެ ތެރޭގައި ކަރަންޓުގައި ޖެހިގެން ކަމަށް ތަހުގީގަށް ބެލެވޭ ކަމަށެވެ.

ފުލުހުން ބުނީ މަރުވި މީހާގެ ހަށިގަނޑުން ކަރަންޓުގައި ޖެހިފައިހުރި ކަމުގެ ނިޝާންތައް ފެންނަން ހުރި ކަމަށެވެ. އަދި އޭނާ ބިން މައްޗަށް ވެއްޓިފައި އޮތްތަނުން، ވައްކަން ކުރަން ބޭނުންކުރާ އާލަތްތައް ފެނިފައިވާ ކަމަށް ފުލުހުން ބުނެއެވެ.

Advertisement

ހެންވޭރުގެ ގެއެއްގައި ޚަބަރު ހުސްވެފައި މީހަކު އޮތް ކަމުގެ ރިޕޯޓު ފުލުހުންނަށް ލިބިފައިވަނީ ޖޫން މަހުގެ 30 ވީ ހުކުރު ދުވަހު މެންދުރުފަހު 13:20ހާއިރުއެވެ. އެމީހާ އޭޑީކޭ ހޮސްޕިޓަލަށް ގެންދިޔައިރުވެސް މަރުވެފައިވާކަމަށް، އޭޑީކޭއިން މައުލޫމާތު ދީފައިވާ ކަމަށް ފުލުހުން ބުނެފައިވެއެވެ.

މަރުވެފައިވަނީ އުމުރުން 43 އަހަރުގެ ދިވެހި ފިރިހެނެކެވެ.

Advertisement

Advertisement
އެންމެ ފަހުން އަޕްޑޭޓް ކުރީ: 2 ދުވަަސް ކުރިން
ރިވިއު ކުރީ: އައިޝަތު ރިޔާޒް
- ކޮމެންޓް