މީހަކަށް މަރުގެ އިންޒާރުދިން މައްސަލާގައި ހުޅުމީދޫއިން މީހަކު ހައްޔަރުކޮށްފިއެވެ.
ފުލުހުން ބުނީ ހުޅުމީދޫގައި ރަށު ތެރޭގެ އަމަން ނަގާލަން އުޅުނު ކަމުގެ ތުހުމަތުގައި 44 އަހަރުގެ ދިވެހި ފިރިހެނަކު ހައްޔަރުކޮށްފައި ވާކަމަށެވެ.
ފުރަތަމަ އޭނާ ހައްޔަރުކުރީ ޖޫން މަހުގެ 27 ވަނަ ދުވަހު ކަމަށް ފުލުހުން ބުނެއެވެ.
ފުލުހުން ބުނީ އޭނާ ހައްޔަރުކުރުމަށް ފަހު 24 ގަޑިއިރު ފަހުން ދޫކޮށްލާފައިވާ ކަމަށެވެ.
އޭގެ ފަހުން ޖޫން 28 ވަނަ ދުވަހު އޭނާ ހައްޔަރުކުރީ މީހަކަށް މަރުގެ އިންޒާރު ދިނުމާ ގުޅިގެން، ކޯޓު އަމުރެއްގެ ދަށުން ކަމަށް ފުލުހުން ވަނީ ބުނެފައެވެ.
ފުލުހުން ދަނީ މި ދެ މައްސަލަވެސް ތަހުގީގުކުރަމުންނެވެ.
