ހދ.އަތޮޅުގެ މެޖިސްޓްރޭޓަކަށް މަރުގެ އިންޒާރު ދިން މައްސަލައަކާ ގުޅިގެން ދެމީހަކު ހައްޔަރުކޮށްފިއެވެ.
ފުލުހުން ބުނީ މެޖިސްޓްރޭޓަކަށް މަރުގެ އިންޒާރު ދިން މައްސަލައަކާ ގުޅިގެން މިމަހުގެ 22 ވީ ހޯމަ ދުވަހު ދެމީހަކު ހައްޔަރުކޮށްފައިވާ ކަމަށެވެ. އެއީ 23 އަހަރުގެ މީހަކާއި 25 އަހަރުގެ މީހެއް ކަމަށް ފުލުހުން ބުނެއެވެ.
މަރުގެ އިންޒާރު ދިނުމާއި ގުޅިގެން ދެމީހުން ހައްޔަރު ކުރިނަމަވެސް އިތުރު ތަފްސީލެއް ހާމަކޮށްފައެއް ނުވެއެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
