މަސްތުވާތަކެތީގެ މައްސަލައެއްގައި ދާންދޫ ޕޮލިސް ސްޓޭޝަނަށް ހާޒިރުކުރި މީހަކު ފިލައިފިއެވެ.

ފުލުހުން މައުލޫމާތު ދޭ ގޮތުގައި އޭނާ ފިލާފައިވަނީ އާދިއްތަ ދުވަހުގެ ރޭ 12:57 ހާއިރުއެވެ.

އޭނާ ހޯދުމުގެ މަސައްކަތް ފުލުހުން މިހާރު ގެންދަނީ ކުރަމުންނެވެ. ނަމަވެސް އެކަމުގެ އިތުރު ތަފްސީލެއް ފުލުހުން ހާމައެއް ނުކުރެއެވެ.

ދާދި ފަހުން ރަސްދޫ ޕޮލިސް ސްޓޭޝަނުގައި ބަންދުކޮށްފައި ހުރި މީހަކު ފިލި މައްސަލައެއްވެސް ފެންމަތިވިއެވެ. އޭނާ ގޮޅިން ފިލާފައިވަނީ މެއި މަހުގެ 5 ވަނަ ދުވަހު ގޮޅިން ނެރެފައި ހުއްޓައެވެ. އެއީ ޝަރީއަތް ނިމެންދެން ބަންދު ކޮށްފައި ހުރި މީހެއްކަމަށްވެސް ފުލުހުން މައުލޫމާތު ދެއެވެ.

އޭނާ ފަހުން ފުލުހުން ވަނީ ހޯދާފައެވެ.