މިސްރުގައި ބޭއްވި 29 ވަނަ "އިންޓަރނޭޝަނަލް ކޮންޓެސްޓް ފޮރ ރިސައިޓަރސް އޮފް ދަ ހޮލީ ޤުރުްއާން" އިން ރާއްޖޭގެ ދަރިވަރެއްކަމަށްވާ ފާތިމަތު ޝާޔާ ޒާހިރު ހޯދި ކާމިޔާބީ ފާހަގަކުރައްވައި، ޚާރިޖީ ވަޒީރު އަބްދުﷲ ޝާހިދު އޭނާއަށް މަރުހަބާ ވިދާޅުވެއްޖެއެވެ.
މިނިސްޓަރ ޝާހިދު ވިދާޅުވީ، ޝާޔާ ހޯދި ކާމިޔާބީއަކީ މުޅި ރާއްޖެ ފަޚުރުވެރިވާފަދަ ކާމިޔާބީއެއްކަމަށެވެ.
58 ގައުމަކުން ވާދަކުރި މި މުބާރާތުން ޝާޔާ ވަނީ އޭނާ ވާދަކުރި ބައިން 2 ވަނަ ހޯދާފައެވެ. ޝާޔާ މުބާރާތުގައި ވާދަކުރީ ނުބަލައި ކިޔެވުމުގެ ގޮފިންނެވެ.
Advertisement
ޝާޔާއަށް އިނާމު ހަވާލުކޮށްދެއްވާފައިވަނީ މިސްރުގެ ރައީސްް އަބްދުލް ފައްތާހް އައްސީސީއެވެ.
100އަށްވުރެ ގިނަ ބައިވެރިންނާއެކު ކުރިއަށްގެންދިޔަ މި މުބާރާތަކީ މިއީ މުޅި ދުނިޔޭގައިވެސް ބާއްވާ އެންމެ ބޮޑު އެއް ޤުރުއާން މުބާރާތެވެ.
