މައްކާ އަށް ޢުމްރާ އަށް ގޮސް އުޅެނިކޮށް ނިޔާވި ދިވެހި މީހާގެ ކަށުނަމާދު ބާއްވައިފިއެވެ.
މައްކާގައި ނިޔާވެފައި ވަނީ ސ. ހިތަދޫ ހިޖްރަ، އުމުރުން 68 އަހަރުގެ މުޙައްމަދު ރަފީޢުއެވެ. އޭނާގެ މައްޗަށް ކަށުނަމާދުކޮށްފައި ވަނީ ބުދަ ދުވަހުގެ ފަތިސް ނަމާދަށްފަހު މުސްލިމުންގެ އެންމެ މުޤައްދަސް ޙަރަމް މައްކާގެ މަސްޖިދުލް ހަރަމްގައެވެ. ރަފީއު ނިޔާވެފައި ވަނީ އޭނާ އަށް ރޯގާ ޖެހުމާއި ގުޅިގެން ހޮސްޕިޓަލްގައި އެޑްމިޓްކޮށްގެން ފަރުވާދެމުން ގެންދަނިކޮށެވެ.
މިއަހަރުގެ ރަމަޟާން މަހުވެސް އުމްރާގެ އަޅުކަން އަދާކުރުމަށް ގިނަ އަދަދެއްގެ ދިވެހިން މައްކާއަށް ދިޔުމަށް ހަމަޖެހިފައިވެއެވެ. ބައެއް އުމްރާވެރިން މިހާރު ފުރާފައިވާއިރު ދެން ތިބި އެންމެ ފުރާނީ އަންނަ ހަފްތާގެ ތެރޭގައެވެ. މިއަހަރުގެ ރަމަޟާން ޢުމްރާގައި ބައިވެރިވުމަށް ދުނިޔޭގެ އެކި ސަރަހައްދުތަކުންވެސް އެތައް ބަޔަކު ދަނީ މައްކާއަށް ދަތުރުކުރަމުންނެވެ.
