ފުލުހުންނަކީ ސިޔާސީ ހަތިޔާރަކަށް ވެގެންނުވާނެކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަޙުމަދު ވިދާޅުވެއްޖެއެވެ.
އަންގާރަ ދުވަހު ކުރެއްވި ޓުވީޓެެއްގައި ކުރީގެ ނައިބު ރައީސް ޑޮކްޓަރ މުޙައްމަދު ޖަމީލް އަޙުމަދު ވިދާޅުވީ ފުލުހުންނަކީ ސިޔާސީ ހަތިޔާރަކަށް ވެގެންނުވާނެ ކަމަށާއި އިދިކޮޅު މަޖިލިސް މެމްބަރުންނާއި ލީޑަރުން އަމާޒަކަށް ހެދުން ހުއްޓާލަން ގޮވާލާކަމަށެވެ.
Fuluhunnakee siyaasee hathiyaarakah vegen nuvaane @afarismaumoon, opposition MPs adhi leaderun amaazakah hedhun huhttaalan govaalan.
— Mohamed Jameel Ahmed (@MJameelAhmed) July 4, 2017
ޑރ. ޖަމީލް މިހެން ވިދާޅުވެފައިވަނީ ރައްޔިތުންގެ މަޖިލީހުގެ ރައީސް އަބްދުﷲ މަސީހްގެ އިތުބާރު ނެތްކަމުގެ މައްސަލައިގައި 45 މެމްބަރުން ސޮއިކުރައްވައި މަޖިލީހަށް ހުށަހެޅުއްވުމާއިއެކު ބައެއް މެންބަރުން ހައްޔަރުކުރުމަށް ފުލުހުން މަސައްކަތް ކުރާކަމުގެ އަޑުތައް ފެތުރިފައިވަނިކޮށެވެ.
ކުރިން ކުރެއްވި ޓުވީޓެއްގައި ޑރ. ޖަމީލް ވިދާޅުވީ ނަފްސާއި މުދަލާއި މިނިވަންކަމުގެ ދިފާއުގައި، އަދި ނުހައްގު ޝަރީއަތްތަކުން ރައްކާތެރިކަން ހޯދުމަށް މަސީހާ ދެކޮޅަށް ވޯޓު ދެއްވުމަށް އެދޭ ކަމަށެވެ.
