އަދީބު އަތުން ލިބުނު ވަގު ފައިސާއިން ގައުމީ ލޭ އުފެދޭތޯ، ރާއްޖޭގެ ކުރީގެ ބަންޑާރަ ނައިބު ހުސްނުއް ސުއޫދު، ރައީސް ޔާމީންގެ ފިޝަރީޒް މިނިސްޓަރު މުހައްމަދު ޝައިނީއާ ސުވާލު ކުރައްވައިފިއެވެ.
Adheebu athun libunu vagu faisaain qaumee ley ufedheythoa? https://t.co/s6jikBZijX
— Husnu Al Suood (@hsuood) July 4, 2017
ޝައިނީއަށް ޓުވިޓަރގައި މި ސުވާލު ސުއޫދު އަމާޒު ކުރެއްވީ، ސުއޫދަށް ރައްދު ކުރައްވާ ޝައިނީ ވިދާޅުވި ވާހަކައަކާ ގުޅިގެންނެވެ.
ޝައިނީ ވިދާޅުވީ، މިދާ ގޮތައް ގޮސް އިރާދަ ކުރެއްވިއްޔާ ހުއްޓާލާނީ، 2018 ރައީސް ޔާމީން އަށް ކާމިޔާބު ކޮށްފައި ކަމަށެވެ. އަދު ބިރު ނުގަންނަ ކަމަށާއި، ހުރީ ގައުމީ ލޭ ކަމަށާއި މިހުރީ ގައުމީ ޚިދުމަތުގައި ކަމަށްވެސް ޝައިނީ ވިދާޅުވެފައި ވެއެވެ.
@hsuood midhaagothahgos Iradhakurevviya 2018 RY ah kaamiyaabu koffa huttalanee. Bireiy nugannane, hury gaumy ley, mi hury gaumy hidhmathga.
— Mohamed Shainee (@mshainee) July 4, 2017
ބެލެވޭ ގޮތުގައި ޝައިނީ ސުއޫދަށް ޓެގް ކުރައްވާ މި މެސެޖް ފޮނުއްވީ، އޭގެ ކުރިން މަގާމުގެ ނުފޫޒް ބޭނުން ކުރާ ކަމުގެ ދައުވާ ޝައިނީގެ މައްޗަށް އުފުލިދާނެ ކަމަށް ވިދާޅުވެ އަދި އޭގެ އަދަބެއްގެ ގޮތުން 11 އަހަރާއި 8 މަސް ދުވަހުގެ ހުކުމަކާ ޝައިނީ ކުރިމަތި ލައްވަން ޖެހިވަޑައިގެންފާނެ ކަމުގެ އިންޒާރު ދެއްވާ ސުއޫދު ކުރެއްވި ޓުވީޓަކާ ގުޅިގެންނެވެ.
Magaamuge nufoozu beynun kuraa kamuge dhauvaa @mshainee ge mahchah ufulidhaane. Dhauvaa sabithu vejje nama adhabakee 11 aharaa 8 mas.
— Husnu Al Suood (@hsuood) July 4, 2017
މަގާމުގެ ނުފޫޒު ބޭނުން ކުރައްވާ ކަމުގެ ތުހުމަތު ޝައިނީގެ މައްޗަށް ކުރެވި ސޯޝަލް މީޑިއާގައި އެހެން ބައެއް ބޭފުޅުންވެސް ޝައިނީ އަށް އަމާޒު ކުރައްވާ ގެންދަވަނީ ވާހަކަފުޅު ދައްކަވަމުންނެވެ.
މި ގޮތުން ރައްޔިތުންގެ މަޖިލީހުގެ މެމްބަރު އަހްމަދު މަހްލޫފްވަނީ، ކްރިމިނަލް ކޯޓުގެ ގާޒީ ބާރީ ބަދަލު ކޮށް އޭނާގެ ބާރު ކަނޑުވާލާ، ގާޒީ އަރީފްގެ ބެލުމުގެ ދަށުން މެމްބަރުންގެ މައްސަލަތައް ކުރިއަށް ގެންދިއުމަށް ޝައިނީ އުޅުއްވާ ކަމަށް ވިދާޅުވެ ޓްވީޓް ކުރައްވާފައެވެ.
CC ge Baari badhalukoh/baaru kanduvaalaa,Areef ge belumugedhashun membarunge massalathah kuriah gendhaan - @mshainee https://t.co/MXO6RXfhlJ
— Ahmed Mahloof (@AhmedMahloof) July 4, 2017
ރައްޔިތުންގެ މަޖިލީހުގެ ރައީސްގެ އިތުބާރު ނެތް ކަމަށް މި ދިޔަ އާދިއްތަ ދުވަހު 45 މެމްބަރުން ސޮއި ކުރައްވާ މައްސަލަ ހުށަހެޅުމާއެކު ސޮއި ކުރި ބައެއް މެމްބަރުންގެ މައްޗަށް އެކި ކަހަލަ ހުކުމްތައް ކުރުމަށް މަސައްކަތް ކުރާ ކަމުގެ އަޑުތައް މިދުވަސްކޮޅުވަނީ ފެތުރިފައެވެ.
މި ގޮތުން ކްރިމިނަލް ކޯޓުން މެމްބަރުން ހައްޔަރު ކުރުމުގެ އަމުރު ހޯއްދެވުމަށް ޝައިނީ މަސައްކަތް ކުރައްވާ ކަމަށް ވިދާޅުވެ މަހްލޫފް ވަނީ ޓްވީޓް ކުރައްވާފައެވެ.
@mshainee Criminal Courtun Majlis membarun hayyarukurumuge amuru hoadhan masakkaiy thikuravvanee konhaisiyyathakuntho ?
— Ahmed Mahloof (@AhmedMahloof) July 3, 2017
ޝައިނީ އަށް އަމާޒު ކުރައްވާ ސުއޫދާއި މަޚްލޫފް ކުރެއްވި ޓްވީޓުގެ ކުރިން، ޝައިނީގެ އިސްތިއުފާއަށް ގޮވާލައްވާ ޕީޕީއެމްގެ މަޖިލިސް މެމްބަރު ތޯރިގްވަނީ ބަޔާނެއް އާއްމު ކުރައްވާފައެވެ. އެ ބަޔާނުގައި ޝައިނީ އަކީ ފޭލްވެފައިވާ މިނިސްޓަރެއް ކަމަށާއި، މަގާމުގެ ވާޖިބުތައް އަދާ ކުރެއްވޭ ބޭފުޅެއް ނޫން ކަމަށާއި ގައުމަށް އެންމެ ފައިދާ ހުރި ގޮތަކީ އިސްތިއުފާ ދެއްވުން ކަމަށް ވިދާޅުވެފައިވެއެވެ.
Fisheries Minister Dr.M Shainy zinmaa adhaa nukuraa kamah dhekeytheeve isthiufa dhinumah govaalan. pic.twitter.com/ClF5pgALHj
— Ahmed Thariq (@AhmedThaariq) June 27, 2017
މެމްބަރު ތޯރިގް މި ގޮތައް ހާމަކުރެއްވުމާއެކު ބައެއް އެހެން މެމްބަރުންވެސް ވަނީ ޝައިނީއަކި ޕީޕީއެމްގެ ޕާލިމެންޓަރީ ގްރޫޕްގެ ތެރޭގައި އެންމެ މަގްބޫލްކަން ކުޑަ މިނިސްޓަރު ކަމަށް ވިދާޅުވެފައެވެ. ނަމަވެސް ރައީސް ޔާމީނަށް މާ ކަމުދާ ބޭފުޅަކަށް ވުމުން އޭނާ ސަލާމަތްވެ ވަޑައިގަންނަވަނީ ކަމަށްވެސް މެމްބަރުން ވިދާޅުވެފައި ވެއެވެ. ޝައިނީ އާ ބެހޭ ގޮތުން މެމްބަރު މުހައްމަދު އަމީތު ވިދާޅުވެފައިވަނީ، އިތުބާރުނެތް ކަމުގެ ވޯޓެއް ޝައިނީއާ ދެކޮޅަށް މިހާރު ހުށަހެޅިޔަސް ފާސްވާނެ ކަމަށެވެ.
