ޕީޕީއެމްގެ މުސްތަޝާރު އަދި ރައީސް އަބްދުﷲ ޔާމީން ހޮނިހިރު ދުވަހުގެ ރޭ އެ ޕާޓީގެ ބައެއް އިސް ބޭފުޅުންނާ ބައްދަލުކުރައްވައިފި އެވެ.
މި ބައްދަލުވުން ބޭއްވިކަން ނިހާނު ވަނީ ފޮޓޯއާއެކު ޓްވީޓް ކުރައްވާފަ އެވެ. ނަމަވެސް ބައްދަލުވުމުގެ މަގުސަދެއް، އަދި ކުރިއަށް ގެންދިޔަ ގޮތުގެ ތަފްސީލެއްވެސް ނުދެއްވައެވެ.
Party ge Musthashaaru Raees Yamin PPM ge 2 Naibu Raeesunnaa eku PPM PG group ge leadership aai party office ga Badhalu kurahvvaifi. pic.twitter.com/p7hPlCzDOc
— Ahmed Nihan (@ahmed_nihan) July 1, 2017
ޕީޕީއެމްގެ އޮފީހުގައި ރައީސް ޔާމީން ބޭއްވެވި މި ބައްދަލުވުމުގައި ނިހާނުގެ އިތުރުން ޕީޕީއެމްގެ ދެ ނައިބު ރައީސުން ކަމަށްވާ މޫސާ ޒަމީރާއި އަބްދުއްރަހީމް އަބްދުﷲ އާއި ސެކްރެޓަރީ ޖެނެރަލް އަބްދުﷲ ޚަލީލް އަދި ޕާލިމެންޓްރީ ގުރޫޕުގެ ޑެޕިއުޓީ ލީޑަރު އިބްރާހިމް ފަލާހު ބައިވެރިވެވަޑައިގެންނެވި އެވެ.
ނިހާނު ކުރެއްވި ޓްވީޓްގައިވާ ފޮޓޯއަށް ބަލާއިރު ރިޔާސަތުގައި އިންނެވި ރައީސް ޔާމީން، ވަރަށް ކަންބޮޑުވެ ވަޑައިގެން އިންނެވި ކަން ފާހަގަ ކޮށް އާއްމުން ސޯޝަލް މީޑިއާގައި ދަނީ ފާޑު ކިޔަމުންނެވެ.
މި ދަނޑިވަޅަކީ މަޖިލީހުގެ ރައީސްގެ އިތުބާރު ނެތްކަމަށް ފާސްކުރުމަށް މަޖިލީހަށް ހުށަހެޅުމަށް ތައްޔާރުވެ، އަދި އެ މައްސަލައަށް ޕީޕީއެގެ ބައެއް މެމްބަރުން ވެސް ފާޅުގައި ތާއިދު ކުރެެއްވުމާއެކު އެވެ.
