ހުޅުމާލޭގެ އަތިރިމައްޗަށް އިންސާނެއްގެ ހަށިގަނޑުގެ ބައިތަކެއް ލެއްގުމާ ގުޅިގެން ފުލުހުން އެ މައްސަލަ ތަހުގީގުކުރަމުން ދާކަމަށް ބުނެފިއެވެ.
ފުލުހުން ބުނީ ހުޅުމާލޭ ރެޑްބުލް ޕާކާ ދިމާއިން އަތިރިމަތިން އިންސާނެއްގެ ކަށިތަކެއް ކަމަށް ބެލެވޭ ކަށިތަކެއް ފެނިފައިވާކަމުގައި މައުލޫމާތު އަންގާރަ ދުވަހުގެ ހަވީރު 17:38ހާއިރު ލިބިފައިވާ ކަމަށެވެ.
Advertisement
އެ ކަށިތައް ފުލުހުންގެ ބެލުމުގެ ދަށަށް ގެނެސް، ބަލަންޖެހޭ ކަންކަން ބަލަމުން ދާކަމަށްވެސް ވަނީ ބުނެފައެވެ.
ފުލުހުން މިހެން ބުނެފައިވާއިރު، ގޮނޑުދޮށަށް ލައްގާފައި އޮއްވާ ފެނިފައިވަނީ އިންސާނެއްގެ ދެ ފައި ކަމަށްވެސް ބައެއް މީޑިއާތަކުން ވަނީ ރިޕޯޓްކޮށްފައެވެ.
