އޯވަރޑޯޒް ވެގެން ތިން މީހަކު މަރުވި މައްސަލަ ބަލަމުންދާ ކަމަށް ފުލުހުން ބުނެފި އެވެ.
ފުލުހުން ބުނީ، މި މައްސަލައިގައި ބަލަމުންދަނީ ދެ ފިރިހެނުންނާއި އަންހެނެއްގެ މައްސަލަ އެވެ. މިއީ މިފާއިތުވެދިޔަ އެއް މަސްދުވަހުގެ ތެރޭގައި މަރުވި ތިން މީހުން ކަމަށް މައުލޫމާތު ލިބެ އެވެ.
މިހާދިސާގެ އިތުރު އެއްވެސް ތަފްސީލެއް ފުލުހުން ހާމައެއް ނުކުރެ އެވެ.
ރާއްޖެއެމްވީއަށް އެނގިފައިވާ ގޮތުގައި މީގެ ތެރެއިން އޯވަރޑޯޒްވެގެން މަރުވެފައިވާ އަންހެން މީހާ މަރުވެފައި ވަނީ މިހަފްތާގެ ތެރޭގައެވެ. މައުލޫމާތު ލިބިފައިވާ ގޮތުގައި ކުއްލިއަކަށް މީހާ ހުއްޓިގެން 20 އަހަރުގެ އަންހެން ކުއްޖަކު އައިޖީއެމްއެޗް އަށް ގެންދިޔަ އިރު ވެސް އޮތީ މަރުވެފައެވެ. އޭނާ ވެސް މަރުވެފައި ވަނީ އޯވާރ ޑޯޒްވެގެން ކަމަށް މައުލޫމާތު ލިބިފައި ވެއެވެ.
އޮވަރޑޯޒް ވެގެން މަރުވާ މީހުންގެ އަދަދު އިތުރުވެފައިވާ އިރު ދޭތެރެ ދޭތެރެއިން މިފަދަ މައްސަލަތައް ކުރިމަތި ވެއެވެ.
މީގެ އިތުރުން ރާއްޖެއަށް އާ ބަތްތަކުގެ މަސްތުވާތަކެތީގެ ބާވަތްތައް އެތެރެކުރާކަން ވެސް ފުލުހުން ދޭތެރެ ދޭތެރެއިން ހާމަކުރެ އެވެ.
ޑްރަގް އޮވަރޑޯޒް ވުމުގެ މައްސަލަތައް ދިމާ ވަނީ، ނުރައްކާތެރި މަސްތުވާތަކެތި، ގިނައިން ބޭނުން ކުރުމުގެ ސަބަބުންނެވެ.
