ފާއިތުވި ހަފުތާގައި ކޮވިޑް-19ށް ޕޮޒިޓިވްވީ 43 މީހުންކަމަށް، ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ހާމަކޮށްފިއެވެ.
އޮކްޓޯބަރ 2ން އޮކްޓޯބަރ 8 ވަނަ ދުވަހުގެ ނިޔަލަށް ރާއްޖޭގެ ކޮވިޑް-19ގެ ހާލަތު އެޗްޕީއޭއިން އާންމުކޮށްފައިވާއިރު، މިމުއްދަތުގައި މާލެ ސަރަހައްދުން 17 މީހުން ޕޮޒިޓިވްވެފައިވެއެވެ. އަތޮޅުތަކުން އެކަކު ޕޮޒިޓިވްވެފައިވާއިރު އެހެނިހެން ހިސާބުތަކުން 25 މީހުން ޕޮޒިޓިވްވެފައިވެއެވެ. މިމުއްދަތުގައި ހޮސްޕިޓަލްތަކުގައި އެޑްމިޓްކޮށްގެން ފަރުވާ ހޯދާފައިވަނީ 6 މީހުންނެވެ.
Advertisement
އޭގެކުރީ ހަފުތާގައި ރާއްޖެއިން ކޮވިޑަށް ޕޮޒިޓިވްވެފައިވަނީ 40 މީހުންނެވެ.
މިއާއެކު ރާއްޖެއިން ކޮވިޑަށް ޕޮޒިޓިވްވީ މީހުންގެ ޖުމްލަ އަދަދު ވަނީ 185،125ށް އަރާފައެވެ. އަދި 308 މީހުން ވަނީ މިބަލީގައި ނިޔާވެފައެވެ.
