ނީލަން ފިހާރައިގައި ރޯވި އަލިފާންގަނޑު އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ނިއްވާލައިފިއެވެ.
މި ހާދިސާގެ މަޢުލޫމާތު މިއަދު ހެނދުނު 07:00 ހާއިރު އެފްއާރުއެސްއަށް ލިބުމާއެކު އަލިފާން ނިއްވަން ބޭނުންކުރާ ސާމާނާއެކު ފަޔަރ ފައިޓަރުންގެ ޓީމެއް ވަނީ އެސަރަހައްދަށްގޮސް، އަލިފާން ނިއްވުމުގެ މަސައްކަތް ފަށައިފައެވެ.
ފަޔަރ ފައިޓަރުންގެ މަސައްްކަތުން އަލިފާންގަނޑު އެއްކޮށް ކޮންޓްރޯލް ކުރެވިފައި ވަނީ 07:36 ހާއިރުއެވެ.
މިހާދިސާގައި އަލިފާން ރޯވެފައި ވަނީ އެތަނުގައި ހުރި ލަކުޑިތަކެއްގައެވެ. އަދި މިހާދިސާގައި އެއްވެސް މީހަކަށް ހާނިއްކައެއް ލިބިފައެއް ނުވެއެވެ.
އެމްއެންޑީއެފުން ބުނީ މި މައްސަލަ ފުލުހުން ތަހްގީގުކުރަމުންދާ ކަމަށެވެ.
