ހުޅުމާލޭގައި ނުރައްކާތެރި އެކްސިޑެންޓެއް ހިނގާއި ދެ މީހަކަށް އަނިޔާވެއްޖެއެވެ.

ބުރާސްފަތި ދުވަހުގެ ރޭ ދަންވަރު 12:15 ކަންހާއިރު ، މި އެކްސިޑެންޓް ހިނގާފައި ވަނީ ހުޅުމާލޭ އެމްޕީއެލް ހުންނަ މަގުގައި އަޅާފައިވާ ބަމްޕަރެއް މަތިން  ބާރު ސްޕީޑްގައި ދުއްވާފައި ދިޔަ ސައިކަލެއް ކޮންޓްރޯލް ނުވެގެނެވެ.  މި އެކްސިޑެންޓްގައި ސައިކަލް ދުއްވަން އިން ފިރިހެން މީހާގެ ފައި ވަރަށް ބޮޑަށް މަށާގެން ގޮސްގައިވާއިރު، ސައިކަލް ފަހަތުގައި އިން އަންހެން މީހާގެ ބޯ ވަނީ ވަރަށް ބޮޑަށް ފަޅާއިގެންގޮސްފައެވެ.

މި ކަމާއި ގުޅިގެން ފުލުހުންގެ ބަހެއް ވަނީ ލިބޭ ގޮތް ނުވެފައެވެ.

ރާއްޖެއެމްވީއަށް މައުލޫމާތު ލިބިފައިވާ ގޮތުގައި އެކްސިޑެންޓްގައި އަނިޔާވި އަންހެންމީހާއަށް ހުޅުމާލޭ ހޮސްޕިޓަލުން ދަނީ ފަރުވާ ދެމުނެވެ.