ރަށްރަށުގެ ތަރައްގީގައި ބާރަށް ވަޑައިގަތުމަށް ރައީސް މުހައްމަދު ނަޝީދު ގޮވާލައްވައިފި އެވެ.
އަލަށް އިންތިހާބު ކުރި ކައުންސިލަރުން ހޮނިހިރު ދުވަހު ހުވާކުރައްވަމުން ގެންދަވާއިރު، އެ ބޭފުޅުންނަށް މަރުހަބާ ދަންނަވައި ރައީސް ނަޝީދު ކުރެއްވި ޓްވީޓްގައި ދަންނަވާފައި ވަނީ ރަށުގެ އަދި އަތޮޅުގެ ތަރައްގީއާގެން ބާރަށް ކުރިއަށް ވަޑައިގެންނެވުމަށެވެ.
Maruhaba Councillorun! Miadhun feshigen rah adhi atholhu tharaqqee aigen baarah kuriah vadaigathumah dhannavan
— Mohamed Nasheed (@MohamedNasheed) June 3, 2017
މެއި 6 ވަނަ ދުވަހު ބޭއްވި ކައުންސިލް އިންތިހާބުގައި މާލެ އާއި ފުވައްމުލަކު ސިޓީ ކައުންސިލްގެ މެޖޯރިޓީ އެމްޑީޕީން ނަގާފައިވާއިރު، އައްޑޫ ސިޓީގެ ހުރިހާ ގޮނޑިއެއް ވެސް ކާމިޔާބު ކުރީ އެމްޑީޕީންނެވެ. އަދި ބޮޑެތި ގިނަ ރަށްރަށުގެ ކައުންސިލްތަކުގެ މެޖޯރިޓީ ވެސް ލިބުނީ އެމްޑީޕީއަށެވެ.
މި ފަހަރުގެ އިންތިޚާބުގައި ވޯޓުލުމުގެ ހައްގު 255،987 މީހަކަށް ލިބުނު އިރު، ވޯޓުލާން ނުކުތީ ވަރަށް މަދު އަދަދެއްގެ ބައެކެވެ. ތިން ފަހަރެއްގެ މަތިން ފަސްކުރި ލޯކަލް ކައުންސިލްތަކުގެ އިންތިޚާބު ބޭއްވިއިރު، 1،497 ކެންޑިޑޭޓުން ވާދަ ކުރި އެވެ.
