18:17
17:24
16:52
16:51
16:37
15:15
15:11
ވޯޓުލާ ސަރަހައްދުތަކުގައި ކެންޑިޑޭޓުން އާންމުންނާއި ބައްދަލު ނުކުރުމަށް އީސީން އިލްތިމާސްކޮށްފި
ވޯޓުލާ ސަރަހައްދުތަކާއި އާންމު ތަންތަނުގައި ކެންޑިޑޭޓުން އާންމުންނާއި ބައްދަލު ނުކުރުމަށް އިލެކްޝަންސް ކޮމިޝަން (އީސީ)އިން އިލްތިމާސްކޮށްފިއެވެ.
އީސީން ބައެއް ކެންޑިޑޭޓުންގެ އެޖެންޓުންނަށް ފޮނުވި މެސެޖެއްގައި ބުނެފައި ވަނީ އާންމު ތަންތަނާއި ވޯޓުލާ ސަރަހައްދުގައި ކެންޑިޑޭޓުން އާންމުންނާ ބައްދަލު ކުރާ ނަމަ އެކަން ބެލެވޭނީ ކެމްޕެއިން ކުރުމުގެ ގޮތުގައި ކަމަށެވެ.
ވޯޓުލާ ސަރަހައްދުތަކާއި އާންމު ތަންތަނުގައި ކެންޑިޑޭޓުން އާންމުންނާއި ބައްދަލު ނުކުރުމަށް އީސީން އިލްތިމާސްކޮށްފައިވާއިރު، ކެމްޕެއިން ކުރުމުގެ ބައެއް މައްސަލަތައް އެޗްއާރްސީއެމްއަށް ވެސް ވަނީ ލިބިފައެވެ.
އީސީން ބުނީ ކެންޕޭން ކުރުން މަނާވަގުތު ކެންޕޭން ކުރާނަމަ ފިޔަވަޅު އަޅާނެ ކަމަށެވެ.
21 އޭޕްރިލް 2024 | އާދީއްތަ 15:11
13:44
ރައްޔިތުންގެ މަޖިލީހުގެ އިންތިޚާބު 2024ގެ ވޯޓުލުން އޮބްޒަރވްކުރުމުގެ ތެރެއިން މިހާތަނަށް އެޗްއާރުސީއެމްއިން ފާހަގަކުރެވިފައިވާ ބައެއް ކަންތައްތަކުގެ ތެރޭގައި:
· ކަނޑައެޅިފައިވާ ވަގުތުގައި (08:00ގައި) ވޯޓުލާން ފެށިފައިވަނީ 77%މަރުކަޒެއްގައި. މައިގަނޑު ގޮތެއްގައި ވޯޓުލާން ފެށުން ލަސްވެފައިވަނީ އޮފިޝަލުން ވާން ޖެހޭ ތައްޔާރީތައް ވުމަށް ލަސްވުމުގެ ސަބަބުން.
· އޮބްޒާވް ކުރި ފޮށިތަކުގެ ތެރެއިން އެންމެ ލަހުން ވޯޓުލުން ފެށިފައިވަނީ 8:35 ގައި.
· ހުރިހާ ވޯޓުލާ ސަރަހައްދެއްގައިވެސް މަރުކަޒު ފާހަގަވާގޮތަށް ދާންވާ މަގު އަންގައިދިނުމަށް ރަގަޅު އިންތިޒާމްތަކެއް ހަމަޖެހިފައިވާކަން ފާހަގަކުރެވިފައިވޭ.
· މިހާތަނަށް މައްސަލަތަކެއް ފާހަގަކުރެވިފައެއް ނުވޭ. ވޯޓުލުމުގެ ކަންކަން އަމާންކަމާއެކު ކުރިއަށްދޭ.
21 އޭޕްރިލް 2024 | އާދީއްތަ 13:44
13:11
13:08
12:10
11:47
11:36
11:27
ވޯޓުލާ މަރުކަޒު ތަކުގައި އޮބްޒަރވް ކުރުމުގެ މަސައްކަތް އަންނަނީ ކުރަމުން: އެޗްއާރުސީއެމް
މިއަދު ކުރިއަށްދާ ރައްޔިތުންގެ މަޖިލީހުގެ އިންތިޚާބުގެ ވޯޓުލުން ކުރިއަށްދާއިރު ގްރޭޓާމާލޭގެ އިތުރުން 18 އަތޮޅެއްގެ 35 ރަށަކާއި، 1 ޖަލެއްގައި ބެހެއްޓިފައިވާ ވޯޓުފޮށިތައް އޮބްޒަރވްކުރުމަށް އެޗްއާރުސީއެމުން އަންނަނީ ހަރަކާތްތެރިވަމުންނެވެ. އެގޮތުން ޖުމްލަގޮތެއްގައި އަތޮޅުތެރޭގެ 93 މަރުކަޒަކާއި، ގުރޭޓާ މާލޭގެ 168 މަރުކަޒަކާއި، ޖަލުގައި ބެހެއްޓޭ 2 މަރުކަޒެއް ހިމެނޭގޮތުން ޖުމްލަ 263 މަރުކަޒެއްގައި ބަހައްޓާފައިވާ ވޯޓުފޮށިތައް ކޮމިޝަނުން އޮބްޒާވް ކުރާނެއެވެ.
21 އޭޕްރިލް 2024 | އާދީއްތަ 11:27
11:18
11:05
11:02
ކުރީގެ ރައީސް އަދި ރައްޔިތުންގެ މަޖިލީހުގެ ކުރީގެ ރައީސް މުހައްމަދު ނަޝީދު ވޯޓު ލައްވައިފި
ކުރީގެ ރައީސް އަދި ރައްޔިތުންގެ މަޖިލީހުގެ ކުރީގެ ރައީސް މުހައްމަދު ނަޝީދު ވޯޓު ލައްވައިފިއެވެ. ނަޝީދު ވޯޓު ލައްވާފައިވަނީ އިސްކަންދަރު ސްކޫލްގައި ބެހެއްޓިފައިވާ ގަލޮޅު އުތުރުގެ އެއް ނަންބަރު ވޯޓު ފޮއްޓަށެވެ.
21 އޭޕްރިލް 2024 | އާދީއްތަ 11:02
11:01
މިއަދު ކުރިޔަށްދާ ރައްޔިތުންގެ މަޖިލީހުގެ އިންތިޚާބަށް ސަރުކާރުން ބިރު ދެއްކުމާއި ނުފޫޒު ފޯރުވުމުގެ ކަންކަން ކުރަމުންދާކަމުގެ ޝަކުވާ ލިބެމުންދާކަމަށް އެމްޑީޕީގެ އިސް އެޑްވައިޒަރ އަދި ކުރީގެ ރައީސް އިބްރާހީމް މުހައްމަދު ޞާލިހު ވިދާޅުވެއްޖެއެވެ.
ވޯޓު ލެއްވުމަށްފަހު ނޫސްވެރިންނާ ބައްދަލުކުރައްވާ ވާހަކަ ދައްކަވަމުން ރައީސް ޞާލިހު ވިދާޅުވީ ކެމްޕެއިން ތެރޭގައި ވަރަށް ސާފުކޮށް ސަރުކާރުގެ ވަސީލަތްތައް ބޭނުންކޮށްގެން ކެމްޕެއިން ކުރަމުންދިޔަތަން ފެނިގެންދިޔަކަމަށެވެ. އަދި ވަކިން ޚާއްސަކޮށް ސަރުކާރުގެ ކުންފުނިތަކުގެ ބޭނުން އިންތިހާއަށް ކުރަމުންދިޔަތަން ފެނިގެންދިޔަކަމަށް ރައީސް ޞާލިހު ވިދާޅުވިއެވެ.
21 އޭޕްރިލް 2024 | އާދީއްތަ 11:01
10:55
މިއަދު ކުރިޔަށްދާ ރައްޔިތުންގެ މަޖިލީހުގެ އިންތިޚާބުގައި ސާފު އަޣްލަބިއްޔަތު އެމްޑީޕީއަށް ލިބިގެންދާތަން ފެނިވަޑައިގަންނަވާކަމަށް އެމްޑީޕީގެ އިސް އެޑްވައިޒަރ އަދި ކުރީގެ ރައީސް އިބްރާހީމް މުހައްމަދު ޞާލިހު ވިދާޅުވެއްޖެއެވެ.
ވޯޓު ލެއްވުމަށްފަހު ނޫސްވެރިންނާ ބައްދަލުކުރައްވާ ވިދާޅުވީ ބޮޑެތި ސިޓީތަކާއި ކުދިރަށްތަކުންވެސް އެމްޑީޕީއަށް ކާމިޔާބުވާތަން ފެނިވަޑައިގަންނަވާކަމަށެވެ. އަދި އުންމީދުކުރައްވަނީ ރަނގަޅު އަގްލަބިއްޔަތެއް އެމްޑީޕީއަށް ލިބިގެންދިޔުންކަމަށް ވިދާޅުވިއެވެ.
މީގެއިތުރުން ވީހާވެސް ގިނަ ބަޔަކު ވޯޓުލާން ވީހާވެސް އަވަހަށް ނިކުތުމަށް އިލްތިމާސްކުރެއްވިއެވެ.
21 އޭޕްރިލް 2024 | އާދީއްތަ 10:55
10:52
ކުރީގެ ރައީސް އަދި އެމްޑީޕީގެ އިސް އެޑްވައިޒަރ އިބްރާހީމް މުހައްމަދު ޞާލިހު ވޯޓު ލައްވައިފިއެވެ.
ރައީސް ޞާލިހު ވޯޓުލައްވާފައިވަނީ ޖަމާލުއްދީން ސްކޫލަށެވެ. ވޯޓު ލެއްވުމަށްފަހު ނޫސްވެރިންނާ ބައްދަލުކުރައްވާ ރައީސް ޞާލިހު ވިދާޅުވީ އިންތިޚާބު އެމްޑީޕީއަށް ކާމިޔާބުވާތަން ފެނިވަޑައިގަންނަވާކަމަށެވެ.
21 އޭޕްރިލް 2024 | އާދީއްތަ 10:52
10:36
ވޯޓުގެ ސިއްރުކަން ގެއްލިދާނެކަމަށް ބެލެވޭ 4 އިންސައްތަ މަރުކަޒު މިދަނީ ގާތުން ބަލަމުން: ޓްރާންސްޕޭރެންސީ
ރައްޔިތުންގެ މަޖިލީހުގެ އިންތިޚާބުގެ ވޯޓުލުން މިއަދު ކުރިޔަށްދާއިރު 96 އިންސައްތަ ފޮށިތަކުގެ ވޯޓުގެ ސިއްރު ކަށަވަރުކުރުމަށް އެކަށީގެންވާ ފިޔަވަޅު ވަނީ އަޅާފައިކަމަށް ޓްރާންސްޕޭރެންސީން ބުނެއެވެ. ވޯޓުގެ ސިއްރުކަން ގެއްލިދާނެކަމަށް ބެލެވޭ 4 އިންސައްތަ މަރުކަޒު މިދަނީ ވަރަށް ގާތުންބަލަމުން ކަމަށް ޓްރާންސްޕޭރެންސީ މޯލްޑިވްސް އިން ބުނެއެވެ.
21 އޭޕްރިލް 2024 | އާދީއްތަ 10:36
10:28
10:26
09:22
09:10
