ކޮވިޑް-19: އެންމެ ފަހުގެ

ހަލުވިކަމާއެކު ފެތުރެމުންދާ ކޮވިޑް-19 އަށް ޕޮޒިޓިވްވީ މީހުންގެ އަދަދު ފައްސަތޭކަ ހާހަށްވުރެ މައްޗަށް އަރައިފިއެވެ.

ކޮވިޑް-19 ފިލިޕީންސްގައިވެސް ފެތުރެމުންދާއިރު، އެ ޤައުމުގައި ތިބި ދިވެހި ދަރިވަރުން ގެނަައުމުގެ މަސައްކަތް މިނިސްޓްރީ އޮފް ފޮރިން އެފެއަރޒުން ކުރަމުންދާކަމަށް ސަރުކާރުން ހާމަކޮށްފިއެވެ.

ރާއްޖެއިން ކޮވިޑް-19 އަށް ޕޮޒިޓިވްވި 13 މީހުންގެ ތެރެއިން 9 މީހަކު ބަލިން ފަސޭހަވެއްޖެއެވެ.

ކޮވިޑް-19 އާއި ގުޅިގެން ރައްކާތެރިވުމުގެގޮތުން އައްޑޫ އިންޓަނޭޝަނަލް އެއާޕޯޓް ހިންގަމުންދާ ސ. ގަން ރޭގަނޑަށް ބަންދުކުރަން ނިންމައިފިއެވެ.

ރާއްޖެއަށް މުދާ އެތެރެކުރުމަށް ގައުމީ އެއާލައިން މޯލްޑިވިއަނުން ހަތަރު ގައުމަކަށް ހާއްސަ ކާގޯ ފްލައިޓްތައް ބާއްވާ ގޮތަށް ނިންމައިފި އެވެ.

ކޮވިޑް-19 އިން ރައްކާތެރިވުމަށް އަޅާ ފިޔަވަޅެއްގެ ގޮތުން އައްޑޫ ސިޓީގެ ފިހާރަތަކާއި ކެފޭތައް އިރުއޮއްސި 6 ޖަހާއިރު ބަންދު ކުރީ ކަމާބެހޭ އިދާރާތަކާ މަޝްވަރާ ކުރުމަށްފަހު ނޫން ކަމަށް ސަރުކާރުން ހާމަކޮށްފައިވާތީ އެކަން އައްޑޫ ސިޓީ ކައުންސިލް އިދާރާއިން ދޮގުކޮށްފިއެވެ.

ކޮވިޑް-19 އާއި ގުޅިގެން އަޅަމުންދާ ފިޔަވަޅުތަކުގެ ސަބަބުން ވަޒީފާގެ މާހައުލުގައި ދިމާވެދާނެ މައްސަލަތައް ހުށައެޅުމަށް ހުޅުވާލުމުން 5 ދުވަސް ތެރޭގައި 104 ޝަކުވާއެއް ހުށައެޅިފައިވާކަން ސަރުކާރުން ހާމަކޮށްފިއެވެ.

ކުނި ނެގުމުގައިއާއި ކުނި ބަލާ ދިޔުމުގައި ކަންކުރާ ގޮތަކަށް އަދި ބަދަލެއް ގެނެސްފައެއް ނުވޭ. ވެމްކޯ އިން އިލްތިމާސްކުރީ ކޮތަޅު ގޮށް ޖެހުމަށްފަހު އިތުރު އެއްކޮތަޅަށް އެ ކުނި ކޮތަޅު ލުމަށް.

ކޮވިޑް19 އާއިގުޅިގެން ސްޓޫޑަންޓް ލޯނު ރީޕޭމަންޓް 6 މަސް ދުވަހަށް ފަސްކުރި ނަމަވެސް މަހުންމަހަށް ދައްކަމުންދާ އަދަދަށް ބަދަލެއް ނާންނާނެ ކަމަށް ހަޔަރ އެޑިއުކޭޝަނުން ބުނެފިއެވެ.

ދިއްގަރު ފިނޮޅުގައި ޖައްސާފައި އޮތް ހެލިކަޕްޓަރު ރާއްޖެއައި ފްރެންޗް ނޭވީގައި ކަމަށް ކޮވިޑް-19 ގެ ޓާސްކް ފޯހުގެ ތަރުޖަމާނު މަބްރޫކް އަޒީޒް ވިދާޅުއްޖެއެވެ.

ރާއްޖެ އައި ޔޮޓެއް ދެ ހަފްތާއަށް ކަރަންޓީން ކުރަން ސަރުކާރުން ނިންމައިފިއެވެ.

އަމިއްލައަށް ގޭގައި ކޮރޯނާވައިރަސް އަށް ޓެސްޓް ކޮށްލެވޭނެ ޑިވައިސްއެއް އިނގިރޭސިވިލާތުގައި އުފައްދައިފިއެވެ.

ކޯވިޑް-19 އާ ގުޅިގެން ފަރުކޮޅުފުށީގައި ޤާއިމުކޮށްފައިވާ އައިސޮލޭޝަން ފެސިލިޓީއާ އަދި ހުޅުމާލޭގައި ހުންނަ ޓްރީޓޮޕް ހޮސްޕިޓަލް ކައިރީގައި ޤާއިމުކުރާ އައިސޮލޭޝަން ފެސިލިޓީޒްގެ މަސައްކަތްތައް ކުރިޔަށް ދާ ގޮތް ބައްލަވައިލެއްވުމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް އެ ދެ ތަނަށް ޒިޔާރަތްކުރައްވައިފިއެވެ.

ފާއިތުވި 24 ގަޑިއިރު ތެރޭގައި 366 ފަރާތެއް ޑޮކްޓަރަށް ދައްކާފައިވޭ

މިހާތަނަށް މިކްލިނިކް ތަކަށް 3797 ފަރާތެއް ޑޮކްޓަރަށް ދައްކާފައިވޭ

ކޭސްތަކުގެ އަދަދު: 13

ރަނގަޅުވި މީހުންގެ އަދަދު: 9

804 ސާމްޕަލް އެއް މިހާތަނަށް ނެގިފައިވޭ

786 ސާމްޕަލް ގެ ނަތީޖާ ނެގެޓިވް

ބާކީ ސާމްޕަލްގެ ނަތީޖާ ޕެންޑިންގް

21 މީހަކު އައިސޮލޭޝަންގައި

737 މީހުން ކަރަންޓީނުގައި

ކޮވިޑް-19 ގެ އަލާމާތް ހުރި ބިދެސީއެއްގެ ސާމްޕަލް ނެގުމަށްޓަކައި ސިނަމަން ހަކުރާ ހުރާ ވަނީ މޮނިޓަރިންގެ ހާލަތަށް ގެނެވިފައި ކަމަށާއި ކޮވިޑް-19 ގެ އަލާމާތް ހުރި ދިވެއްސެއްގެ ސާމްޕަލް ނެގުމަށްޓަކައި ޖޭއޭ މަނަފަރު ވެސް ވަނީ މޮނިޓަރިންގެ ހާލަތަށް ގެނެވިފައި ކަމަށް މަބްރޫކް ވިދާޅުވިއެވެ.

މީގެ އިތުރުން މާހާ އަދި އައިލެންޑް ސަފާރީ އޮތީ މޮނިޓަރިންގެ ހާލަތުގައި ކަމަށް މަބްރޫކް ވިދާޅުވިއެވެ.

ރާއްޖޭގެ ޕޯޓްތަކުން ސްކްރީން ކުރެވިފައިވާ މީހުން ގެ ޖުމްލަ އަދަދަކީ 242103 މީހުންނެވެ. އޭގެތެރެއިން ވަނުމުގެ ހުއްދަ ނުލިބި ފޮނުވާލާފައިވަނީ 112 މީހުން ކަމަށް މަބްރޫކް ވިދާޅުވިއެވެ.

އިއްޔެ އައަރޕޯޓަށް އައިސްފައިވަނީ ދިވެހި 33 މީހަކާއި ޓުއަރިސްޓުންގެ 45 މީހެއް ހިމެނޭގޮތަށް ޖުމްލަ 78 މީހުނެވެ.

މިއަދު ދިވެހިންގެ 9 މީހަކާއި ފަތުރުވެރިންގެ 39 މީހަކު ޖުމްލަ 48 މީހުން ރާއްޖެ ވަނީ އައިސްފައެވެ.

މިހާތަނަށް ރާއްޖޭގައި ހެދިފައި ހުރި ފްލޫ ކްލިނިކް ތަކަށް ޑޮކްޓަރަށް ދައްކާފައިވަނީ ޖުމްލަ

645 މީހުން ކަމަށް މަބްރޫކް ވިދާޅުވިއެވެ.

އެޕްރީލް ދެވަނަ ދުވަހުގެ ނިޔަލަށް ސަރުކާރު ބަންދުކޮށްފައިވާތީ، އިކޮނޮމިކް މިނިސްޓްރީގެ އެކްސްޕެޓް އޮންލައިން ސިސްޓަމުން ޚިދުމަތް ދޭނެ ވަކި ގަޑިތަކެއް ހަމަޖައްސާ އެކަން އިޢުލާންކޮށްފިއެވެ.

ޖަރުމަންވިލާތުގެ ޗާންސެލަރ އެންގެލަރ މާރކެލް ދެވަނަ ފަހަރަށް ކޮވިޑް-19 އަށް ކުރެއްވި ޓެސްޓް ނެގެޓިވްކަމަށް އެކަމަނާގެ ތަރުޖަމާނު ވިދާޅުވެއްޖެއެވެ.

ހޮލެންޑް އެމެރިކާގެ ކުރޫސް ލައިނާ "ޒާންޑެމް" އިން ކޮވިޑް-19 ގެ އަލާމާތްތައް ހުރި 77 މީހަކު ފެނިއްޖެއެވެ.

ހޮލެންޑް އެމެރިކާގެ ކުރޫސް ލައިނާ "ޒާންޑެމް" އިން ކޮވިޑް-19 ގެ އަލާމާތްތައް ހުރި 77 މީހަކު ފެނިއްޖެއެވެ.

ކޮރޯނާވައިރަސް (ކޮވިޑް-19) ގެ ސަބަބުން ސްވިޒަލެންޑުގައި ހާލުގައި ޖެހިފައިވާ އާއިލާތަކަށް އެހީވުމަށް ޓެނިހުގެ ތާރީހުގައި މަޝްހޫރު ތަރި ރޮޖާ ފެޑެރާ އާއި އޭނާގެ އަންހެނުން މާލީ އެހީތެރިކަން ފޯރުކޮށްދީފި އެވެ.

ސްވިޒަލެންޑަށް އުފަން ފެޑެރާ ވަނީ އެގައުމުގައި ހާލުގައި ޖެހިފައިވާ އާއިލާތަކަށް އެހީވުމަށް އެއް މިލިއަން ސްވިސް ފްރޭންކް ހަދިޔާކޮށްފައެވެ.

މިމަހުގެ 27 ވަނަ ދުވަހުން ފެށިގެން ރަޝިޔާގެ ވައިގެ އުުދުހުންތައް ހުއްޓާލަން އެޤައުމުގައި ރައީސް ވްލެޑްމިއަރ ޕުޓިން އެޤައުމުގެ ސިވިލް އޭވިއޭޝަން އޮތީރިޓީއަށް އަންގަވައިފިއެވެ.

އަންނަ ހަފުތާ ސަރުކާރު ބަންދުކުރުމާއި ގުޅިގެން އެމްއެމްއޭގެ ޚިދުމަތް ދެ ދުވަހަކު ދިނުމަށް ނިންމައިފިއެވެ.

ވިލިމާލޭގެ މަގުތައް ޑިސްއިންފެކްޓް ކުރުމުގެ މަސައްކަތް ފަށައިފި އެވެ.

ވިލިމާލޭގެ މަގުތައް ޑިސްއިންފެކްޓް ކުރުމުގެ މަސައްކަތް ފަށައިފި އެވެ.

ކޮރޯނާވައިރަސް (ކޮވިޑް-19) ގެ ސަބަބުން ދިމާވާ މާލީ ގޮންޖެހުންތަކުން ސަލާމަތްވުމަށް، ޖަރުމަނުގެ ބަޔާން މިއުނިކާއި ބޮރޫޝިއާ ޑޯޓްމުންޑުގެ ކުޅުންތެރިން މުސާރަ ކުޑަކުރަން އެއްބަސްވެއްޖެ އެވެ.

މީގެ ކުރިން ޖަރުމަނުގެ ބޮރޫޝިއާ މޮންޗެންގްލަޑްބެކް އާއި ޔޫނިއަން ބާލިންގެ ކުޅުންތެރިން ވަނީ މުސާރަ އެއްވެސް ގޮތަކަށް ނުނެގުމަށް ނިންމާފައެވެ.

އަދި ދާދި ފަހުން ޖަރުމަނުގެ އެންމެ ބޮޑު އެއް ކްލަބު ކަމަށްވާ ބަޔާން މިޔުނިކުން ވަނީ އެޓީމުގެ ކުޅުންތެރިންނާއި އޮފިޝަލުންގެ މުސާރައިން 20 އިންސައްތަ އުނިކުރަން ނިންމާފައެވެ. އަދި ޑޯޓްމުންޑުގެ ކުޅުންތެރިން ވަނީ އެ ކުޅުންތެރިންގެ މުސާރަ ދެބައިކުޅަ އެއްބަޔަށް ކުޑަކުރަން ނިންމާފައެވެ.

ގޭގައި މަޑުކޮށްލައިގެން ތިބެން އަޅުގަނޑުމެންނަށް މިވަނީ ޖެހިފައެވެ. އެއީ ހެލްތު ޕްރޮޓެކްޝަން އޭޖެންސީ( އެޗް.ޕީ.އޭ) އަދި ޒިންމާދާރު ފަރާތްތަކުންވެސް ލަފާދެއްވަމުންދާގޮތެވެ. މިއީ އަޅުގަނޑުމެން އެންމެންގެ ފަރުދީ ޒިންމާއެކެވެ.

ބޭންކް އޮފް މޯލްޑިވްސް އިން ދޫކޮށްފައިވާ ޕަރސަނަލް، ހައުސިންގ އަދި ބިޒްނަސް ލޯނުތަކަށް ފައިސާ ދެއްކުން 6 މަސްދުވަހަށް ފަސްކުރުމަށް ހުށަހެޅުމުގެ ފުރުސަތު ހުޅުވާލައިފިއެވެ.

ބީއެމްއެލް އިސްލާމިކްގެ ފައިނޭންސްތައް ވެސް އަނބުރާ ދެއްކުން ފަސްކޮށްފިއެވެ.

ކޮވިޑް 19 އާއި ގުޅިގެން އެލައިޑް ހެލްތު ޕްރޮފެޝަނަލުންގެ ރަޖިސްޓްރޭޝަން އައު ކުރުން ވަގުތީގޮތުން މަޑުޖައްސާލައިފިއެވެ.

ކީޕިން އަޕް ވިތް ދަ ކާޑޭޝަންސް ގެ ތަރި ކައިލީ ޖެނާރ ކޮވިޑް-19 ރިލީފް ފަންޑަށް 1 މިލިއަން ޑިލަރު ހަދިޔާ ކޮށްފިއެވެ.

މި މަހުގެ 28 ވަނަ ދުވަހު ބޭއްވުމަށް ކުރިން ހަމަޖެހިފައިވާ ސްވިމިންގ އެސޯސިއޭޝަނުގެ 4 ވަނަ އިންތިޚާބުގެ ވޯޓުލުން އަންނަ މަހަށް ފަސްކޮށްފިއެވެ.

ކޮވިޑް-19 އިން ރައްކާތެރިވުމަށް އަޅާ ފިޔަވަޅެއްގެ ގޮތުން އައްޑޫ ސިޓީގެ ފިހާރަތަކާއި ކެފޭތައް އިރުއޮއްސި 6 ޖަހާއިރު ބަންދު ކުރުމަށް އައްޑޫ ސިޓީ ކައުންސިލް އިދާރާއިން އަންގައިފިއެވެ.

އައްޑޫ ސިޓީގައި އާންމުކޮށް އެއްވެ އުޅޭ ތަންތަނަށް އެއްވެ އުޅުން މަނާކޮށްފިއެވެ.

އައްޑޫގެ އަވަށްތައް ޑިސްއިންފެކްޓް ކުރުމުގެ އަމަލީ މަސައްކަތް އަންނަ ހުކުރު ދުވަހު ފަށާނެ ކަމަށް އައްޑޫސިޓީ ކައުންސިލްގެ އިދާރާއިން ބުނެފިއެވެ.

އެމެރިކާއިން 60,000 އަށްވުރެ ގިނަ މީހުންނަށް ކޮވިޑް-19 ޖެހިފައިވާ ކަމަށް ރިޕޯޓުތަކުން ބުނެފިއެެވެ. އަދި 827 މީހުން މަރުވެފައިވާ ކަމަށެވެ.

މިހާތަނަށް ހަމައެކަނި އެމެރިކާއިން 60,000 އަށްވުރެ ގިނަ މީހުންނަށް ކޮވިޑް-19 ޖެހިފައިވާއިރު، މުޅި ދުނިޔެއިން ފަސްލައްކައާ ގާތްކުރާ އަދަދަށް މިވައިރަސްއަށް މީހުން ޕޮޒިޓިވްވެފައިވެއެވެ.

ސިނަމަން ހަކުރާ ހުރާ މޯލްޑިވްސް ރިސޯޓުގެ ބިދޭސީއެއްގެ ގައިން ކޮވިޑް-19ގެ އަލާމަތްތައް ފެނިގެން އެރިސޯޓު މޮނިޓަރިންގެ ހާލަތަށް ގެނެސްފިއެވެ.

އެޗްޕީއޭއިން ބުނީ ރައްކާތެރިކަމުގެ ގޮތުން ޢަމަލު ކުރަމުންދާ އުޞޫލުގެ ދަށުން ކޮވިޑް-19 އަށް ޝައްކުކުރެވޭ އަލާމާތްތައް ހުރެގެން ސިނަމަން ހަކުރާ ހުރާ މޯލްޑިވްސް ރިސޯޓުން ބިދޭސީއެއްގެ ސާމްޕަލް ނަގާ ޓެސްޓްކުރުމުގެ މަސައްކަތް ކުރިޔަށްގެންދާ ކަމަށެވެ.

އެޗްޕީއޭއިން ބުނީ އެމީހާ މިހާރު ވަނީ ރިސޯޓުގައި އެކަހެރި ކުރެވިފައިވާ ކަމަށެވެ. އަދި ޓެސްޓްގެ ނަތީޖާ ލިބެންދެން އެރިސޯޓުގައި ވަނީ މޮނިޓަރިންގްއަށް ލެވިފައިވާ ކަމަށް އެޗްޕީއޭއިން ބުނެއެވެ.

ކޮވިޑް-19އިން ރައްކާތެރިވުމުގެ ގޮތުން ރާއްޖެއިން ގިނަ ފިޔަވަޅުތައް އަޅަމުންދާއިރު، ޝައްކުވާ އަލާމާތެއް ފެންނަ ނަމަ ވަގުތުން ފިޔަވަޅުއަޅާނެއެވެ. އެގޮތުން މިހާތަނަށް ގިނަ ބަޔަކު މިވައިރަސްއަށް ޓެސްޓްކޮށްފައިވެއެވެ.