09:40
މޯދީއަށް ދިވެހި ދައުލަތުން އަރުވާ އެންމެ މަތީ އިއްޒަތް ކަމަށްވާ "ނިޝާން އިއްޒުއްދީނުގެ އިއްޒަތުގެ ވެރިކަން" ގެ ލަގަބު އެރުވުމަށް ވަނީ ހަމަޖެހިފައި. މިހާތަނަށް މި ޝަރަފް އެރުވުނު ހަމައެކަނި ބޭރުގެ އިއްޒަތްތެރިޔަކީ އިނގިރޭސި ރާނީ އެލިޒަބަަތް އެލެކްސް ސެންޑްރަރ މޭރީ (އެލިޒަަބަތް2). އެކަމަނާއަށް މި ޝަރަފް އަރުވާފައިވަނީ 1972 ވަނަ އަހަރުގެ މާރޗް މަހު އެ ކަމަނާ ރާއްޖެއަށް ކުރެއްވި ދަތުރުފުޅުގައި
8 ޖޫން 2019 | ހޮނިހިރު 09:40
02:24
ރާއްޖެއާއި އިންޑިއާ ސަރުކާރާއި ދެމެދު ފަސް ދާއިރާއަކުން 6 އެއްބަސްވުމެއްގައި ސޮއިކުރުމަށް ހަމަޖެހިފައިވާ ކަމަށް ފޮރިން މިނިސްޓްރީން ބުނޭ. އޭގެތެރޭގައި ސިވިލް ސާރވިސް މުވައްޒަފުން ތަމުރީނު ކުރުމާއި ބެހޭ އެއްބަސްވުމަކާއި ކަސްޓަމްސް ދާއިރާ އިން އެކުލަވާލެވޭ އެއްބަސްވުމަކާއި ދިވެހި ޒުވާނުން ހުނަރުވެރިކަން އިތުރުކުރުމަށް ވެވޭ އެއްބަސްވުމަކާއި ރާއްޖެއިން ކޮޗިންނަށް ފެރީގައި ދަތުރުކުރަން ފެށުމުގެ ގޮތުން އެކުލަލާވާ އެއްބަސްވުމެއް ހިމެނޭ.
8 ޖޫން 2019 | ހޮނިހިރު 02:24
02:14
މޯދީ ރާއްޖެ ވަޑައިގަންނަވާއިރު ސަލާމަތީ ސަބަބުތަކަށްޓަކައި ބައެއް މަގުތައް ބަންދުކޮށް ޓްރެފިކް އިންތިޒާމުތަކަށް ވަނީ ބަދަލު ގެނެސްފައި.
އަދި އެއަރޕޯޓުން މާލެއަންނަ ދެމަގު ކަމަށްވާ ސިނަމާލެ ބްރިޖާއި އެއާ ގުޅިފައިވާ މަގުތަކާއި އެއްނަމްބަރު ފާލަމާ ގުޅިފައިވާ މަގުތައް ވަކި ވަގުތުތަކެއްގައި ބަންދު ކުރުމަށް ފުލުހުން ވަނީ ނިންމާފައި.
މޯދީގެ ދަތުރުފުޅާއި ގުޅިގެން ގްރީން ޒޯނާ އެކު ހުޅުމާލޭގެ ބޮޑު ސަރަހައްދެއް ވެސް ބަންދުކުރަން ވަނީ ނިންމާފައި.
ސެކިއުރިޓީ ބޭނުމަށް ޗާޓުގައި ރަތްކުލައިން ފާހަގަކޮށްފައިވާ ޒޯންތަކުގައި މި މަހުގެ 7 ވަނަ ދުވަހުގެ އިރުއޮއްސި 6:00 އަކުން ފެށިގެން މި މަހުގެ 9 ވަނަ ދުވަހުގެ ރޭ 10:00 އަށް އެއްގަމު އުޅަނދު ޕާކު ކުރުމަކީ މަނާ ކަމަށް ފުލުހުން ވަނީ ކަނޑައަޅާފައި
8 ޖޫން 2019 | ހޮނިހިރު 02:14
02:04
ރާއްޖެ ވަޑައިގަންނަވަނީ މި ސަރަޙައްދުގެ ގައުމުތަކަށް ކުރައްވާ ދަތުރުފުޅުގެ ތެރެއިން
މޯދީ ރާއްޖެއަށް ކުރައްވާ ދެވަނަ ދަތުރުފުޅުގައި ހޮނިހިރު ދުވަހު ރާއްޖެ ވަޑައިގަންނަވަނީ ދެވަނަ ދައުރަކަށް އިންތިޚާބުވެވަޑައިގަތުމަށްފަހު މި ސަރަޙައްދުގެ ގައުމުތަކަށް ކުރައްވާ ދަތުރުފުޅުގެ ތެރެއިން. އެގޮތުން މޯދީގެ މި ދަތުރުފުޅުގެ އެންމެ ފުރަތަމަ މަންޒިލަކީ ރާއްޖެ.
އެމަނިކުފާނު ބޮޑުވަޒީރުކަމުގެ ފުރަތަމަ ދައުރުގައި އިންތިޚާބުވެ ވަޑައިގަތުމަށްފަހު ވެސް ސަރަހައްދުގެ ގައުމުތަކަށް ވަޑައިގެންނެވި. އެކަމަކު އެފަހަރު ރާއްޖެ ވަޑައިގެންފައެއް ނުވޭ.
8 ޖޫން 2019 | ހޮނިހިރު 02:04
01:59
ރައީސް ސޯލިހު ހުވާކުރެއްވުމުގެ ރަސްމިއްޔާތުގައި މޯދީ ވަނީ ބައިވެރިވެވަޑައިގަންނަވާފައި
ރައީސް އިބްރާހިމް މުހައްމަދު ސޯލިހު ހުވާ ކުރެއްވުމުގެ ރަސްމިއްޔާތަށް މޯދީ ވަޑައިގެންނެވި. އެއީ އެމަނިކުފާނު ރާއްޖެ ވަޑައިގެންނެވި ފުރަތަމަ ދަތުރުފުޅު.
8 ޖޫން 2019 | ހޮނިހިރު 01:59
01:48
މޯދީ, ރައްޔިތުންގެ މަޖިލީހުގައި ތަޤުރީރު ކުރެއްވުމަށް ހާއްސަކޮށްގެން ބާއްވާ ރައްޔިތުންގެ މަޖިލީހުގެ ޖަލްސާ އޮންނާނީ މަޣްރިބް ނަމާދަށް ފަހު. ކުރިން ތާވަލް ކޮށްފައިވާ ގޮތުން މޯދީ ތަގުރީރުކުރައްވާ ޖަލްސާ ފަށާނީ ހޮނިހިރު ދުވަހުގެ އިރުއޮއްސި 6:45 ގައި
8 ޖޫން 2019 | ހޮނިހިރު 01:48
01:13
ރާއްޖެއަށް ކުރައްވާ ދެ ދުވަހުގެ ދަތުރުފުޅުގައި އިންޑިއާގެ ބޮޑުވަޒީރު ނަރެންދުރަ މޯދީ ވަޑައިގަންނަވާނީ ހޮނިހިރު ދުވަހުގެ މެންދުރުގެ ވަގުތެއްގައި
ދެވަނަ ފަހަރަށް ހޮވިވަޑައިގަތުމަށް ފަހު ބޭރުގެ ފުރަތަމަ ގައުމަކަށް ރާއްޖެ ހިޔާރުކުރެއްވީ ރާއްޖެއަކީ އެންމެ ގާތް އަވަށްޓެރި ގައުމަށް ވާތީ ކަމަށް މޯދީ ވަނީ ވިދާޅުވެފައި
8 ޖޫން 2019 | ހޮނިހިރު 01:13