ވޯޓު ލުމުގެ ކިއޫ 18:00 ގައި ބަންދުކޮށްފައިވާއިރު، ވޯޓު ފޮށިތައް ބަންދުކޮށްފައިވާ ބައެއް ސަރަހައްދުތަކުގައި ވޯޓު ގުނަން ފަށައިފިއެވެ. 

ރާއްޖޭގެ އެކި ސަރަޙައްދުތަކުގައި ވޯޓުލުން ކުރިއަށްދާއިރު، ރާއްޖޭގެ ހުރިހާ ސަރަޙައްދެއްގައިވެސް އާންމު ހާލަތު ރަަނގަޅު ކަމަށް ފުލުހުން ބުނެފައިވޭ. އެގޮތުން އަމާންކަމާއި ސުލްހަވެރިކަމާއެކު އިންތިހާބުގެ ކަންކަން ކުރިއަށް ގޮސްފައިވާ ކަމަށް ގިނަ ބަޔަކު ފާހަގަކުރޭ

ކުރިއަށް އޮތް މަޖިލިސް އިންތިހާބުގައި ވޯޓުލާ ކިއޫތައް ބަންދުކޮށްފައިވާއިރު، ކުރީގެ ރައީސް އަބްދުﷲ ޔާމީނު ވޯޓުލާން ވަޑައިނުގަންނަވާ ކަން "ރާއްޖެއެމްވީ" އަށް އެނގިއްޖެއެވެ. 

 މިހާތަނަށް 200464 މީހުން ވޯޓުލައިފި. އެއާއެކު ވޯޓު ނުލާ މީހުންގެ އިންސައްތައަކީ 24.19. 

ވޯޓުލީ ފިރިހެނުންގެ އަދަދަކީ 100673 އަދި އަންހެނުންގެ އަދަދަކީ 99791 

ކުރިއަށް މި އޮތް 2 ގަޑިއިރު ތެރޭގައި ވޯޓު ލުމުގެ ހައްޤު ބޭނުން ކުރެވޭނެ. އީސީން ވޯޓުލާ ވަގުތު އިތުރު ކުރުމަށް ނިންމީ ޤައުމީ ލަފާދޭ ކޮމިޓީގެ އިއްތިފާޤުން ކަމަށް އެ ކޮމިޝަނުގެ މެމްބަރު އަކްރަމް ވިދާޅުވި. އަދި ކިއޫގައި ޖެހޭ މީހުންގެ އަދަދު ކުރިއަށް އޮތް 2 ގަޑިއިރު ތެރޭގައިވެސް އިތުރުވާނެ ކަމަށް ބެލެވޭ ކަމަށް އަކްރަމް ވިދާޅުވި. 

މި ދުވަސްވަރު މޫސުންހުރި ގޮތުން، ހޫނު ގަދަ ވުމުގެ ސަބަބުން ވޯޓު ލުމަށް އަންނަ މީހުން މަދުވެދާނެ ކަަމަށްޓަކައިި، މިއަދު 18:00އާ ހަމައަށް ވޯޓުލުން ކުރިއަށްގެންދަން އިލެކްޝަންސް ކޮމިޝަނުން ނިންމައިފި

ގދ. މަޑަވެލިގައި ވޯޓު ކަރުދާސް ފޮޓޯނެގި މީހަކު މަޢުލޫމާތު ސާފުކުރުމަށް ހާޒިރުކުރެވިފައިވޭ އަދި ވޯޓު ކަރުދާސް ދައްކައިގެން ގދ. ރަތަފަންދޫއިން 2 މީހަކު، ގދ. ފަރެސްމާތޮޑާއން އެކަކު ވަނީ މަޢުލޫމާތު ސާފުކުރުމަށް ހާޒިރުކުރެވިފައި- ފުލުހުން

ވޯޓުލާން ބާކީ 1 ގަޑިއިރަށް ވެފައިވާއިރު، އެކި ކަންކޮޅުތަކުގައި ހުރި ވޯޓު ފޮށިތައް ކައިރީގައި ވޯޓުލުމަށް ކިއޫގައި ޖެހޭ މީހުންގެ އަދަދު ދަނީ އިތުރުވަމުން. 

މަޖިލިސް އިންތިހާބުގައި މިހާތަނަށް 140،900 މީހުން ވޯޓުލައިފި.ފަހު ވަގުތު ވޯޓުލާން ދިއުމުން ކިއޫގައި ގިނައިރު މަޑުކުރަން ޖެހިދާނެތީ، ވޯޓު ލުމަށް ވީހާވެސް ގިިނަ ބަޔަކު ވީ އެންމެ އަވަހަކަށް ދިއުމަށް އީސީން އެދިވަޑައިގެންފައިވޭ .

ވޯޓު ލުމުގެ ހައްޤު ލިބިފައިވާ މީހުންގެ ތެރެއިން  މިހާތަނަށް 50 އިންސައްތައަށްވުރެ ގިނަ މީހުން ވޯޓުލައިފި. 

ކުރިއަށް އޮތް 19 ވަނަ ރައްޔިތުންގެ މަޖިލީހުގެ އިންތިޚާބުގައި ވޯޓް ފޮށިތައް ބަންދުކުރަން ދޮޅު ގަޑިއިރަށް ވެފައިވާ އިރު ވޯޓު ލީ މީހުންގެ އަދަދު ލައްކައަކަށް ވަނީ އަރާފައި. 

މި ފަހަރުގެ އިންތިޚާބުގައި 264442 މީހުންނަށް ވޯޓު ލުމުގެ ހައްގު ލިބިފައިވާ ކަމަށް އިލެކްޝަންސް ކޮމިޝަނުން މައުލޫމާތު ދޭ. ރިޔާސީ އިންތިހާބާ ހިލާފަށް މެންދުރާ ހަމައަށް ދިޔައިރު ވޯޓުލާން ނުކުންނަ މީހުންގެ އަދަދު ވަރަށް ބޮޑަށް މަދުކަން ފާހަގަކޮށްލެވޭ. އިލެކްޝަންސް ކޮމިޝަންގެ ރައީސް އަހްމަދު ޝަރީފް ވެސް ވަނީ އެކަން ފާހަގަކުރައްވާފައެ

އައްޑޫ ސިޓީ ފޭދޫ ސްކޫލަށް ވޯޓުލާންދިޔަ ތިން މީހަކު ވޯޓުލުމަށްފަހު ވޯޓް ކަރުދާސް ފޮޓޯ ނެގުމާއި ގުޅިގެން އެތިން މީހުން ވަނީ ފުލުހުންގެ ބެލުމުގެ ދަށަށް ގެނެސްފައި- ފުލުހުން

މަޖިލިސް އިންތިހާބުގައި މިހާތަނަށް 95،422 މީހުން ވޯޓުލާފައިވާއިރު، އޭގެ ތެރޭގައި ހިމެނެނީ 51،281 ފިރިހެނުންނާއި، 44،141 އަންހެނުން. ވޯޓު ލުމުގެ ހައްޤު ލިބިފައިވާ 264442 މީހުން އެބަތިބި. 

 މިކަން ހިނގާަފައިވަނީ ގއ ވިލިނގިލީގައި. ގއ. ވިލިނގިލީގައި ވޯޓުލުމަށްފަހު ވޯޓު ކަރުދާސް ފޮޓޯނެގިކަމަށް ތުހުމަތުކުރެވޭ މީހަކު ފުލުހުންގެ ބެލުމުގެ ދަށަށް ގެނެވިފައިވާ ކަމަށް ފުލުހުން ބުނެފައިވޭ.

‏އިލެކްޝަންސް ކޮމިޝަނުން ޢާއްމުކޮށްފައިވާ މަޢުލޫމާތުގައިވާ ގޮތުން މިހާތަނަށް 43،074 މީހަކު ވަނީ ވޯޓުލާފައި. މީގެތެރެއިން 26،513 މީހުންނަކީ ފިރިހެނުން. 16،561 މީހުންނަކީ އަންހެނުން.

 އުމުރުން ދުވަސްވީ މީހަކު ވޯޓުލާން އަންނަ މަންޒަރު. ދޮށީ އުމުރުގެ މީހުންނަށް ކިއޫގައި ނުޖެހި ވޯޓުލެވޭނެ ކަމަށް އިލެކްޝަންސް ކޮމިޝަނުން ވަނީ ބުނެފައި. 

ރާއްޖޭގެ ހުރިހާ ސަރަހައްދެއްގައިވެސް އަމާންކަމާއެކު ވޯޓުލުން ކުރިއަށްދާކަމާ އެކަމުން ދޭހަވަނީ ސުލްހަވެރިކަމާއެކު ހަރަކާތްތައް ހިންގުމުގެ ފުރުސަތު އޮތްކަން ކަމަށް ވިދާޅުވި. އަދި ވީހާވެސް ގިނަ ބަޔަކު ވޯޓުދެއްވުމަށް އެމަނިކުފާނު އެދިވަޑައިގެންފައިވޭ. 

އިންތިހާބާ ގުޅޭ 2 ޝަކުވާއެއް މިހާތަނަށް ފުލުހުންނަށް ހުށައެޅިފައިވާ ކަމަށާއި، ތަފްސީލު ފަހުން ހާމަކުރައްވާނެ ކަމަށް ފުލުހުން މައުލޫމާތުދެއްވާ

ކުރީގެ ރައީސް މައުމޫނު އަބްދުލް ޤައްޔޫމުވެސް ދާދި ދެންމެ ވޯޓުލައްވައިފި.  

މިއީ އެމަނިކުފާނު ހުވާކުރެއްވި ފަހުން އާންމު އިންތިހާބެއްގައި ވޯޓު ލެއްވި ފުރަތަމަ ފަހަރު. އެމަނިިކުފާނު ވަނީ ވީހާވެސް ގިނަ ބަޔަކު ވޯޓު ލެއްވުމަށް އެދިވަޑައިގެންފައި.  

ރައީސް ސޯލިހުވެސް ވޯޓުލައްވައިފި. އެމަނިކުފާނު ވަނީ ވީީހާވެސް ގިނަ ބަޔަކު ވޯޓުލުމުގެ ހައްޤު ބޭނުންފުޅު ކުރެއްވުމަށް .  . އެދިވަޑައިިގެންފައި. އަދި ވޯޓު ލުމުގެ ކަންކަން ކުރިއަަށްދަނީ ސުލްހަވެރިކަމާ އަމާންކަމާއެކު ކަމަށްވެސް ރައީސް ސޯލިހު ވިދާޅުވި

ވޯޓުލެއްވުމަށްޓަކައި ދާދި ދެންމެއަކު ރައީސް ސޯލިހު ޖަމާލުއްދީން ސުކޫލަށް ވަޑައިގެންފި. ރައީސް ވޯޓުލައްވަނީ ހިންނަވަރު ދާއިރާއަށް، އެ ދާއިރާއަށް 3 ކެނޑިޑޭޓަކު ކުރިމަތިލައްވާފައިވޭ

މަޖިލިސް އިންތިޚާބުގައި އަމާން މާހައުލެއް ގާއިމްކުރުމަށް ފުލުހުން ކުރިއަށް ގެންދާ ޚާއްސަ އޮޕަރޭޝަންގައި 500 އަށް ވުރެ ފުލުހުން ހަރަކާތްތެރިވަމުންދާ ކަމަށާއި، މި އޮޕްރޭޝަންގެ މައިގަނޑު މަގުސަދަކީ އަމާން ރައްކާތެރި މާހައުލެއް މާލެ އާއި އަތޮޅުތަކުގައި ގާއިމްކުރުން ކަމަށް ހަމީދު ވިދާޅުވި، އަދި މި އޮޕްރޭޝަންގައި ހަރަކާތްތެރިވާ ފުލުހުންގެ އިތުރުން ވެސް ރައްކާތެރިކަން ކަށަވަރުކުރުމަށް 1200 އެއްހާ ފުލުހުން މާލެ އާއި އަތޮޅު ތެރޭގައި ހަރަކާތްތެރިވަމުންދާ ކަމަށް ހަމީދު ވިދާޅުވެފައިވޭ.   

ރައީސް ސޯލިހުގެ އަނބިކަނބަލުން ރާއްޖޭގެ ފަރސްޓްލޭޑީ ފަޒްނާ އަހުމަދުވެސް ވޯޓު ލައްވައިފި. އެކަމަނާ ވޯޓުލެއްވީ މާފަންނު ހުޅަނގު ވޯޓުފޮއްޓަށް، 

ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ވޯޓުލައްވައިިފި. ރައީސް ނަޝީދު ވޯޓުލައްވާފައިވަނީ ގަލޮޅު އުތުރު ދާއިރާއަށް. 

ބޮޑެތި މަރުކަރުތައް ބަލަމުން މިދަނީ އަދި މަސައްކަތްތައްވެސް ވަރަށް ރަނގަޅަށް ކުރިއަށްދާކަން ފާހަގަކުރެވޭ. ޤަބޫލުކުރަނީ އަމާންކަމާއި ސުލްހަވެރިކަމާއެކު އިންތިހާބުގެ ހުރިހާ ކަމެއް ދާނެ ކަމަށް. މިހާރު ޑީޕީއާރްއެސްއާ މަޝްވަރާކޮށް ތިލަފުށީގައިވެސް ވޯޓުލުން ފެށުމަށް ދަނީ މަސައްކަތް ކުރަމުން : ޝަރީފް 

އިލެކްޝަންސް ކޮމިޝަނުގެ މެމްބަރުން ދަނީ ވޯޓުލާ ސަރަހައްދުތަކަށް ގޮސް މޮނިޓަރ ކުރަމުން. އެގޮތުން އެ ކޮމިޝަނުގެ ރައީސް އަހުމަދު ޝަރީފާއި، ސްޕޯކްސްޕަރސަން އަކްރަމް އަދި އިތުރު މެމްބަރުންތަކެއް ދާދި ދެންމެއަކު އިސްކަންދަރު ސުކޫލަށް ވަޑައިގެން ވޯޓުލުން ކުރިއަށްދާ ގޮތް މޮނިޓަރ ކުރައްވަމުން އެބަދޭ. 

މިއަދު 8:30 އާ ހަމައަށް ދިޔައިރު ވޯޓުލުން ފެށިފައި ނުވާ ކަމުގެ މައުލުމާތު މިހާތަނަށް ލިބިފައިވަނީ ތިލަފުށިން އެކަނި. ތިލަފުށީގައިވެސް ކުޑަ ވަގުތުކޮޅެއްގެ ތެރޭގައި ވޯޓުލުން ފެށޭނެ. މަޖިލިސް އިންތިހާބުގެ އިންތިޒާމުތައް ފުރިހަމައަށް ކުރިއަށްދާއިރު މިއަދު އިންތިހާބާ ބެހޭ ޚާއްސަ ޖަލްސާއެއް 9:00 އަށް ވަނީ ތާވަލު ކުރެވިފައި، އެ މައުލޫމާތުތައް މީޑިއާއާ ހިއްސާކުރާނެ- އަކްރަމް

ވޯޓުލުން ފެށިގެން ކުރިއަށްދާއިރު ރާއްޖޭގެ ހުރިހާ ސަރަޙައްދެއްގެ އާންމު ހާލަތު ރަނގަޅު ކަމަށް ފުލުހުން މައުލޫމާތުދޭ 

މިހާތަނަށް ވޯޓުލުން ފެށިފައި ނުވަނީ ހަމައެކަނި ތިލަފުށީގައި ކަމަށް އަކްރަމް ވިދާޅުވި. އަދި ވޯޓުލުން ލަސްވަމުންދަނީ ވޯޓުލާ ތަކެތި ވެއްދުމުގައި ދިމާވި ދަތިތަކެއްގެ ސަަބަބުން ކަމަށާއި، އެކަން ހައްލުކޮށް ވީހާވެސް އަވަހަށް ވޯޓުލުން ފެށުމަށް މަސައްކަތް ކުރަމުންދާ ކަަމަށްވެސް ވިދާޅުވި

އިންތިހާބުގެ ސަލާމަތީ ކަންކަން ބެލެހެއްޓުމަށްޓަަކައި އަދި އިންތިޚާބަށް އަމާން މާޙައުލެއް ޤާއިމްކޮށްދިނުމަށް ފުލުހުން ވަނީ "އޮޕަރޭޝަން ބްލޫޓައިޑް" ގެ ނަމުގައި ޚާއްސަ އޮޕަރޭޝަނެއް ވަނީ ފަށާފައި. އެގޮތުން އޮޕަރޭޝަނުގައި ހަރަކާތްތެރިވާ ފުލުހުންނަށް ތަމްރީނުތައްދީ، އިންތިޚާބުގައި ވޯޓު ފޮށި ބަހައްޓާ ތަންތަނުގައި ހަރަކާތްތެރިވާ ފުލުހުން އެތަންތަނަށް ގޮސް ނިމިފައިވާއިރު، އިންތިޚާބުގެ ސަލާމަތީ ކަންކަން ބެލެހެއްޓުމަށް ފުލުހުން ކުރިއަށް ގެންދާ އޮޕަރޭޝަނަށް ތައްޔާރުވުމަށް ކުރަމުންއައި ހުރިހާ މަސައްކަތްތައް މިހާރު ނިމިފައިވާކަމަށް ފުލުހުން މައުލޫމާތުދޭ

 ރައްޔިތުންގެ މަޖިލީހުގެ އިންތިޚާބުގެ ސަލާމަތީ ކަންކަން ބެލެހެއްޓުމަށް ފުލުހުން ކުރިއަށް ގެންދާ އޮޕަރޭޝަން ބްލޫޓައިޑް އިއްޔެ ފަށާފައިވާއިރު، ރާއްޖެއިން ބޭރުގައި ވޯޓުފޮށި ބަހައްޓާ ޤައުމުތަކުގައާއި ރާއްޖޭގެ ހުރިހާ ރަށެއްގައިވެސް ފުލުހުން މިހާރު ހަރަކާތްތެރިވަމުންދާނެ.- ފުލުހުން

 ހއ ހޯރަފުށީގައި ވޯޓުލުން ފެށިގެން ކުރިއަށް އެބަދޭ. އެ ދައިރާއަށް 2 ކެނޑިޑޭޓަކު ކުރިމަތިލައްވާފައިވާއިރު، ވޯޓު ލުމުގެ ޙައްޤު ލިބިފައިވަނީ 3423 މީހުންނަށް

މަޖިލިސް 2019ގެ ކޯޑިނޭޓަރުން އިލެކްޓޯރަލް މެނޭޖްމަންޓް ސެންޓަރުގައި ހަރަކާތްތެރިވަމުން އެބަދޭ  

ކާށިދޫ ދާއިރާއަށް 6 ކެނޑިޑޭޓަކު ކުރިމަތިލައްވާފައިވޭ. އަދި ވޯޓު ލުމުގެ ޙައްޤު ލިބިފައިވާ 2615 މީހުން ކާށިދޫ ދާއިރާގައި ވޭ

މަޖީދިއްޔާ ސުކޫލުގައި 7 ވޯޓު ފޮއްޓެއް ބެހެއްޓިފައިވޭ. އޭގެ ތެރޭގައި ހިމެނެނީ ރ އަތޮޅާއި އައްޑޫ އަތޮޅުގެ ވޯޓު ފޮށިތައް

އަމާންއޮމާން ކަމާއެކު އިންތިޚާބީ އެންމެހައި މަސައްކަތައް ކުރިއަށް ގެންދިއުމަށް އިލެކްޝަން ކޮމިޝަންގެ ރައީސް އަހުމަދު ޝަރީފު ގޮވާލައްވައިފިއެވެ. 

ކޮމިޝަންގެ ރައީސް ޝަރީފު ވިދާޅުވީ މައްސަލައެއް ދިމާވި ނަމަވެސް ގާނޫނާ ގަވާއިދާއެއް ގޮތަށް އަމަލުކުރުމަށް އެދޭ ކަމަށެވެ. 

އިލެކްޝަންސް ކޮމިޝަނުން ބުނީ ރާއްޖޭގައި ވޯޓުލުން ކުރިއަށްދާނީ ހޮނިހިރު ދުވަހުގެ ހެނދުނު 08:00 އިން ހަވީރު 4:00 އަށް ކަމަށެވެ. އިންޑިއާ އަދި ސްރީލަންކާގައި ވޯޓްލުން ކުރިއަށްދާނީ އެ ގައުމުގެ ގަޑިން ހެނދުނު 08:30 އިން ހަވީރު 4:30 އަށެވެ. މެލޭޝިޔާގައި ވޯޓުލުން ކުރިއަށްދާނީ އެ ގައުމުގެ ގަޑިން 11:00 އިން ރޭގަނޑު 7:00އަށް އަދިއިނގިރޭސީވިލާތުގައި ވޯޓްލުން ކުރިއަށް ދާނީ ހެނދުނު 9:30 އިން ރޭގަނޑު ހަވީރު 5:30 އަށެވެ.

އިލެކްޝަންސް ކޮމިޝަނުން ފާސް ދޫކޮށްފައިވާ ފަރާތްތައް

ދޮށީއުމުރުގެ މީހުން

ޖިސްމާނީ ނުކުޅެދުންތެރިކަން ހުންނަ މީހުން

ފުލުހުން

މާބަނޑު އަންެހެނުން

އުރާވަރުގެ ތުއްތު ކުދިން ގޮވައިގެން ގޮސް ތިބޭ މީހުންނެވެ

މަޖިިލިސް އިންތިޚާބަށް ސަރުކާރުގެ މައިޕާޓީ އެމްޑީޕީން 85 ކެންޑިޑޭޓުން ވާދަ ކުރެ އެވެ. ޕީޕީއެމްގެ 27 އަދި ޕީއެންސީގެ 20 ކެންޑިޑޭޓުން ނުކުންނައިރު ޖުމްހޫރީ ޕާޓީގެ 41 ކެންޑިޑޭޓުން ވާދަ ކުރެ އެވެ. އަދި އަމިއްލަ ގޮތުން ޖުމްލަ 386 ކެންޑިޑޭޓުން ވާދަ ކުރެ އެވެ.

މިއިންތިޚާބުގައި ފުރަތަމަ ފަހަރަށް ރައީސްކަން ކުރެއްވި ބޭފުޅަކު ވާދަކުރައްވައެވެ.

މިއިންތިހާބުގައި ރާއްޖެ އާއި ބޭރުގެ ބައެއް ގައުމުތަކާއެކު 501 ވޯޓް ފޮށި ބަހައްޓާފައިވެއެވެ.

19 ވަނަ ރައްޔިތުން މަޖިލިސްގެ މަޖިލީހަށް މެންބަރުން އިންތިޚާބު ކުރުމަށް މިއަދު ހެނދުނު 8:00 ވޯޓުލުން ފަށާނެ. 

އަދ. ހިމަންދޫ ސްކޫލުގައި ވޯޓުލަން ބަޔަކު ކިޔުގައި ޖެހިގެން 

 މާލޭގެ މަރުކަޒުތަކަށް ވޯޓު ފޮށިތައް ގެންދިޔުމަށް ދަރުބާރުގޭގައި ފޮށިތައް ތައްޔާރުކޮށްފައި  

ރައްޔިތުންގެ މަޖިލީހުގެ އިންތިހާބުގައި ވޯޓު ފޮށިތައް ހުންނަ ސަރަހައްދުގައި މީހުން ކިޔު ޖެހެން ފަށައިފި