ރައްޔިތުންގެ މަޖިލީހުގެ ހޯމަ ދުވަހުގެ ޖަލްސާ

ފާލާހު: މިގަރާރަކީ ސަރުކާރުގެ އިދާރާތަކާއި ސަރުކާރުގެ ކުންފުނިތަކުގެ މުވައްޒަފުންނަށް މަޖުބޫރު ކުރުވައިގެން، ޕީޕީއެމްއަށް ސޮއި ކުރުވުމާއި ޕީޕީއެމްއިން ބާއްވާ ޖަލްސާތަކާއި އިވެންޓްތަކުގައި އެ މުވައްޒަފުން ބައިވެރިވުމަށް މަޖުބޫރު ކުރުވާތީ މަޖިލީހުގެ ސަމާލު ކަމަށް ގެނައުމަށް ހުށަހަޅާ ގަރާރެއް. 

މި ގަރާރުގެ މަގްސަދަކީ، ސަރުކާރުގެ އިސްވެރިންނާއި ރައީސް އަބްދުﷲ ޔާމީންގެ ޕީޕީއެމް ފެކްޝަނުގެ އިސްވެރިން ހިންގަމުންދާ ގާނޫނާ ހިލާފު އަދި ރާއްޖެ ބައިވެރިވެފައިވާ ބައިނަލް އަގްވާމީ މުއާހަދާތަކާވެސް ހިލާހު ކަމެއް ކަމަށްވާތީ އެކަން ހުއްޓުވުން. 

މަޖިލީހުގެ ރިޔާސަތުގައި އިންނެވީ މަޖިލީޙުގެ ރައީސް އަބްދުﷲ މަސީހު މުހައްމަދު. 

އިބްތިދާއީ ބަހުސް ކުރުމަށްޓަކައި މާފަންނު ހުޅަނގު ދާއިރާގެ މެމްބަރު މުހައްމަދު ފަލާހު ހަށަހަޅުއްވާ ގަރާރު އެށަހެޅުން. ގަރާރު ހުށަހަޅުއްވާ ދެއްވީ ފަލާހް.

ރައްޔިތުންގެ މަޖިލީޙުގެ މިއަދުގެ ޖަލްސާއަކީ މަޖިލީހުގެ މިއަހަރުގެ ފުރަތަމަ ދައުރުގެ އަށްވަނަ ޖަލްސާ އެވެ.

މިއަދުގެ ޖަލްސާގެ އެޖެންޑާގައި ވަނީ ސަރުކާރު ހިންގާ މައި ޕާޓީ ޕީޕީއެމްއަށް މަޖުބޫރުކޮށްގެން މެމްބަރުން އިތުރު ކުރަމުންދާ ކަމަށްބުނެ ރައްޔިތުންގެ މަޖިލީހަށް ހުށަހެޅި ގަރާރަށް ބަހުސް ކުރުމެވެ.

އެގަރާރު މަޖިލީހަށް ހުށަހަޅުއްވާފައި ވަނީ އިދިކޮޅު އެމްޑީޕީގެ ޕާލަމެންޓްރީ ގްރޫޕްގެ މާފަންނު ހުޅަނގު ދާއިރާގެ މެމްބަރު މުހައްމަދު ފަލާހު އެވެ.

މި ގަރާރުގެ އިތުރުން އިތުރު ކަމެއް ކަމޖިލީޙުގައި މިއަދުގެ ޖަލްސާގައި އެޖެންޑާ ކޮށްފައެއް ނުވެއެވެ.