ގެސްޓް ހައުސް އެއްގައި ކުޑަކުއްޖަކާއެކު ޖިންސީ އަމަލެއް ހިންގުމުގެ ތުހުމަތުގައި މީހަކު ހައްޔަރުކޮށްފި
ހައްޔަރުކޮށްފައި ވަނީ އުމުުރުން 43 އަހަރުގެ ދިވެހި ފިރިހެނެއް
ކުޅުދުއްފުށީގައި ގެސްޓްހައުސްއެއްގައި ކުޑަކުއްޖަކާއެކު ޖިންސީ އަމަލު ހިންގިކަމުގެ ތުހުމަތުކުރެވޭ މީހާ ރައްޔިތުން ނިކުމެ ގެންދަނީ
ހދ. ކުޅުދުއްފުށީގައި ކުޑަކުއްޖަކާއެކު ޖިންސީ އަމަލެއް ހިންގި ކަމުގެ ތުހުމަތުގައި މީހަކު ހައްޔަރުކޮށްފިއެވެ.
ފުލުހުން ބުނީ ކުޅުދުއްފުށީ ގެސްޓްހައުސްއެއްގައި ކުޑަކުއްޖަކާއެކު ޖިންސީ އަމަލެއް ހިންގިކަމުގެ ތުހުމަތުގައި އާދީއްތަ ދުވަހުގެ ރޭ މީހަކު ހައްޔަރު ކޮށްފައިވާ ކަމަށެވެ.
އެ މައްސަލަ އާ ގުޅިގެން ހައްޔަރުކޮށްފައި ވަނީ އުމުުރުން 43 އަހަރުގެ ދިވެހި ފިރިހެނެއް ކަމަށް ވެސް ފުލުހުން ބުނެއެވެ.
އެ މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
މައުލޫމާތު ލިބިފައިވާ ގޮތުގައި ކުޅުދުއްފުށީގައި ކުޑަކުއްޖަކު ގްރޫމްކޮށްގެން އެކުއްޖާ އާއެކު ޖިންސީ އަމަލެއް ހިންގި މީހަކު ރައްޔިތުން ނިކުމެ ފުލުހުންނާ ވަނީ ހަވާލުކޮށްފައެވެ. އަދި އެއީ އެމްއެންޑީއެފްގެ އޮފިސަރެއް ކަމަށް ވެސް މައުލޫމާތު ލިބިފައިވެއެވެ.
