ކ. މާލެ
|
18 އޭޕްރިލް 2021 | އާދީއްތަ 11:19
ވެކްސިން ޖެހުމަށް ސަރުކާރުން ކުރަމުންދާ މަސައްކަތްތަކާ ގުޅިގެން މަރުވާ މީހުންނާއި ބަލި ޖެހޭ މީހުންގެ އަދަދު ވަނީ މީގެ ކުރިއާ އަޅާބަލާއިރު ދަށަށް ގޮސްފައި
ވެކްސިން ޖެހުމަށް ސަރުކާރުން ކުރަމުންދާ މަސައްކަތްތަކާ ގުޅިގެން މަރުވާ މީހުންނާއި ބަލި ޖެހޭ މީހުންގެ އަދަދު ވަނީ މީގެ ކުރިއާ އަޅާބަލާއިރު ދަށަށް ގޮސްފައި
ރޮއިޓަރސް
ކޮވިޑާ ދެކޮޅަށް ފްރާންސްގައި އަޅާފައިވާ ފިޔަވަޅު
ބްރެޒިލުން އަންނަ މީހުން ދިހަ ދުވަހަށް ކަރަންޓީނު ވާންޖެހޭނެ- ފްރާންސް
 
މީހުން ކަރަންޓީނު ވަމުންދާ ގޮތާއި އަދި އެ މުއްދަތުގެ ތެރޭގައި އަމަލު ކުރަމުންދާ ގޮތް ބެލުމަށްޓަކައި ފުލުހުން އެކަން ގާތުން ބަލަމުން ދާނެ
 
ފްރާންސާއި ބްރެޒިލްގެ ދެމެދުގައި ދަތުުރު ކުރަމުންދިއަ ފްލައިޓުތައް މަޑުޖައްސާލާފައިވޭ

ބްރެޒިލުން އަންނަ މީހުން ދިހަ ދުވަހަށް ކަރަންޓީނު ވާންޖެހޭނެ އުސޫލެއް ފްރާންސްގައި ކަނޑައަޅައިފިއެވެ.

ހޮނިހިރު ދުވަހު އެގައުމުގެ ބޮޑުވަޒީރުގެ އޮފީހުން ނެރެފައިވާ ބަޔާނެއްގައި ބުނީ ފްރާންސްގައި ކޮވިޑް-19 ފެތުރުން ކޮންޓްރޯލު ކުރުމުގެ ގޮތުން 24 އޭޕްރީލުން ފެށިގެން ބްރެޒިލުން އަންނަ ހުރިހާ އެންމެން ވެސް 10 ދުވަހަށް ކަރަންޓީންވާން ޖެހޭނެ ކަމަށެވެ. ފްރާންސާއި ބްރެޒިލްގެ ދެމެދުގައި ދަތުުރު ކުރަމުންދިޔަ ފްލައިޓުތައް ވެސް މަޑުޖައްސާލާފައިވާއިރު އޭޕްރީލް 23ށް މި ފިޔަވަޅު ދިގު ދަންމާލުމަށް ނިންމާފައިވެއެވެ.

24 އޭޕްރިލްގެ ފަހުން ބްރެޒިލުން ފްރާންސަށް ދެވޭނީ 36 ގަޑިއިރު ނުވާ ނެގެޓިވް ޕީސީއާރު ޓެސްޓުގެ ނަތީޖާ އޮތް މީހުންނަށް ކަމަށް މި ބަޔާނުގައި ބުނެފައިވެއެވެ. މި ބަޔާނުގައި އިތުރަށް ބުނީ މީހުން ކަރަންޓީން ވަމުންދާ ގޮތާއި އަދި އެ މުއްދަތުގެ ތެރޭގައި އަމަލު ކުރަމުންދާ ގޮތް ބެލުމަށްޓަކައި ފުލުހުން އެކަން ގާތުން ބަލަމުން ދާނެ ކަމަށެވެ. އަދި ބްރެޒިލްގެ އިތުރުން އާޖެންޓީނާ، ޗިލީ އަދި ކޮވިޑްގެ ވޭރިއަންޓު ފެނިފައިވާ ބައެއް އިތުރު ގައުމުތަކުން އަންނަ މީހުންނަށް ވެސް މި ގޮތަށް އަމަލުކުރުމަށް ނިންމާފައިވާ ކަމަށް ފާހަގަ ކޮށްފައިވެއެވެ.

ފްރާންސްގައި ކޮވިޑްގެ ހާލަތު ގޯސްވަމުންދިޔުމުން އެޕްރީލް މަހުގެ ކުރީކޮޅު އެގައުމު ވަނީ ތިން ވަނަ ފަހަރަށް ލޮކްޑައުންކޮށްފައެވެ. ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންދާ މީހުންގެ އަދަދު މަދު ނަމަވެސް ދުވާލެއްގެ މައްޗަށް ބަލި ޖެހިގެން ރިޕޯޓްކުރަމުން އަންނަ އަދަދަށް އަދި ބަދަލެއް ނާދެއެވެ. އެގޮތުން މިހާރުވެސް އެވްރެޖްކޮށް ދުވާލެއްގެ މައްޗަށް 300 މީހުންނަށް އަންނަނީ ބަލިޖެހިގެން ރިޕޯޓްކުރަމުންނެވެ.

ފްރާންސްގައި ކޮވިޑްގެ ހާލަތު މިހާރު ހުރިގޮތާ ގުޅޭގޮތުން ސަރުކާރުގެ ސްޕޯކްސްމެން ގެބްރިއަލް ވިދާޅުވީ ވައިރަސް ފެތުރުން ކޮންޓްރޯލްކުރުމަށް ފިޔަވަޅުތައް އެންމެ ފުރަތަމަ އެޅި ހިސާބުތަކުގައި މަޑުމަޑުން ކޭސްތައް ފެންނަ މިންވަރު ދަށަށްދާން ފަށާފައިވާކަމަށެވެ. އަދި މިހާރު އަޅާފައިވާ ފިޔަވަޅުތައް އެގޮތުގައި ކުރިޔަށް ގެންދަންޖެހޭކަމަށް ގެބްރިއަލް ވިދާޅުވިއެވެ. މީގެ އިތުރުން ވެކްސިން ޖެހުމަށް ސަރުކާރުން ކުރަމުންދާ މަސައްކަތްތަކާ ގުޅިގެން މަރުވާ މީހުންނާއި ބަލި ޖެހޭ މީހުންގެ އަދަދު ވަނީ މީގެ ކުރިއާ އަޅާބަލާއިރު ދަށަށް ގޮސްފައެވެ.

އެގޮތުން ހޯމް ކެއަރ ގައި ތިބޭ މީހުންނަށް ވެކްސިން ދިނުމުގެ ކަންކަން އެގައުމުގެ ސަރުކާރުން ވަނީ ހަލުވިކަމާއެކު ކުރިޔަށް ގެންގޮސްފައެވެ. ހެލްތު މިނިސްޓަރ އޮލިވިއަރ ވެރަން ވިދާޅުވީ ހޯމް ކެއަރ ގައި ތިބި ހުރިހާ އެންމެންނަށް ވެކްސިންގެ ފުރަތަމަ ޑޯޒް ދީފައިވާކަމަށެވެ. އަދި ތިންބައިކުޅަ ދެބައި މީހުންނަށް ދެވަނަ ޑޯޒް ދީފައިވާކަމަށް މިނިސްޓަރ ވިދާޅުވިއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ނަހްދާ އާދަމް
0%
0%
0%
0%
0%
0%
ކޮމެންޓް