ކ. މާލެ
|
9 އޭޕްރިލް 2021 | ހުކުރު 01:14
ރާއްޖެ އެމްވީ
ހެލްތު ޕްރޮޓެކްޝަން އެޖެންސީ
ކަރަންޓީން ނުވެ ވޯޓުލާން ދެވޭނެ އުސޫލު ހަދައިފި
 
ވޯޓުލާން ޖެހެނީ ވެސް ރަށުގައި ކަރަންޓީނު ވެފައިވާ މީހުން ވޯޓުލާން ކަނޑައަޅާ ގަޑީގައި
 
ގިނަވެގެން 48 ގަޑިއިރުގެ ތެރޭގައި، އެ މީހަކު އައި ރަށަކަށް އެނބުރި ދާންޖެހޭ
 
ހުއްދަ އޮންނާނީ މި މަހު 11އާ ހަމައަށް

އަންނަ ހޮނިހިރު ދުވަހު ބާއްވާ ލޯކަލް ކައުންސިލް އިންތިހާބުގައި ކަރަންޓީނާ ނުލާ ވޯޓުލާން ރަށްރަށަށް ދެވޭ ގޮތަށް ހެލްތު ޕްރޮޓެކްޝަން އެޖެންސީން އުސޫލު ހަދައިފިއެވެ.

އެޗްޕީއޭއިން ނެރުނު އުސޫލުގައި ބުނީ ލޯކަލް ކައުންސިލް އިންތިހާބުގައި ވޯޓު ލުމަށް މާލެ ސަރަހައްދުންނާއި، ރިސޯޓުތަކުން އަދި ސަފާރީތަކުގެ އިތުރަށް ގެސްޓު ހައުސް ހިންގާ ރަށްރަށުން ވެސް ލޯކަލް ކައުންސިލް އިންތިހާބުގައި ވޯޓު ލާން އެމީހަކު އެމީހެއްގެ ރަޖިސްޓްރީ އޮތް ތަނަކަށް ކަރަންޓީން ނުވެ ދެވޭނެ ކަމަށެވެ. އެ ހުއްދަ އޮންނާނީ މި މަހު 11އާ ހަމައަށް ކަމަށް ބުނެފައިވެއެވެ.

ވޯޓުލާން ރަށްރަށަށް ދަތުރުކުރާ މީހުން ވޯޓުލުމަށް ފަހު، ގިނަވެގެން 48 ގަޑިއިރުގެ ތެރޭގައި، އެ މީހަކު އައި ރަށަކަށް އެނބުރި ދާންޖެހެއެވެ. އަދި ދަތުރަށް ފެށުމުގެ ކުރިން، ދަތުރުކުރާ ތާރީހާއި އެ ރަށެއްގައި މަޑުކުރާނެ ތަނަކާއި މުއްދަތު ރަށުގެ ކަމާބެހޭ ފަރާތަށް އަންގަން ވެސް ޖެހެއެވެ. މީގެ އިތުރަށް އެމީހުން ވޯޓުލާން ޖެހެނީ ވެސް ރަށުގައި ކަރަންޓީނު ވެފައި ނުވަތަ އެކަހެރި ވެފައިވާ މީހުން، ވޯޓުލާން ކަނޑައަޅާފައިވާ ވަގުތުގައި ނުވަތަ އިލެކްޝަންސް ކޮމިޝަނުން ކަނޑައަޅާ ވަގުތުގައެވެ.

ވޯޓުލާން ރަށްރަށަށް ދާ މީހުން ވެސް، ހާއްސަ ހުއްދައިގަ ޒަރޫރީ ބޭނުންތަކަށް ދާ މީހުންނެކޭވއެއްފަދައިން އާންމު ތަންތަނަށް އެއްވެ އުޅުން މަނަލެވެ. އެގޮތުން އެމީހުންނަށް ވޯޓު ލާ ސަރަހައްދު ނޫން އާންމުން އުޅޭ އެހެން ސަރަހައްދުތަކުގައި އުޅުން ވަނީ މަނާކޮށްފައެވެ. މީގެ އިތުރަށް އެމީހުން ހުރުމާއި ކެއުމުގެ އިންތިޒާމު އެހެން މީހުންނާ ވަކިން ހަމަޖެހިފައި ހުންނަން ޖެހޭ ކަމަށާއި މީހުންނާ ބައްދަލުކޮށް ގޭގެއަށް ޒިޔާރާތްކުރުން މަނާވާނެ ކަމަށް ވެސް ބުނެފައިވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޙުސައިން މަޚްތޫމް
33%
0%
0%
33%
33%
0%
ކޮމެންޓް