ކ. މާލެ
|
7 އޭޕްރިލް 2021 | ބުދަ 12:34
ނ. މަނަދޫ އައު ނެރުނު ފުންކުރުމާއި ބޭރުތޮށި ލުމުގެ މަޝްރޫއުގެ އަމަލީ މަސައްކަތް ފެށުމަށްޓަކައި ޕްރޮޖެކްޓް ސައިޓް މޮބިލައިޒް ކުރުމަށް ބޭއްވި ރަސްމިއްޔާތުގެ ތެރެއިން
ނ. މަނަދޫ އައު ނެރުނު ފުންކުރުމާއި ބޭރުތޮށި ލުމުގެ މަޝްރޫއުގެ އަމަލީ މަސައްކަތް ފެށުމަށްޓަކައި ޕްރޮޖެކްޓް ސައިޓް މޮބިލައިޒް ކުރުމަށް ބޭއްވި ރަސްމިއްޔާތުގެ ތެރެއިން
ރާއްޖެއެމްވީ
ނ. މަނަދޫގައި ހިންގާ މަޝްރޫއުތައް
ނ. މަނަދޫ އައު ނެރުނު ފުންކުރުމާއި ބޭރުތޮށި ލުމުގެ މަޝްރޫއުގެ އަމަލީ މަސައްކަތް ފެށުމަށް ތައްޔާރުވެއްޖެ
 
މި މަޝްރޫއު އަކީ 29.11 މިލިއަން ރުފިޔާގެ މަޝްރޫއެއް

ނ. މަނަދޫ އައު ނެރުނު ފުންކުރުމާއި ބޭރުތޮށި ލުމުގެ މަޝްރޫއުގެ އަމަލީ މަސައްކަތް ފެށުމަށްޓަކައި ޕްރޮޖެކްޓް ސައިޓް މޮބިލައިޒްކޮށްފިއެވެ.

ބުދަ ދުވަހު ޕްރޮޖެކްޓް ސައިޓް މޮބިލައިޒް ކުރުމަށް އެމްޓީސީސީން ބޭއްވި ހާއްސަ ރަސްމިއްޔާތުގައި ވާހަކަ ދައްކަވަމުން އެ ކުންފުނީގެ ސީއީއޯ އާދަމް އާޒިމް ވިދާޅުވީ އެމްޓީސީސީން މަސައްކަތް ނިންމަން ބުނާ ތާރީހެއް ކަމަށާއި އެމްޓީސީސީ އަކީ މޫސުމީ ކުންފުންޏެއް ނޫން ކަމަށެވެ. ސަރުކާރުން އިހްލާސްތެރިކަމާއެކު މަސައްކަތް ކުރަމުންދާ ކަމަށާއި ކޮންމެ ދުވަހަކީ ވެސް ރައްޔިތުން ތަރައްގީ ބޭނުންވާ ދުވަހެއް ކަަމަށާއި އެ އަމާޒަށް ވާސިލްވުމަށް މަސައްކަތް ކުރަމުންދާ ކަމަށް އާޒިމް ވިދާޅުވިއެވެ.

މަނަދޫއަށް ބޭނުންވާ މަސައްކަތް ނިންމާނެ ތާރިހަކީ އަންނަ އަހަރުގެ އޭޕްރިލް މަހު ކަމަށް ވެސް އާޒިމް ވިދާޅުވިއެވެ. ބަނދަރެއްގެ މަސައްކަތް ފަށައިގެން އެ މަސައްކަތް ދިގުދަންމަން މި ސަރުކާރުން ބޭނުން ނުވާ ކަމަށާއި އެމްޓީސީސީ އަކީ ރައްޔިތުންގެ ފައިސާ އިން ހިންގާ ކުންފުންޏެއް ކަމަށް އާޒިމް ވިދާޅުވިއެވެ. އެހެންކަމުން ރައްޔިތުން ބޭނުންވާ ތަރަައްގީ ގެނެސްދިނުމަކީ އެ ކުންފުނީގެ ޒިންމާއެއް ކަމަށް އާޒިމް ވިދާޅުވިއެވެ. އެމްޓީސީސީން މިހާރު 56 ޕްރޮޖެކްޓް ކުރިއަށް ގެންދާއިރު އެއްވެސް ޕްރޮޖެކްޓެއްގެ މަސައްކަތް ހުއްޓިފައި ނޯންނާނެ ކަމަށް އާޒިމް ވިދާޅުވިއެވެ.

ރަސްމިއްޔާތުގައި ވާހަކަ ދައްކަވަމުން މަނަދޫ ކައުންސިލްގެ ރައީސް މުހައްމަދު އުމަރު ވިދާޅުވީ މަނަދޫގެ ބަނދަރަކީ ޒަމާންވީ މައްސަލަތައް ދިމާވެފައިވާ ބަނދަރެއް ކަމަށާއި އެކަން ހައްލުކޮށްދިނުމަށް އެދި ވަރަށް ގިނަ ސަރުކާރުތަކުގައި އެދުނު ކަމަށެވެ. އެހެންނަމަވެސް މިއަދު މި ބަނދަރުގެ އަމަލީ މަސައްކަތް ފެށިގެން މިދިޔައީ މި ސަރުކާރުން ކަަމަށާއި އުންމީދަކީ މި ބަނދަރުގެ މަސައްކަތް އަވަހަށް ނިމިގެން ދިޔުން ކަމަށް އޭނާ ވިދާޅުވިއެވެ.

މި މަޝްރޫއުގެ ދަށުން 29،038 ކިއުބިކް މީޓަރުގެ ސަރަހައްދެއްގެ ބަނދަރު ފުންކުރުމާއި 290 މީޓަރު ސަރަހައްދެއްގައި ބޭރުތޮށި ލުމާއި 2 މީޓަރު 244 މީޓަރުގެ ބްރިޖެއް އެޅުމާއި ބަނދަރު ބައްތި އާއި ނެރު ބައްތި ހަރުކުުރުމުގެ މަސައްކަތް ހިމެނޭ ކަމަށް އެމްޓީސީސީން ބުންޏެވެ.

މި މަޝްރޫއު އަކީ 29.11 މިލިއަން ރުފިޔާގެ މަޝްރޫއަކަަށްވާއިރު މަޝްރޫއު ނިންމުމަށް ހަމަޖެހިފައިވަނީ 300 ދުވަހުގެ ތެރޭގައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ޙުސައިން މަޚްތޫމް
0%
0%
0%
0%
0%
0%
ކޮމެންޓް
ގުޅުންހުރި