މޫސުން ގޯސްވެ، ހއ. އަތޮޅުން ނ. އަތޮޅަށް ވައިޓް އެލަރޓް ނެރެފި

މޫސުން ގޯސްވެ، ހއ. އަތޮޅުން ނ. އަތޮޅަށް ވައިޓް އެލަރޓް ނެރެފިއެވެ.

މޫސުމާ ބެހޭ ގައުމީ އިދާރާއިން ވަނީ ބާރަށް ގުގުރާނެ ކަމަށް ލަފާކޮށް ހޮނިހިރު ދުވަހުގެ ހެނދުނު 10:10ން މެންދުރު 14:00ށް ހއ. އަތޮޅުން ނ. އަތޮޅަށް ވައިޓް އެލަރޓް ނެރެފައެވެ.

އެ އިދާރާއިން ބުނީ ދެކުނުގެ އެކިހިސާބަށް ވިއްސާރަކުރުމާއެކު އުތުރުގެ އަތޮޅުތަކަށް ކެރީގެ އަސަރު ފޯރުމާއެކު ގުގުރުން އެކަށީގެންވާ ކަމަށެވެ. އަދި އެންމެ ދެކުނުގެ އަތޮޅުތަކަށް ހުޅަނގާއި ހުޅަނގު އުތުރުން ގަޑިއަކު 5 މޭލާ 15 މޭލާ ދެމެދުގެ ބާރުމިނުގައި، އަދި އެހެން ހިސާބުތަކަށް ހުޅަނގު އުތުރާއި އުތުރުން ގަޑިއަކު 5 މޭލާއި 13 މޭލާ ދެމެދުގެ ބާރުމިނުގައި ވައިޖެހޭނެ ކަމަށް ވެސް މޫސުމާ ބެހޭ ގައުމީ އިދާރާއިން ބުނެއެވެ.

ކަނޑުތައް އާދައިގެ ވަރަކަށް މަޑުވާނެ ކަމަށް ލަފާކޮށް އެ އިދާރާއިން ބުނީ ރާޅުގެ އުސްމިނުގައި އެންމެ ދެކުނުގެ އަތޮޅުތަކަށް 3 ފޫޓާ 6 ފޫޓު އަދި އެހެން ހިސާބުތަކުގައި 1 ފޫޓާ 3 ފޫޓު ކހުންނާނެ ކަމަށް ލަފާކުރެވޭ ކަމަށެވެ.