އެސްޓަރަޒެނަކާ ވެކްސިން ޖެހުން ނެދަރލެންޑްގައި ހުއްޓާލައިފި
15 މާރިޗު 2021 | ހޯމަ 11:18އެސްޓްރަޒެނަކާގެ ވެކްސިން ޖެހުން އަށް ގައުމަކުންވަނީ އެއްކޮށް ހުއްޓާލައިފައި
އޮކްސްފޯޑް އަދި އެސްޓްރަޒެނެކާ ވެކްސިން
ލޭ ގަނޑުވުމުގެ ކަންބޮޑުވުމާއެކު ނެދަރލެންޑުންވެސް އެސްޓަރަޒެނަކާ ވެކްސިން ޖެހުން ހުއްޓާލައިފިއެވެ. އިނގިރޭސިވިލާތުގެ އެސްޓްރަޒެނަކާއިން އުފައްދާފައިވާ ކޯވިޑް-19 ވެކްސިންގެ ސަބަބުން ލޭ ގަނޑުވުމުގެ ފުރުސަތު އެބައޮތްކަމުގެ ކަންބޮޑުވުން ފާޅުކޮށް ނެދަރލެންޑުން މި ވެކްސިން ޖެހުން ހުއްޓާލައިފިއެވެ.
އެސްޓްރަޒެނަކާގެ ވެކްސިންގެ ސަބަބުން ލޭ ގަނޑުވުމުގެ މައްސަލަތައް ދިމާވާކަމަށް ބުނެ މިހާތަނަށް އަށް ގައުމަކުންވަނީ ވެކްސިންޖެހުން އެއްކޮށް ހުއްޓާލައިފައެވެ.
ނަމަވެސް ޔޫރަޕިއަން މެޑިސިންސް އޭޖެންސީއާއި ދުނިޔޭގެ ސިއްޙަތު ޖަމްއިއްޔާ ޑަބްލިއުއެޗުއޯއިންވަނީ އެ ހާދިސާތަކާއި ވެކްސިނާ ގުޅުމެއް އޮތްކަމުގެ ހެއްކެއް ފެނިފައި ނުވާކަމަށް ބުނެފައެވެ.
މިދިޔަހަފްތާގައި ޔޫރަޕާއި އިނގިރޭސިވިލާތުގައި ސަތާރަ މިލިއަނަށްވުރެ ގިނަ މީހުންނަށް އެސްޓްރަޒެންކާ ވެކްސިން ދީފައިވާއިރު، ލޭގަނޑުވުމުގެ މައްސަލަ ދިމާވެގެން ރިޕޯޓްކޮށްފައިވަނީ 40 ކޭސްކަމަށް އެސްޓްރަޒެންކާއިން ވަނީ ބުނެފައެވެ.
ޔޫރަޕިއަން މެޑިކަލް އެޖެންސީން އަންނަނީ މިކަން އިތުރަށް ދިރާސާ ކުރަމުންނެވެ.
