ކ. މާލެ
|
14 މާރޗް 2021 | އާދީއްތަ 12:33
މާލޭގައި ހިންގާ ކެފޭ ރެސްޓޯރެންޓް
މާލޭގައި ހިންގާ ކެފޭ ރެސްޓޯރެންޓް
ރާއްޖެއެމްވީ
ކެފޭތަކުން ޚިދުމަތްދޭ ގަޑި
ކާބޯތަކެތީގެ ޚިދުމަތްދޭ ތަންތަނުގައި އަޅާފައިވާ ފިޔަވަޅުތައް އިތުރު އެއް ހަފްތާއަށް ދިގު ދަންމާލައިފި
 
ޑައިން ކުރެވޭނީ ރޭގަނޑު 8:00 އާ ހަމައަށް
 
ޓޭކްއަވޭ އަދި ޑެލިވަރީގެ ޚިދުމަތް ދެވޭނީ ރޭގަނޑު 10:30 އާ ހަމައަށް

ކާބޯތަކެތީގެ ޚިދުމަތްދޭ ތަންތަނުގައި އަޅާފައިވާ ފިޔަވަޅުތައް އިތުރު އެއް ހަފްތާއަށް ދިގު ދަންމާލައިފިއެވެ.

މާލެ ސަރަހައްދުގެ ކާބޯތަކެތީގެ ޚިދުމަތްދޭ ތަންތަނުން ޑައިންކުރެވޭ ގަޑިއަށާއި، ޓޭކްއަވޭ އަދި ޑެލިވަރީގެ ގަޑިތަކަށް ބަދަލު ގެނެސްފައިވަނީ މިދިޔަ މަހުގެ 27 ވަނަ ދުވަހުއެވެ. އެގޮތުން ދިވެހިރާއްޖޭގައި ކޮވިޑް-19 ފެތުރުން ކޮންޓްރޯލްކޮށް، އާންމު ރައްޔިތުންގެ ޞިއްޙަތާއި ރައްކާތެރި ކަމަށްޓަކައި، ޢާންމު ޞިއްޙަތު ރައްކާތެރިކުރުމުގެ ޤާނޫނުގެ ދަށުން އަޅަންޖެހޭ ޚާއްޞަ ފިޔަވަޅުތައް އެޅުމަށް މަގުފަހިކުރުމުގެ ގޮތުން، ކާބޯތަކެތީގެ ޚިދުމަތް ދޭ ތަންނުން ޚިދުމަތްދޭ ގަޑިތަކަށް ބަދަލު ގެންނަން ނިންމާފައިވާ ކަމަށް ހެލްތް ޕްރޮޓެކްޝަން އެޖެންސީ އިން ވަނީ ބުނެފައެވެ.

އޭރު އެޅި ފިޔަވަޅުގެ ދަށުން މާލެއާއި، ހުޅުމާލެއާއި، ވިލިނގިއްޔާއި، ތިލަފުށްޓާއި، ގުޅީފަޅުގައި ހިންގާ ކެފޭ، ހޮޓާ، ރެސްޓޯރަންޓް ފަދަ، އާންމުންނަށް ކާބޯތަކެތީގެ ޚިދުމަތް ދޭ އެންމެހައި ތަންތަނުން، ޓޭކް އަވޭއާއި ޑެލިވަރީގެ ޚިދުމަތް ފިޔަވައި އެހެނިހެން ޚިދުމަތް ދިނުން ރޭގަނޑު 8:00ން ފެށިގެން ހުއްޓައިލުމަށް ވަނީ އަންގާފައެވެ. އަދި ޓޭކް އަވޭއާއި ޑެލިވަރީގެ ޚިދުމަތްތައް ވެސް ރޭގަނޑު 10:30ން ފެށިގެން ހުއްޓައިލުމަށް އެންގި އެންގުން ވަނީ އިތުރު އެއްހަފްތާއަށް ދިގު ދަންމާލާފައެވެ.

މި ފިޔަވަޅު ތަންފީޛުކޮށް، އެ ފިޔަވަޅު ފުރިހަމައަށް ޢަމަލުކުރުމަށް، އެންމެހައި އިދާރާތަކަށާއި ފަރާތްތަކަށް އަންގާފައިވެއެވެ. އަދި، މި އެންގުމާ ގުޅިގެން ދައުލަތުގެ ކަމާބެހޭ މުއައްސަސާތަކުން އަދާކުރަންޖެހޭ ޒިންމާތައް އަދާކުރުމުގެ ގޮތުން އަޅާ ފިޔަވަޅުތަކާއި ދޭ އިރުޝާދުތަކާ އެއްގޮތަށް ޢަމަލުކުރުމަށް ވެސް އެޗްޕީއޭ އިން ވަނީ އަންގާފައެވެ.

ފެބްރުއަރީ މަހުގެ 12 ވަނަ ދުވަހުން ފެށިގެން އިރުއޮއްސި 6:00ން ހެނދުނު 6:00ށް މާލެ ސަރަހައްދުގައި އެއްގަމު އުޅަނދު ދުއްވުން މަނާކޮށްފައިވާ އިރު، ރޭގަނޑު 11:00ން ފެށިގެން ފަތިހު 4:30ށް މާލެ ސަރަހައްދުގައި ކާފިއު ހިންގަން ވަނީ ފަށާފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ނަހްދާ އާދަމް
0%
0%
0%
100%
0%
0%
ކޮމެންޓް