މުޅި ދުނިޔެއަށް މަޝްހޫރު ކޮފީ ބްރޭންޑެއް ކަމަށްވާ ދަ ކޮފީ ބީން އެންޑް ޓީ ލީފް އިން ރާއްޖޭގައި ހުޅުވާ ފުރަތަމަ ކެފޭ އާދިއްތަ ދުވަހު ހުޅުވައިފި އެވެ.

ހުޅުމާލެ ފޭސް 1 ގެ ބީޗް ފްރަންޓުގައި ހުންނަ މި ކެފޭއިން ކޮފީ ބީން އެންޑް ޓީ ލީފް ގެ ޚާއްސަ ބުއިންތައް ތަޖުރިބާ ކޮށްލުމުގެ ފުރުސަތު ލިބިގެންދާނެ އެވެ. ދަ ކޮފީ ބީން އެންޑް ޓީ ލީފް ރާއްޖޭގައި ތައާރަފް ކުރުމަށް މަގުފަހިވެގެން ދިޔައީ ރާއްޖޭގައި ވިޔަފާރިކުރާ ކުންފުންޏެއް ކަމަށްވާ ވޯޓަރސްކޭޕް އިންވެސްޓްމަންޓް ޕްރައިވެޓް ލިމިޓެޑް މެދުވެރިކޮށެވެ.

ދަ ކޮފީ ބީން އެންޑް ޓީ ލީފްގެ ޗީފް އެގްޒެކެޓިވް އޮފިސަރ މިސްޓަރ ޕެޕަޓް މިންޔަނާ ވިދާޅުވި ގޮތުގައި ވޯޓާރްސްކޭޕް އިންވެސްޓްމަންޓްސް ޕްރައިވެޓް ލިމިޓެޑް އާއެކު ގުޅުމަކީ ދަ ކޮފީ ބީން އެންޑް ޓީ ލީފް އަށް ލިބުނު މުހިންމު މައިލްސްޓޯނެކެވެ. އަދި ވޯޓަރސްކޭޕް އިންވެސްޓްމަންޓް އާއެކުގައި ދިވެހިންނަށް ކަމުދާނެ ހިއްގައިމު ތަނެއް ހެދޭނެކަމުގެ ޔަގީންކަން އޮތް ކަމަށާއި އެ ތަނުގައި ތައްޔާރުކުރާ ބުއިންތަކަކީ ދަ ކޮފީ ބީން އެންޑް ޓީ ލީފް އިން އެތައް އަހަރެއްގެ ތަޖުރިބާ އާއެކު ފުރިހަމަކަން ގެނެސްފައިވާ ބާވަތް ތަކެއްކަމަށް އޭނާ ވިދާޅުވި އެވެ.

ހުޅުމާލެ ފޭސް 1 ގައި ހުޅުވިގެންދިޔަ ދަ ކޮފީ ބީން އެންޑް ޓީ ލީފް ވެގެންދާނީ ވަރަށްވެސް ހިތްގައިމު މަންޒިލަކަށެވެ. މި ބްރޭންޑްގެ ބުއިންތައް ތައްޔާރުކުރަނީ ދުނިޔޭގެ އެންމެ ފެންވަރު ރަނގަޅު ފާމްތަކުގެ ތެރެއިން ކަނޑައެޅިފައިވާ ފާމްތަކަކުން ނަގާފައިވާ ޕްރިމިއަމް އިންގްރީޑިއަންޓްސް ބޭނުންކޮށްގެންނެވެ.

މީގެ އިތުރުން ކަސްޓަމަރުންނަށް ޕޭސްޓްރީޒް، ސޭންޑްވިޗް، ކޭކު އަދި ބްރައުނީޒް ފަދަ ކާނާވެސް މިތަނުން ލިބެން ހުންނާނެއެވެ. އަދި މުޅިން ހާއްސަ ބުއިމެއްކަމަށްވާ އައިސް ބްލެންޑެޑް ބުއިންތައްވެސް އެތަނުން މިހާރު ލިބެން ހުންނާނެ އެވެ.

ދަ ކޮފީ ބީން އެންޑް ޓީ ލީފް ގެ ލެގަސީ ބިނާ ކުރެވިފައިވަނީ ދުނިޔޭގެ އެންމެ ފެންވަރު ރަނގަޅު ތަކެތި ސޯސްކުރުމަށް ހާއްސަކޮށްގެންނެވެ. އަދި މި ބްރޭންޑުގެ ސައި ސޯސްކުރުމަށްޓަކައި ސްރީލަންކާ، ޗައިނާ ތައިލަންޑް އަދި ޖަޕާނުގެ ފެމިލީ-އޯންޑް ސްޓޭޓުތަކާއި ގުލިގެން އެތަންތަނުން އެންމެ ރަނގަޅު ސައިފަތް ހޭންޑް ޕިކް އަދި ހޭންޑް ބްލެންޑް ކޮށް ތައްޔާރުކުރުމުން މި ބްރޭންޑުގެ ކޮންމެ ސަޔަކަށް ތާޒާކަމާއި އެކު ވަރަށް ހާއްސަ ސިފަތަކެއް ގެނެސްދެއެވެ.

ދަ ކޮފީ ބީން އެންޑް ޓީ ލީފް އިން ހުޅުވި ފުރަތަމަ ކެފޭ ހުންނާނީ ހުޅުމާލެ ފޭސް 1 ގައި، ހިރުނދު މަގުގެ ލޮޓް 10376 ގައެވެ.