ކ. މާލެ
|
7 އޯގަސްޓް 2021 | ހޮނިހިރު 18:14
މި ނިންމުމަށް އަމަލުކުރަން ފަށާނީ ސެޕްޓެމްބަރު އެއްވަނަ ދުވަހުން ފެށިގެން
މި ނިންމުމަށް އަމަލުކުރަން ފަށާނީ ސެޕްޓެމްބަރު އެއްވަނަ ދުވަހުން ފެށިގެން
ރާއްޖެއެމްވީ
ވެކްސިން ނުޖަހާ މީހުން
ވެކްސިން ނުޖަހާ މީހުންނަށް ކެފޭ ރެސްޓޯރެންޓުތަކުގެ ދޮރު ބަންދު!
 
އޮގަސްޓު މަސް ނިމުމުގެ ކުރިން ރާއްޖޭގެ އާބާދީގެ 90 އިންސައްތަ މީހުންނަކީ ވެކްސިން ފުރިހަމަކޮށްފައިވާ މީހުންނަށް ހެދުމަށް ސަރުކާރުން ވަނީ އަމާޒު ހިފާފައި

ވެކްސިންގެ އެއްވެސް ޑޯޒެއް ނުޖަހާ ތިބި މީހުންނަށް ކެފޭ ރެސްޓޯރެންޓުތަކުން ހިދުމަތް ނުދިނުމަށް ސަރުކާރުން ނިންމައިފިއެވެ.

ރާއްޖެއެމްވީއަށް "ސަރުކާރުގެ އޮފިޝަލަކު" ވިދާޅުވީ ސަރުކާރުން މި ނިންމުމަށް އަމަލުކުރަން ފަށާނީ ސެޕްޓެމްބަރު އެއްވަނަ ދުވަހުން ފެށިގެން ކަމަށެވެ. އަދި މި ނިންމުމާއި ގުޅިގެން ސަރުކާރުން އިތުރު އެއްޗެއް ހާމަކޮށްފައެއް ނުވެއެވެ. ވެކްސިންގެ އެއްވެސް ޑޯޒްއެއް ނުޖަހާ މީހުންނަށް ކެފޭ ރެސްޓޯރަންޓްތަކުގެ އެތެރޭގައި ޚިދުމަތް ދިނުން މަނާކުރުމަށް ނިންމާފައިވީނަމަވެސް ވެކްސިންގެ އެއްވެސް ޑޯޒެއް ނުޖަހާ މީހުންނަށް ޓޭކްއަވޭގެ ހިދުމަތް ލިބިގެންދާނެ ކަމަށް އޮފިޝަލް ވިދާޅުވިއެވެ.

ސަރުކާރުން މިގޮތަށް ނިންމާފައިވާއިރު މި ހިނގާ އޮގަސްޓު މަސް ނިމުމުގެ ކުރިން ރާއްޖޭގެ އާބާދީގެ 90 އިންސައްތަ މީހުންނަކީ ވެކްސިން ފުރިހަމަކޮށްފައިވާ މީހުންކަމުގައި ޔަގީންކުރުމަށް މިދިޔަ ޖުލައި މަހުގެ 31 ވަނަ ދުވަހު ވަނީ އަނެއްކާވެސް ވެކްސިން ކެމްޕޭނެއް ފަށާފައެވެ. ރާއްޖޭގެ އާބާދީގެ އެންމެންނަށް ވެކްސިން ޖެހޭ ވަރަށް ވެކްސިން ލިބިފައިވާކަމަށް ސަރުކާރުން ވަނީ ހާމަކޮށްފައެވެ.

ރާއްޖޭގައި ދިރިއުޅޭ އެންމެންނަށް ވެކްސިން ފުރިހަމަކުރެވޭ ވަރަށް ރާއްޖެއަށް މިހާރު ވެކްސިން ލިބިފައިވާ ކަމަށާއި، މި ފުރުސަތުގެ ބޭނުން އެންމެ ފުރިހަމައަށް ހިފައި، ބަލިން ރައްކާތެރިވެ ތިބުމަށް ވީހާވެސް އަވަހަށް ވެކްސިންގެ ދެ ޑޯޒް ފުރިހަމަކުރުން މުހިންމު ކަމަށް އެޗްޕީއޭއިން ބުނެފައިވެއެވެ. އެގޮތުން ސްކޫލްތަކުގެ މުވައްޒަފުންނާއި މުޅި ތައުލީމީ ދާއިރާގައި މަސައްކަތްކުރާ ހުރިހާ އެންމެން ވެކްސިން ފުރިހަމަ ކުރުމަށް ޚާއްސަ ކެމްޕެއިނެއް, އެޑިއުކޭޝަން މިނިސްޓްރީން އިސްނަގައިގެން ފަށާފައިވާއިރު، ސަރުކާރުގެ ވުޒާރާތަކުގުގައި މަސައްކަތްކުރާ މުވައްޒަފުން ވީހާވެސް އަވަހަކަށް ވެކްސިންގެ ޑޯޒްތައް ފުރިހަމަ ކުރުމަށް ރައީސުލްޖުމްހޫރިއްޔާ އިބްރާޙީމް މުޙައްމަދު ޞާލިޙް ވަނީ އެދިވަޑައިގެންފައެވެ.

ދާދި ފަހުން ބޭއްވި ނޫސްވެރިންގެ ބައްދަލުވުމުގައި ހެލްތު އެމަޖެންސީ އޮޕަރޭޝަން ސެންޓަރ (އެޗްއީއޯސީ)ގެ ތަރުޖަމާން ޑރ. ނަޒްލާ ރަފީޤު ވަނީ އަދިވެސް އެންމެ ބޭނުންވާ ވަރަށް މީހުން ވެކްސިން ޖަހަން ނާންނަ ކަމަށް ވިދާޅުވެ އެކަމުގެ ކަންބޮޑުވުން ފާޅުކުރައްވާފައެވެ. ވެކްސިން ޖެހުމުގައި ދަތިވާނަމަ އަދި އިތުރު އެހީ ބޭނުންވާނަމަ އެ އެހީތެރިކަން ފޯރުކޮށްދޭނެ ކަމަށް އެޗްޕީއޭއިން ބުނެފައިވެއެވެ.

ރާއްޖޭގެ ކޮވިޑުގެ ހާލަތު ރަނގަޅުވުމާއި ގުޅިގެން ސަރުކާރުން ވަނީ ލުއިތައް ވެސް ދޭން ފަށާފައެވެ. އެގޮތުން ކާބޯތަކެތީގެ ޚިދުމަތްދޭ ތަންތަން ދަންވަރު 1:00 ޖަހަންދެން ހުޅުވައިފައި ބެހެއްޓޭ ގޮތަށް ވަނީ ކަނޑައަޅާފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އިމާދު ލަތީފް
6%
25%
6%
63%
0%
0%
ކޮމެންޓް
8 އޯގަސްޓް 2021 | އާދީއްތަ 09:39
ޅޮލް
މަޖުބޫރެއް ނުކުރެވޭނެ!
8 އޯގަސްޓް 2021 | އާދީއްތަ 08:35
ޓަކި މޫނާ
ތިއިން އެއްވެސް ވެކްސިން އަކުން ނެތް ސާބިތުކޮއްދެވިފައެއް ކޮވިޑް ޖެހުމުން ރައްކާތެރި ކޮއްދޭ ކަމެއް. ތިވަރު އެއްޗެއް ޖެހުން މަޖުބޫރު ކުރެވިގެން ނުވާނެ. އިންޑިޔާގެ ގެރިގުއި ވެކްސިނެއް މަށެއް ނުޖަހާނަން.
8 އޯގަސްޓް 2021 | އާދީއްތަ 06:38
ހެއްރަބެ
ވެކްސިން ޖެހުމަކީ ރައްޔިރުންނަށް ބޮޑު ތަކްލީފަކަށް ނުވާގޮތަށް ކަންކަން ރޭވިފަ އޮންނަ ނަމަ ރައްޔިތުން ހިތުން ރުހުމުން ގޮސް އަވަހަށް ވެކްސިން ފުރިހަމަ ކުރާނެ!!! ވެކްސިން ޖެހުމަކީ ކޮންމެހެން ރައްޔިތުންނަށް ބިރުދައްކައިގެން ކުރާ ކަމަކަށް ހެދުމަކީ ނާތަހްޒީބް ކަމެއް!!!