ޗައިނީޒް ނިއު އިޔަރ އާއި ދިމާކޮށް ބީބީ ރަނާސްއިން ދުވުމެއް ކުރިޔަށް ގެންގޮސްފިއެވެ.

ބީބީ ރަނާސްއިން ބުނީ މި ދުވުމުގައި 12 ދުވުންތެރިން ބައިވެރިވެފައިވާ ކަމަށާއި، ހުރިހާ ދުވުންތެރިންވެސް ދުވުން ފުރިހަމަ ކޮށްފައިވާ ކަމަށެވެ. އަދި މި ދުވުމަކީ ހާފް މެރެތަނަށް ކުރިޔަށް ގެންގޮސްފައިވާ ދުވުމެއްކަމަށް ބީބީ ރަނާސްއިން ބުނެއެވެ.

ބީބީ ރަނާސްއިން ބުނީ އެ ޖަމިއްޔާގެ މަގުސަދަކީ އުމުރުން ދުވަސްވީ މީހުން ދުވުމާއި ކަސްރަތު ކުރުމަށް ހޭލުންތެރިކޮށް ދުވުމާއި ކަސްރަތުގެ ތެރެއަށް ނެރެދިނުން ކަމަށެވެ.

މީގެ ތިން އަހަރު ކުރިން ބީބީ ރަނާސްއިން ވުޖޫދަށް އައިއިރު، އެ ޖަމިއްޔާގެ މަގުސަދު ވަރަށް ބޮޑަށް ހާސިލުވަމުން އަންނަ ކަމަށް ބުނެއެވެ. އެގޮތުން މީގެ ކުރިން ބީބީ ރަނާސްއިން ވަނީ ލ. އަތޮޅުގައި ދުވުންތެރިން ތަމްރީނުކުރުމުގެ ޕްރޮގްރާމެއް ބާއްވާފައެވެ. އެ ޕްރޮގްރާމުގައި 300 އެއްހާ މީހުން ބައިވެރިވެފައިވާއިރު، ކޮވިޑުގެ ހާލަތުން އަރައިގަނެވުމާއިއެކު ބީބީ ރަނާސްގެ މަސައްކަތް މުޅި ރާއްޖެއަށް ފުޅާ ކުރުމަށް ނިންމާފައިވާ ކަމަށް ބުނެއެވެ.