ބާންސްލީ ބަލިކޮށް ޗެލްސީ ކުއާޓާއަށް
12 ފެބުރުއަރީ 2021 | ހުކުރު 05:52ބާންސްލީ އަތުން ޗެލްސީ މޮޅުވީ 1-0 ގެ ނަތީޖާއަކުން
ބާންސްލީ އާއި ޗެލްސީ ބައްދަލުކުރި މެޗުގެ ތެރެއިން: މި މެޗުން ޗެލްސީ މޮޅުވީ 1-0 ން
ބުރާސްފަތި ދުވަހުގެރޭ ބާންސްލީ ބަލިކޮށް އިނގިރޭސި އެފްއޭ ކަޕުގެ ކުއާޓާފައިނަލަށް ޗެލްސީ ދަތުރުކޮށްފިއެވެ.
ރަށުން ބޭރުގައި ކުޅުނު މެޗުން ޗެލްސީ މޮޅުވީ 1-0 ގެ ނަތީޖާއަކުންނެވެ.
މި މެޗުން ޗެލްސީ މޮޅުވި ނަމަވެސް، އިނގިރޭސި ދެވަނަ ޑިވިޝަން (އީއެފްއެލް ޗެމްޕިއަންޝިޕް) ގައި ހިމެނޭ ބާންސްލީން ވަނީ މެޗުގައި މޮޅު ކުޅުމެއް ދައްކާފައެވެ. އެގޮތުން ބާންސްލީން މެޗުގައި ގިނަ ހަމަލާތަކެއް އުފެއްދިއިރު، ޗެލްސީގެ ގޯލު ބެލެހެއްޓި ކެޕާ އަރިއްޒަބަލާގާ ވަނީ އެ ހަމަލާތައް ހުއްޓުވާފައެވެ.
މި މެޗުގައި ފެނިގެންދިޔަ ހަމައެކަނި ލަނޑު ޗެލްސީން ކާމިޔާބުކޮށްފައިވަނީ މެޗުގެ 64 ވަނަ މިނެޓުގައެވެ. މި ލަނޑު އެ ޓީމަށް ކާމިޔާބުކޮށްދިނީ ޒުވާން ފޯވާޑް ޓެމީ އަބްރަހަމެވެ.
މި މޮޅާއެކު ޗެލްސީ ކުއާޓާއަށް ދަތުރުކުރިއިރު، ބުރާސްފަތި ދުވަހުގެރޭ ސައުތެމްޓަނުން ވަނީ 2-0 ގެ ނަތީޖާއަކުން ވުލްވްސް ބަލިކޮށް ކުއާޓާގެ ޖާގައެއް ކަށަވަރުކޮށްފައެވެ. މި މެޗުތަކަށްފަހު އެފްއޭ ކަޕުގެ ކުއާޓާގެ ގުރުއަތުލުން ބުރާސްފަތި ދުވަހުގެރޭ ކުރިއަށް ގެންދިޔައިރު، ކުއާޓާގެ މެޗުތައް ކުޅުމަށް ތާވަލުކޮށްފައިވަނީ އަންނަ މާޗު މަހުގެ 20 ވަނަ ދުވަހުއެވެ.
އެފްއޭ ކަޕުގެ ކުއާޓާފައިނަލް މެޗުތައް:
