ޔުނިވަރސަލުން އައިޖީއެމްއެޗަށް އެމްބިއުލާންސެއް ހަދިޔާކޮށްފި
9 ފެބުރުއަރީ 2021 | އަންގާރަ 08:22މީގެ ސަބަބުން އިމަރޖެންސީ ހާލަތްތަކުގައި އިތުރަށް ފަސޭހަވެގެން ދާނެ ކަމަށް ވެސް އައިޖީއެމްއެޗުން ބުނޭ
ޔުނިވަރސަލް އެންޓަރޕްރައިސަސްގެ ފަރާތުން ހަދިޔާކުރި އެމްބިއުލާންސް
ރާއްޖޭގެ ފަތުރުވެރިކަމުގެ ދާއިރާގައި އެންމެ ދުވަސްވީ އެއް ކުންފުނި ޔުނިވަރސަލް އެންޓަރޕްރައިސަސްގެ ފަރާތުން އިންދިރާ ގާނދީ މެމޯރިއަލް ހޮސްޕިޓަލް (އައިޖީއެމްއެޗް)ށް އެމްބިއުލާންސެއް ހަދިޔާކޮށްފިއެވެ.
މިކަން ފާހަގަކޮށް އައިޖީއެމްއެޗުން ވަނީ ޔުނިވަރސަލް އެންޓަރޕްރައިސަސްއަށް ޝުކުރުއަދާކޮށްފައެވެ. އަދި މީގެ ސަބަބުން އިމަރޖެންސީ ހާލަތްތަކުގައި އިތުރަށް ފަސޭހަވެގެން ދާނެ ކަމަށް ވެސް އައިޖީއެމްއެޗުން ބުނެއެވެ.
ކޮވިޑް-19ގެ ހާލަތާއެކު ޔުނިވަރސަލް އެންޓަރޕްރައިސަސްގެ ފަރާތުން ތަފާތު އެކި އެހީތައް ލިބެމުން ދާއިރު ރާއްޖޭގައި ކޮވިޑް-19 އަށް ޓެސްޓްކުރުން އިތުރަށް ހަރުދަނާކުރުމުގެ މަސައްކަތަށް އެހީތެރިވުމުގެ ގޮތުން ޔުނިވަރސަލްގެ ފަރާތުން އައިޖީއެމްއެޗަށް ޕީސީއާރު ދެ މެޝިން ވެސް މީގެ ކުރިން ވަނީ ހަދިޔާ ކޮށްފައެވެ.
އަދި ލެބޯޓްރީ ޓެސްޓު ކުރުން އިތުރަށް ހަރުދަނާކުރުމަށް އެހީތެރިވުމުގެ ގޮތުން ޔުނިވަރސަލް އެންޓަޕްރައިސަސްގެ ފަރާތުން މީގެ ކުރިން 30،000ށްވުރެ ގިނަ ޓެސްޓް ކިޓް ހެލްތް މިނިސްޓްރީއަށް ހަދިޔާ ކޮށްފައިވެއެވެ.
