ކޮވިޑް-19 އަށް އިތުރު 105 މީހުން ޕޮޒިޓިވްވެ، އެކްޓިވް ކޭސްތަކުގެ އަދަދު 1،644ށް!
31 ޖެނުއަރީ 2021 | އާދީއްތަ 17:57ރާއްޖެއިން މި ބަލީގައި 52 މީހަކު ވަނީ ނިޔާވެފައި
ކޮވިޑް-19ގެ ރޭންޑަމް ސާމްޕަލިންގ ނަގަމުން ދަނިކޮށް
ރާއްޖެއިން ކޮވިޑް-19 އަށް އިތުރު 105 މީހުން ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނެފިއެވެ.
އެޗްޕީއޭއިން އެންމެ ފަހުން އާންމުކުރި ތަފާސް ހިސާބުތައް ދައްކާ ގޮތުން ހޮނިހިރު ދުވަހުގެ ހަވީރު 06:00 އިން ފެށިގެން އާދީއްތަ ދުވަހުގެ ހަވީރު 06:00 އާއި ހަމައަށް 2،600 މީހުންގެ ސާމްޕަލް ވަނީ ނަގައިފައެވެ. އަދި އޭގެ ތެރެއިން 105 މީހަކު ކޮވިޑަށް ޕޮޒިޓިވްވެފައިވާއިރު ޕޮޒިޓިވްވި މީހުންގެ ތެރެއިން 88 މީހުންނަކީ މާލެއިން ޕޮޒިޓިވްވި މީހުންނެވެ.
އެޗްޕީއޭގެ ތަފާސް ހިސާބުތައް ދައްކާ ގޮތުން އަތޮޅު ތެރެއިން ޕޮޒިޓިވްވެފައިވަނީ 4 މީހެކެވެ. އަދި ރިސޯޓުތަކުން 12 މީހަކު ޕޮޒިޓިވްވެފައިވާއިރު، ރާއްޖެއިން ބޭރުން އެކަކު ވަނީ ކޮވިޑަށް ޕޮޒިޓިވްވެފައެވެ.
އެޗްޕީއޭގެ ތަފާސް ހިސާބުތައް ދައްކާ ގޮތުން އާދީއްތަ ދުވަހު ވަނީ ކޮވިޑްގެ ބަލި ޖެހިގެން ރާއްޖެއިން މީހަކު ނިޔާވެފައެވެ. އެއާއިއެކު ރާއްޖެއިން މިބަލީގައި ނިޔާވި މީހުންގެ އަދަދު ވަނީ 52ށް އަރައިފައެވެ.
އިތުރު 105 މީހުން ކޮވިޑަށް ޕޮޒިޓިވްވުމާއިއެކު ރާއްޖެއިން ޕޮޒިޓިވްވި މީހުންގެ އަދަދު ވަނީ 15،841 ށް އަރައިފައެވެ. އަދި އެކްޓިވް ކޭސްތަކުގެ އަދަދު 1،644 ކަށް އަރާފައިވާއިރު 163 މީހަކަށް ހޮސްޕިޓަލުގައި އެޑްމިޓްކޮށްގެން އަންނަނީ ފަރުވާ ދެމުންނެވެ. އަދި މިހާތަނަށް 14،139 މީހަކު ވަނީ ބަލިން ފަސޭހަވެފައެވެ.
