ތިން ރަށެއްގައި އިމާރާތްކުރާ ހައުސިން ޔުނިޓްގެ މަޝްރޫޢުއަށް ބީލަން ހުށަހެޅުމުގެ ފުރުސަތު ހުޅުވާލައިފި
28 ޖެނުއަރީ 2021 | ބުރާސްފަތި 02:45ބިޑް ސެކިޔުރިޓީ ގޮތުގައި 368,000.00 ރުފިޔާ ބަހައްޓަން ޖެހޭ
އައްޑޫ ސިޓީގައި ގާއިމްކޮށްފައިވާ ހައުސިން ޔުނިޓްތައް
ތ.ވިލުފުށި، ހދ. ކުޅުދުއްފުށި އަދި ހދ.ހަނިމާދޫގައި އިމާރާތްކުރާ ހައުސިން ޔުނިޓްގެ މަޝްރޫޢުއަށް ބީލަން ހުށަހެޅުމުގެ ފުރުސަތު ހުޅުވާލައިފިއެވެ.
ފިނޭންސް މިނިސްޓްރީން ބުނީ ވިލުފުށީގައި އިމާރާތް ކުރަން ފަށާފައިވާ 64 ހައުސިންގ ޔުނިޓް ނިންމުމުގެ މަސައްކަތާއި އަލަށް އިމާރާތްކުރާ 36 ހައުސިންގ ޔުނިޓް ޑިޒައިން އެންޑް ބިލްޑް އުސޫލުން ގާއިމުކުރުމުގެ މަސައްކަތް ކުރަން ބޭނުންވާ ކަމަށެވެ. އަދި ކުޅުދުއްފުށީގައި އިމާރާތްކުރަން ފަށާފައިވާ 105 ހައުސިން ޔުނިޓު ނިންމުމުގެ މަސައްކަތުގެ އިތުރުން ހަނިމާދޫގައި އިމާރާތްކުރަން ފަށާފައިވާ 100 ހައުސިން ޔުނިޓު ނިންމުމުގެ މަސައްކަތް ކުރަން ބޭނުންވާ ކަމަށެވެ.
ފިނޭންސް މިނިސްޓްރީން ބުނީ ބިޑް ސެކިޔުރިޓީ އަދަދު ދިވެހި ރުފިޔާއިން ނުވަތަ އެއަދަދާ އެއްވަރުގެ އަދަދެއްގެ ޔޫ.އެސް.ޑޮލަރު 368,000.00 ރުފިޔާ ބަހައްޓަން ޖެހޭ ކަމަށެވެ.
މި ބީލަންތަކުގައި ބައިވެރިވެވޭނީ މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ "އިމާރާތްކުރުމުގެ އަމަލީ މަސައްކަތް ކުރާފަރާތްތަކުގެ ގަވާއިދު" ގައިވާ ގޮތުގެ މަތީން ރަޖިސްޓަރީވެފައިވާ ފަރާތްތަކަށެވެ. އަދި ރާއްޖެއިން ބޭރު ކުންފުނިތަކުން ބީލަން ހުށަހެޅުމުގެ ކުރިން، ފޮރިން ޑައިރެކްޓް އިންވެސްޓްމަންޓް ޕޮލިސީ އަދި ރާއްޖޭގައި ކުރާ ފޮރިން އިންވެސްޓްމަންޓާ ބެހޭ މަޢުލޫމާތު ހޯދުމަށް މިނިސްޓްރީން އެދިފައިވެއެވެ.
ފިނޭންސް މިނިސްޓްރީން ބުނީ ބީލަންތަކުގައި ބައިވެރިވުމަށް 1500 ރުފިޔާގެ ނޮން-ރިފަންޑަބަލް ރަޖިސްޓްރޭޝަން ފީއެއް ދައްކަންޖެހޭ ކަމަށާއި، ފައިސާ ބަލައިގަންނާނީ 28 ޖަނަވަރީ 2021ން 14 ފެބުރުވަރީ 2021ށް، އޮންލައިން ޕޭމަންޓް ޕޯޓަލް - ބަނޑޭރި ޕޭ (https://bandeyripay.finance.gov.mv) މެދުވެރި ކޮށެވެ.
ފިނޭންސް މިނިސްޓްރީން ބުނީ އެއްވެސް ސުވާލެއް އޮތްނަމަ 7 ފެބުރުވަރީ 2021 ވާ އާދިއްތަ ދުވަހުގެ 13:00ގެ ކުރިން އީމެއިލް ކުރަން ޖެހޭ ކަމަށެވެ. އަދި ބީލަން ހުޅުވުން އޮންނާނީ 15 ފެބުރުވަރީ 2021 ވާ ހޯމަ ދުވަހުގެ 11:00 ގައި މިނިސްޓްރީގެ ނެޝަނަލް ޓެންޑަރގެ ޖަލްސާކުރާ މާލަމުގައެވެ.
