އެމެރިކާގެ 11.1 މިލިއަން މީހުންގެ ގަޔަށް ކޮވިޑް ވެކްސިން ޖަހައިފި
14 ޖެނުއަރީ 2021 | ބުރާސްފަތި 23:50ވެކްސިން ޖަހާފައިވަނީ 11،148،991 މީހުންނަށް
އެމެރިކާގެ ފްލޮރިޑާގައި ފައިޒަރގެ ކޮވިޑް ވެކްސިން މީހެއްގެ ގަޔަށް ޖަހަނީ
އެމެރިކާގެ 11.1 މިލިއަން މީހުން ގަޔަށް ބުރާސްފަތި ދުވަހާ ހަމައަށް އައިއިރު ވެކްސިން ޖަހާފައިވާ ކަމަށް އެގައުމުގެ ސެންޓަރ ފޮރ ޑިޒީސް ކޮންޓްރޯލް އެންޑް ޕްރިވެންޝަން އިން ބުނެފިއެވެ.
ސީޑީސީން ބުނީ ބުރާސްފަތި ދުވަހުގެ ހެނދުނާ ހަމައަށް އެމެރިކާގެ އެކި ހިސާބުތަކަށް 30،628،175 (ތިރީސް މިލިއަން ހަ ލައްކަ އަށާވީސް ހާސް ސަތޭކަ ހަތްދިހަ ފަސް)ޑޯޒް ފޯރުކޮށްދީފައިވާ ކަމަށެވެ.
ވެކްސިން ޖަހާފައިވާ 11،148،991(އެގާރަ މިލިއަން އެއްލައްކަ ސާޅީސްއަށް ހާސް ނުވަސަތޭކަ ނުވަދިހަ އެއް) މީހުންނަކީ އެމެރިކާގައި ޖަހަމުންދާ ފައިޒަރ އަދި މޮޑާނާގެ ވެކްސިންގެ ފުރަތަމަ ޑޯޒް ޖަހާފައިވާ މީހުންނެވެ.
އެމެރިކާ އަކީ ދުނިޔޭގައި އެންމެ ގިނަ އަދަދެއްގެ މީހުންނަށް ކޮވިޑް ޖެހި އަދި މަރުވެގެން ރިޕޯޓްކުރަމުން އަންނަ ގައުމެވެ. މިހާތަނަށް އައިއިރު އެގައުމުގެ 23 މިލިއަނަށް ވުރެ ގިނަ މީހުންނަށް ކޮވިޑް-19 ޖެހިފައިވާއިރު މިބަލީގައި މަރުވި މީހުންގެ އަދަދު 396،794ށް އަރައެވެ.
