ޔުނިވަރސިޓީ އޮފް ސުކުބާގެ 2021 ގެ ސްކޮލަރޝިޕްތަކަށް ކުރިމަތިލުމުގެ ފުރުސަތު ހުޅުވާލައިފި
11 ޖެނުއަރީ 2021 | ހޯމަ 03:12މި ސްކޮލަރޝިޕާއި ގުޅޭ އެންމެހާ މައުލޫމާތާއި ލިޔެކިޔުންތައް ޔުނިވަރސިޓީެ ވެބްސައިޓްއިން ލިބޭނެ
މޯލްޑިވްސް ނޭޝަނަލް ޔުނިވަރސިޓީ (އެމްއެންޔޫ) ގެ ދަސްވެނިވުމުގެ ރަސްމިއްޔާތެއްގެ ތެރެއިން
ޖަޕާންގެ ޔުނިވަރސިޓީ އޮފް ސުކުބާގެ 2021 ގެ ސްކޮލަރޝިޕްތަކަށް ކުރިމަތިލުމުގެ ފުރުސަތު ހުޅުވާލައިފިއެވެ.
ހަޔަރ އެޑިޔުކޭޝަން މިނިސްޓްރީން ބުނީ ޖަޕާންގެ ޔުނިވަރސިޓީ އޮފް ސުކުބާގައި "އިކޮނޮމިކްސް އެންޑް ޕަބްލިކް ޕޮލިސީ" ގެ ދާއިރާއިން މާސްޓަރސް އަށް ކިޔެވުމުގެ ފުރުސަތު ރާއްޖޭގެ ދަރިވަރުންނަށް ހުޅުވާލެވިފައިވާ ކަމަށް އެ ޔުނިވަރސީޓީން އަންގާފައިވާ ކަމަށެވެ.
މި ސްކޮލަރޝިޕް ފުރުސަތާއި ގުޅޭ އެންމެހާ މައުލޫމާތާއި ލިޔެކިޔުންތައް ޔުނިވަރސިޓީގެ ވެބްސައިޓްhttp://pepp.hass.tsukuba.ac.jp/ލިންކުން ލިބޭނެއެވެ.
މީގެ އިތުރުން ހަޔަރ އެޑިޔުކޭޝަނުން ބުނީ މި ސްކޮލަރޝިޕް ފުރުސަތަށް އެޕްލިކޭޝަން ހުށަހެޅުމަށް ދީފައިވާ އެންމެ ފަހު ތާރީޚަކީ 5 ފެބްރުއަރީ 2021ގެ ނިޔަލަށް ކަމަށެވެ. އެހެންކަމުން މި ސްކޮލަރޝިޕަށް ޝައުގުވެރިވާ ފަރާތްތަކުން އޮންލައިން އެޕްލިކޭޝަން ހުށަހެޅުމަށްދީފައިވާ ތާރީޚްގެ ކުރިން އެޕްލިކޭޝަން ހުށަހެޅުމަށް މިނިސްޓްރީން އެދިފައިވެއެވެ.
މިކޯސްތަކަށް ހޮވޭ ފަރާތްތަކުން، ކޯހުގައި ބައިވެރިވުމުގެ ކުރިން ކޯސް ހިންގާ އިންސްޓިޓިއުޓަކީ މޯލްޑިވްސް ކޮލިފިކޭޝަންސް އޮތޯރިޓީ (އެމްކިޔުއޭ) އިން ގަބޫލުކުރާ ޔުނިވަރސިޓީއެއްތޯއާއި، ހޮވިފައިވާ ކޯހަކީ އެމްކިޔުއޭ އިން ގަބޫލުކުރާ ކޯހެއްތޯ ކަށަވަރު ކުރުމަށް ވެސް މިނިސްޓްރީން އިލްތިމާސްކޮށްފައިވެއެވެ.
ބޭރުގެ ގައުމުތަކުން ރާއްޖެއަށް ގިނަ ސްކޮލަރޝިޕްގެ ފުރުސަތުތައް ލިބިމުންދާއިރު، މިހާރުވެސް ގިނަ އަދަދެއްގެ ދަރިވަރުން ދަނީ ބޭރުގެ ޔުނިވަރސިޓީތަކުގައި ތައުލީމު ހާސިލުކުރަމުންނެވެ. އަދި ތައުލީމު ހާސިލުކުރުމަށް ލޯނުތަކުގެ އެހީތެރިކަން ބޭނުންވާ ދަރިވަރުންނަށް އެފުރުސަތުތައް ވެސް ހަޔަރ އެޑިޔުކޭޝަނުން ދަނީ ފަހިކޮށްދެމުންނެވެ.
