އައު އަހަރުގެ ފުރަތަމަ ދުވަހު ޕޮޒިޓިވް ކޭސްތަކުގެ އަދަދު މައްޗަށް
1 ޖެނުއަރީ 2021 | ހުކުރު 17:42އަތޮޅު ތެރެއިން 2 މީހުން ޕްޒިޓިވް ވެފައިވޭ
އައު އަހަރުގެ ފުރަތަމަ ދުވަހު އާންމު ރައްޔިތުން މަގުތަކަށް ނުކުމެ
އައު އަހަރުގެ ފުރަތަމަ ދުވަހު ކޮވިޑް-19 އަށް ރާއްޖޭގައި ޕޮޒިޓިވް މީހުންގެ އަދަދު 47 އަށް އަރައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އާންމުކޮށްފައިވާ ތަފާސް ހިސާބުތަކަށް ބަލާއިރު ފާއިތުވި 24 ގަޑިއިރު މާލެ ސަރަހައްދުން ވަނީ 25 މީހުން ކޮވިޑަށް ޕޮޒިޓިވްވެފައެވެ. އަދި އަތޮޅު ތެރެއިން 2 މީހުން ޕްޒިޓިވް ވެފައިވާއިރު، ސަފާރީ ނުވަތަ ޔޮޓު ފަދަ އުޅަނދުތަކުން ވަނީ 17 މީހަކު ޕޮޒިޓިވްވެފައެވެ. މީގެ އިތުރުން ރިސޯޓްތަކުން ވަނީ 3 މީހުން ބައްޔަށް ޕޮޒިޓިވްވެފައެވެ.
ހެލްތު ޕްރޮޓެކްޝަން އޭޖެންސީން ބުނީ ބުރާސްފަތި ދުވަހު އިރުއޮއްސި 06:00 އިން ހުކުރުދުވަހު އިރުއޮއްސި 06:00 އާއި ހަމައަށް 2085 މީހުން ކޮވިޑަށް ޓެސްޓްކޮށް ސާމްޕަލް ނަގާފައިވާ ކަމަށެވެ.
ފާއިތުވި 24 ގަޑިއިރު ކޮވިޑް-19އަށް ޕޮޒިޓިވްވީ މީހުންނާއެކު ރާއްޖެއިން މި ބައްޔަށް ޕޮޒިޓިވްވީ މީހުންގެ އަދަދު މިހާރު ވަނީ 13،804 އަށް އަރައިފައެވެ. އަދި ކޮވިޑް ޖެހިގެން 13،150 މީހުން ރަނގަޅުވެފައިވާއިރު، މިވަގުތު ކޮވިޑް ޖެހިފައިވާ 599 މީހުން އެބަތިއްބެވެ.
މީގެ އިތުރުން ކޮވިޑް ޖެހިގެން 25 މީހަކަށް މިހާރުވެސް ހޮސްޕިޓަލްގައި ފަރުވާދެމުން އަންނަ އިރު، 48 މީހަކު ވަނީ މިހާތަނަށް މި ބަލީގައި ނިޔާވެފައެވެ.
