އެމްއެންޑީއެފް ފަޔަރ އެންޑް ރެސްކިއު ސަރވިސްއިން ފަރުމާކުރި ވައިބަރ ސްޓިކަރ ނެރެފި
މި ސްޓިކަރތައް ފަރުމާކޮށްފައިވަނީ އެފްއާރުއެސްގައި މަސައްކަތްކުރައްވާ ދެ އޮފިސަރުން
އެމްއެންޑީއެފް ފަޔަރ އެންޑް ރެސްކިއު ސަރވިސްއިން ފަރުމާކުރި ވައިބަރ ސްޓިކަރ
އެމްއެންޑީއެފް ފަޔަރ އެންޑް ރެސްކިއު ސަރވިސްއިން ފަރުމާކުރި ވައިބަރ ސްޓިކަރ ޗީފް އޮފް ޑިފެންސް ފޯސް މޭޖަރ ޖެނެރަލް އަބްދުﷲ ޝަމާލް ނެރެދެއްވައިފިއެވެ.
ކަޅުތުއްކަލާކޮށީގައި މާލޭ ފަޔަރ ސްޓޭޝަނުން އިންތިޒާމުކޮށްގެން އެ ސްޓޭޝަންގެ ސިފައިންނަށް ބޭއްވި ބްރޭވް ހާރޓް ފަޔަރ ފައިޓަރސް ޗެލެންޖް 2020 ގެ ތެރެއިން މި ސްޓިކަރތައް ނެރެދެއްވިއިރު މި ސްޓިކަރތައް ފަރުމާކޮށްފައިވަނީ އެފްއާރުއެސްގައި މަސައްކަތްކުރައްވާ ދެ އޮފިސަރުން ކަމަށްވާ ވޮރަންޓް އޮފިސަރ 3 އާސިމް ރަޝީދު އާއި ސްޓާފް ސާޖަންޓް ފާރޫޤް އިސްމާޢީލް ކަމަށް އެމްއެންޑީއެފްއިން ވަނީ ހާމަކޮށްފައެވެ.
ޖުމްލަ 24 ސްޓިކަރ ހިމެނޭ މި ސްޓިކަރ ޕެކޭޖުގައި ހިމެނޭ ސްޓިކަރތަކުން ދައްކުވައިދޭނީ އެފްއާރުއެސްއާއި އާންމު ރައްޔިތުންނާ އޮންނަ ގުޅުމާއި އަލިފާން ނިއްވުމާ ގުޅޭގޮތުން އާންމު ރައްޔިތުން ހޭލުންތެރިކަން އިތުރުކުރުމުގެ އިތުރުން އެފްއާރުއެސްގެ އިމަރޖެންސީ ނަންބަރުތަކާއި ތަފާތު ހޭލުންތެރިކަމުގެ މެސެޖުތަކެވެ.
މިއީ އާންމު ރައްޔިތުންނާ އޮންނަ ގުޅުން ބަދަހިކުރުމާއި އެފްއާރުއެސްގެ ހިލޭ ގުޅޭ ނަންބަރު 118 އިސްތިހާރު ކުރުމުގެ އިތުރުން އަލިފާނުގެ ހާދިސާތަކުން ރައްކާތެރިކުރުމަށް ހޭލުންތެރިކަން އިތުރުކުރުމުގެ މަޤްޞަދުގައި ފަރުމާކުރެވުނު ސްޓިކަރ ތަކެއްކަމަށް އެމްއެންޑީއެފްއިން ބުނެއެވެ. މި ސްޓިކަރތައް އާންމުންނަށް ބޭނުންކުރެވޭނީ 2021 ވަނަ އަހަރުގެ ޖަނުއަރީ މަހު 1 ވަނަ ދުވަހުން ފެށިގެންނެވެ.
