އަލްޖީރިއާގައި އަސްކަރީ ޚާއްސަ ތަމްރީނެއްގައި ބޭނުންކުރި ހެލިކަޕްޓަރެއް ވެއްޓި ތިން ނޭވީ އޮފިސަރުން މަރުވެއްޖެއެވެ.
ބޭރުގެ މީޑިއާތަކުގައި އެގައުމުގެ ޑިފެންސް މިނިސްޓްރީއާ ހަވާލާދީ ބުނެފައިވަނީ ބުދަ ދުވަހުގެ ހެނދުނު ކުރިއަށް ގެންދިޔަ ތަމްރީނުގެ ތެރެއިން ހެލިކަޕްޓަރެއް ވެއްޓި ތިން ނޭވީ އޮފިސަރުން މަރުވެފައިވާ ކަމަށެވެ.
ތިޕާޒާ ސިޓީން ކައިރީގައި ކުރިއަށް ގެންދިޔަ މިތަމްރީނުގައި ހެލްކަޕްޓަރު ވެއްޓުނީ މެޑިޓުރޭނިއަން ކަނޑުގެ ސަރަހައްދަށް ކަމަށް ރިޕޯޓުތަކުން ބުނެއެވެ.
ހެލިކަޕްޓަރު ވެއްޓުނު ސަބަބު މިހާތަނަށް އެއްވެސް އިދާރާއަކުން ހާމަކޮށްފައިނުވާއިރު، ޑިފެންސް މިނިސްޓްރީން ބުނީ މިހާދިސާ ހިނގަން މެދުވެރިވި ސަބަބު އިތުރަށް ތަހުގީގު ކުރަމުންދާ ކަމަށެވެ.
އަލްޖީރިއާގައި އަސްކަރީ ޚާއްސަ ތަމްރީނެއްގައި ބޭނުންކުރި ހެލިކަޕްޓަރެއް ވެއްޓި ތިން ނޭވީ އޮފިސަރުން ބުދަ ދުވަހު މަރުވެފައިވާއިރު، މިފަހަކަށް އައިސް އަސްކަރީ އެއަރކްރާފްޓްތަކަށް އެކި މައްސަލަތައް ދިމާވެ ބިރުވެރި ހާދިސާތައް ދަނީ ހިނގަމުންނެވެ. އެގޮތުން ޖެނުއަރީ މަހުގެ ތެރޭގައި ރޭގަނޑު ހިންގި ތަމްރީނެއްގައި ގޮތް ނޭނގޭ ގޮތަށް ފައިޓަރ ޖެޓެއް ވެއްޓި ދެ އޮފިސަރުން ވަނީ މަރުވެފައެވެ.
