އެމިރޭޓްސް އިން ރާއްޖެއަށް ކުރާ ދަތުރުތައް އިތުރުކޮށްފި
14 ޑިސެމްބަރު 2020 | ހޯމަ 10:17މިމަހުގެ 11 އިން ފެށިގެން އެމިރޭޓްސް އިން ރާއްޖަށް ކުރާ ދަތުރުތައް އިތުރުކޮށްފައިވޭ
އެމިރޭޓްސް ފްލައިޓެއް ވެލަނާ އިންޓަނޭޝަނަލް އެއަރޕޯޓުގައި
އެމިރޭޓްސް އިން ރާއްޖެއަށް ކުރާ ދަތުރުތައް އިތުރުކޮށްފިއެވެ.
މޯލްޑިވްސް އެއަރޕޯޓު ކޮންޕެނީ ލިމިޓެޑް (އެމްއޭސީއެލް)އިން ބުނީ މިމަހުގެ 11 އިން ފެށިގެން އެމިރޭޓްސް އިން ރާއްޖަށް ކުރާ ދަތުރުތައް އިތުރުކޮށްފައިވާ ކަމަށެވެ.
އެމެރޭޓްސްއިން ވަނީ ދުވާލަކު ރާއްޖެއަށް ތިން ދަތުރު ކުރުމަށް ނިންމާފައިވާއިރު، މިއެއަރލައިންއަކީ ރާއްޖެއާ ބޭރުގެ އެކި މަންޒިލްތަކަށް ދަތުރުތައް ކުރަމުންދާ އެއަރލައިން އެކެވެ.
އެމިރޭޓްސްއިން ރާއްޖެއަށް ކުރާ ދަތުރުތައް އިތުރުކޮށްފައިވާއިރު، މެދުއިރުމަތީގެ ބޮޑެތި އެއާލައިންތައް ކަމަށްވާ، އިއްތިހާދު އަދި ގަތަރު އެއާވޭސް އިން އެއެއަރލައިންގެ ކަސްޓަމަރުންގެ މެދުގައި ރާއްޖެއަށް އޮތް ޑިމާންޑް އިތުރުވުމާއި ގުޅިގެން އެއަރލައިންތަކުން ރާއްޖެއަށް ކުރާ ދަތުރުތައް ވަނީ އިތުރުކޮށްފައެވެ.
ރާއްޖޭގެ ފަތުރުވެރިކަމުގެ ސީޒަން ފެށިފައިވާ އިރު، މިހާރުވެސް ގިނަ އެއަރލައިންތަކަކުން އަންނަނީ ރާއްޖެއަށް ދަތުރުތައް ފަށަން ތައްޔާރުވަމުންނެވެ.
